2 Corintios 11:26 - Biblia Guarani Tumpa Iñee

²⁶ Jeta yae aguata opaete kerupi; mbovɨ ye ɨ chereraja seri. Imonda vae reta chepïaro. Cherëtaɨgua reta chepïaro jare vi judiombae vae reta. Amano seri tëta guasu reta pe, ñuu rupi, ɨguasu rupi jare oporogüɨrovia raanga vae reta.

Nuevo Testamento Guaraní Pe

²⁶ Jeta yae aguata opaete que rupi. Ɨ osɨrɨ vae reta aasa yave, chereraja seri. Oporopiaro vae reta oaro che aguataa rupi. Cherentaɨgua reta oyovaicho che ndive. Jae ramiño vi judío mbae vae reta oyovaicho che ndive. Amano seri tenta reta pe jare ñuu pe jare ɨ guasu pe. Jare oporogüɨrovia-raanga vae reta oyovaicho che ndive.

2 Corintios 11:26 ပူးပေါင်းရင်းမြစ်များ

Hechos 13:45

Ërei judío reta oecha yave jeta vae yatɨ, oñemoägüɨro, jare jei añeteä ko Pablo jei vae, jare jei ikavimbae vae Pablo kotɨ.

Hechos 13:50

Ërei judío reta omboemboe kuña jupi jare imboetea vae reta jare tëta guasu pegua tenondegua reta, oñemopüa Pablo jare Bernabé re, jare omombo reta iɨvɨ güi.

Hechos 14:19

Jókuae ara rupi amogüe judío reta yogüeru Antioquía jare Iconio güi. Jae reta omboemboe tëta guasu pegua reta oyapi vaerä Pablo ita pe. Jare oyapi ma yave, ombotɨrɨrɨ güɨraja tëta guasu güi ikatu kotɨ, echa omanoecha chupe reta.

Hechos 14:5

Judío reta jare judiombae vae reta juvicha reta ndive oporepeña temimondo reta re, oyapo vaerä ikavimbae chupe reta jare oyapi vaerä ita pe yave,

Hechos 15:40

Ërei Pablo oiparavo Silas, jare oporogüɨrovia vae reta oyerure güire yandeYa ipɨakavi re chupe, ojo joko güi.

Hechos 17:13

Ërei judío Tesalónica pegua reta oikuaa Pablo omoërakua vi Berea pegua reta pe Tumpa iñee yave, yogüɨraja joko pe oyapouka tekorai joko pegua reta pe.

Hechos 17:5

Ërei judío oporogüɨroviambae reta iyakatúä Pablo jare Silas re ramo, omboatɨ jeta kuimbae jembiapombae jare jeko pochɨ vae reta, oyapo tekorai tëta guasu pe. Javoi oporepeña reta Jasón jo re oeka tëi Pablo jare Silas, güɨraja vaerä tëta guasu pegua reta jóvai.

Hechos 18:12

Ërei Galión jee vae oiko mburuvicharä ɨvɨ Acaya pe yave, judío reta oñemopüa metei rami Pablo kotɨ, jare güɨraja morojäa renda pe,

Hechos 19:1

Apolos Corinto pe oï ramboeve, Pablo ou oväe Efeso pe, opa yave omboapɨ tëta reta ɨvɨtɨ rupi oï vae. Jare joko pe oväe amogüe oporogüɨrovia vae reta.

Hechos 19:23

Jókuae ara reta pe oï tekorai Tape pɨau kotɨ.

Hechos 20:19

Ayeokuai yandeYa pe añemomichi reve jare cheresaɨ reve, Judío reta chemboavai jare ikɨ̈reɨ oyapo reta ikavimbae cheve vae jeko pegua.

Hechos 20:3

Opɨta joko pe mboapɨ yasɨ. Jare barco pe ojota Siria kotɨ yave, oikuaa judío reta oyomboemboe oyapo vaerä ikavimbae vae chupe. Jáeramo Pablo ojo ye ɨvɨ rupi Macedonia rupi.

Hechos 23:10

Jare ikaviä yae ma oyoaka reta ramo, sundaro jeta vae juvicha oyemongeta güɨramoi oyuka retata Pablo, jare oyókuai isundaro reta yogüeru vaerä güɨraja Pablo jae reta ipɨte güi sundaro rëta pe.

Hechos 25:3

oyapo vaerä ikavi vae chupe reta, güeruruka vaerä Pablo Jerusalén pe. Ërei jae reta yepe oyemongeta okätɨrota vaerä jese tape rupi, oyuka vaerä.

Hechos 27:42

Jare sundaro reta oipota tëi oyuka tembipɨɨ reta, agüɨye vaerä metei ave oɨtai otekuarai.

Romanos 15:19

Espíritu Santo imbaepuere rupi ayapo mɨakañɨ reta. Jare kuae amboɨpɨ Jerusalén güi jare opaete iyɨvɨrigua reta güive Ilírico pe, amotɨnɨe ñee ikavi vae Cristo regua pe.

Romanos 8:35

¿Kia ra yandembosɨrɨta Cristo iporoaɨu güi? ¿Tembiporara guasu ra, ani mbɨatɨtɨ, ani ïru vae reta oyapo ikavimbae vae yandeve vae, ani yɨmbɨaɨ, oata temimonde vae, ani manoɨvɨ ani mano?

1 Corintios 15:30

Jare ¿maera ra yaiko avei yemomburu rupi ara ñavo?

1 Corintios 15:32

Che añeraro mɨmba pochɨ vae reta ndive Efeso pe. Ërei ¿mbae pe ra ikavi cheve? Omanogüe reta mbaetɨ ko oikove ye yave, yandepuere yae: “Yakaru jare yakau, echa pɨareve ñamanota.”

2 Corintios 11:32

Damasco pe aï yave, mburuvicha guasu Aretas jee vae jembiokuai oipota tëi chepɨɨ. Jáeramo oyókuai sundaro reta oäro vaerä opaete tëta guasu jöke reta;

Gálatas 2:4

jare yepe tëi amogüe oporogüɨrovia raanga vae reta oike vɨari orepɨte pe, orepïaro vaerä kërai ra Cristo oreyora mborookuai güi vae rupi roiko vae, echa oipota roiko ye vaerä mborookuai re.