2 Corintios 11:29 - Biblia Guarani Tumpa Iñee

²⁹ Kia imbaerasɨ yave, che vi aiporara. Kia oporombogüɨapiuka vae yave, che vi chearasɨ ikotɨ.

Nuevo Testamento Guaraní Pe

²⁹ Oime yave quia mbaeti ipɨrata iporogüɨrovia re vae, che vi añemoiru jae ndive chepɨa pe. Oime yave quia iru vae omboavai vae, che vi chepochɨ jese.

2 Corintios 11:29 ပူးပေါင်းရင်းမြစ်များ

San Mateo 11:6

Jare oyerovia ko jókuae mbaetɨ yemboavai oväe cheré vae.”

San Juan 2:17

Jayave jemimboe reta imaendúa oyekuatía oï vae re: “Ndero re cherägüɨro yae vae re aiporara.”

Romanos 12:15

Pevɨa katu, ovɨakatu vae reta ndive. Peyaeo, oyaeo vae reta ndive.

Romanos 15:1

Jayave yande ñanepɨ̈rata yandeporogüɨrovia pe vae, yaropɨa ipɨtu iporogüɨrovia pe vae reta, jare agüɨye yandeño yayemboyerovia.

1 Corintios 11:22

¿Mbaetɨ pa pero pekaru jare peɨu vaerä joko pe? ¿Maera pa peröɨro oporogüɨrovia vae reta Tumpa imbae reta jare pemomarai mbaetɨ etei mbae güɨnoi vae reta? ¿Mbae pa jaeta peve? ¿Pomboeteta ra jókuae re? ¡Ngaraa ko!

1 Corintios 12:26

Jare metei yanderete regua oiporara yave, opaete yanderete oiporara. Jaeramiño vi metei yanderete regua oyemboeteuka yave, opaete yanderete oyerovia.

1 Corintios 15:36

Jökorai jei vae mbaetɨ ko yarakuaa. Echa metei temitɨ jäɨgüe ñañotɨ yave, omano ko jeñɨi vaerä.

1 Corintios 8:13

Jayave, mbae jau vae rupi oporogüɨrovia vae ambogüɨapiuka yave, soo ave ngaraa etei jau, agüɨye vaerä ambogüɨapi ïru oporogüɨrovia vae.

1 Corintios 8:9

Ërei peyeandu agüɨye vaerä jókuae peu vae rupi pembogüɨapiuka mbaetɨ ipɨ̈rata iporogüɨrovia pe vae.

1 Corintios 9:22

Mbaetɨ ipɨ̈rata iporogüɨrovia pe vae reta ndive aï yave, che aiko vi jae reta rami, jae reta vi güɨrovia vaerä Cristo re. Ayeapo opaete vae pe jae reta rami, opaete vae oyemboasauka vaerä.

2 Corintios 13:9

Jáeramo royerovia orepɨ̈ratambae re jare pe reta pepɨ̈rata yae vae re; jare royerure avei Tumpa pembojupi vaerä.

Gálatas 2:14

Jáeramo aecha yave mbaetɨ oyapo jupi rupi ñee ikavi vae jei vae rami, jae Pedro pe opaete vae jovake: “Nde ko judío, ërei reiko judiombae vae reta yogüɨreko rami, mbaetɨ reiko judío rami. Jáeramo, ¿maera pa reipota judiombae vae reta yogüɨreko judío reta rami?”

Gálatas 6:2

Peyomborɨ mborɨ, pevoɨta ipoɨ vae re rami, jökorai pembopo Cristo iporookuai.

Apocalipsis 2:2

‘Che aikuaa opaete reyapogüe reta; täta reparavɨkɨ jare ndepɨaguasu vi. Aikuaa vi mbaetɨ reñemoïru ikavimbae vae oyapo vae reta ndive, jare rejäa temimondo oyembojee vae reta jare reikuaa temimondo retaä ko, iyapu reta ko vae;

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.