2 Corintios 11:23 - Biblia Guarani Tumpa Iñee

²³ Jae reta Cristo jembiokuai (imbokere vae rami tae), che ayapɨraa reta. Mbaravɨkɨ pe, jeta yae ayapo chugüi reta. Ñenupa pe, jeta yae. Tembipɨɨrɨru pe, jeta yae vi. Jeta yae amano seri.

Nuevo Testamento Guaraní Pe

²³ Jare jei reta ye: “Ore royeócuai Cristo pe”. Che ayeócuai yae Cristo pe chugüi reta. Chemiari ye ai mbaeti iyaracuaa vae imiari rami. Che aparavɨquɨ tanta yae chugüi reta. Jeta vese iru vae reta chenupa chicote pe - mbaeti chepuere opa aipapa. Jeta vese añeñonouca tembipɨɨrɨru pe. Jeta vese amano seri.

2 Corintios 11:23 ပူးပေါင်းရင်းမြစ်များ

JEREMÍAS 36:5

Javoi Jeremías jei Baruc pe: “Mase, chegüi oyeopia ko, aja vaerä yandeYa itupao pe.

Hechos 14:19

Jókuae ara rupi amogüe judío reta yogüeru Antioquía jare Iconio güi. Jae reta omboemboe tëta guasu pegua reta oyapi vaerä Pablo ita pe. Jare oyapi ma yave, ombotɨrɨrɨ güɨraja tëta guasu güi ikatu kotɨ, echa omanoecha chupe reta.

Hechos 20:23

Jaeño aikuaa opaete tëta guasu reta rupi Espíritu Santo omombeu cheve cheräro tembipɨɨrɨru jare jeta tembiporara.

Hechos 21:11

Jae ou ore roïa pe yave, oekɨ Pablo ikuakuaa. Javoi oyepokua ipɨ rupi jare ipo rupi jare jei: —Espíritu Santo jei: “Köraita Jerusalén pe judío reta oipokua kuae kuakuaa iya, jare omboeterenga retata judiombae vae reta pe.”

Hechos 25:14

Jare mbovɨ ara ma joko pe ñogüɨnoi yave, Festo omombeu mburuvicha guasu pe Pablo regua. Jei chupe: —Oime kuae pe metei kuimbae Félix oeya tembipɨɨrɨru pe vae.

Hechos 27:1

Jare mburuvicha reta oyemongeta ma oremondo vaerä ɨvɨ Italia pe yave, omee reta Pablo jare amogüe ïru tembipɨɨ reta cien sundaro vae juvicha Julio jee vae pe. Jae ko metei atɨ Augusto jee vae juvicha.

Hechos 28:16

Jare rojo roväe yave Roma pe, cien sundaro vae juvicha omee tembipɨɨ reta metei sundaro reta juvicha tenondegua ete pe. Ërei omaeño Pablo re oikoiño vaerä metei sundaro oäro vae ndive.

Hechos 28:30

Jare Pablo mókoi año oiko metei o omboepɨ vae pe. Joko pe omboresive opaete yogüeru opou ípɨri vae reta.

Hechos 9:16

Che aikuaaukata chupe kërai oiporara yaeta chereko pegua.”

Romanos 8:36

Echa Tumpa Iñee pe oyekuatía oï körai: “Nderé rogüɨrovia ramo, ara ñavo roiko yemomburu rupi. Roiko vecha reta oyereraja mbaeyukaa pe vae rami.”

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

1 Corintios 3:5

Pablo jare Apolos mbaeä ko. Ore reta ko royeokuai vaeño, orerupi peporogüɨrovia vaerä. Royapo ko mbaravɨkɨ metei ñavo yandeYa omee oreve rupi.

1 Corintios 4:1

Jáeramo pemae oreré, ore reta ko Cristo jembiokuai reta, Tumpa iyemongeta yaikuaa rapembae roikuaauka vae.

1 Corintios 4:11

Añave regua roiporara yɨmbɨaɨ, ɨuve, nandi, ñenupa jare orero ave mbaetɨ.

1 Corintios 4:9

Echa ayemongeta ore temimondo reta Tumpa oreñono taɨkue ete opaete vae güi, royeyukata vaerä rami. Opaete vae omae vaerä oreré, araɨgua reta jare ɨvɨ pegua reta.

2 Corintios 10:7

Pe reta pemae mbae oyekuaa vae reño. Kia oyemongeta jae ko Cristo imbae vae yave, toyemongeta vi ore jae ko Cristo imbae, jae reta rami.

2 Corintios 11:5

Ërei che jókuae temimondo añetembae tuichagüe reta güi, mbaetɨ ko ayandu chemichi yae.

2 Corintios 3:6

Jae ko omee oreve orepoki vaerä royeokuai chupe morogüɨrökuavee päve ipɨau pe. Mbaetɨ ko oyekuatiagüe, Espíritu pegua ko; echa mborookuai oyekuatiagüe oporoyuka, ërei Espíritu oporomoingove.

2 Corintios 4:11

Echa ore reta oimeño roikove vae, roñemoëgua avei mano pe Jesús roaɨu ramo, oyekuaa vaerä orerete mano pegua re Jesús jekove.

2 Corintios 6:9

orekuaambae rami, yepe tëi orekuaa kavi, romano potaecha, ërei roikoveño roï, orenupa reta, ërei mbaetɨ romano.

Gálatas 6:17

Añave güive agüɨye kia tachemoambeko. Echa cherete re anoi chepere reta vae oikuaauka, yandeYa Jesús jembiokuai ko che vae.

Efesios 3:1

Kuae jeko pegua che Pablo, Cristo Jesús jembipɨɨ, pe judiombae vae reta re;

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Efesios 6:20

Echa Tumpa chembou jekovia pe amoërakua vaerä; kuae jeko pegua tembipɨɨ aï. Peyerure cheré, amoërakua vaerä akɨɨyembae reve.

Filipenses 1:13

Echa opaete sundaro mburuvicha guasu jo pegua reta jare opaete ïru vae reta oikuaa kërai che kuae tembipɨɨrɨru pe aï Cristo pe ayeokuai ramo.

Filipenses 2:17

Yepe tëi güɨramoi cherugüɨ oyepɨyereta vi, mbota vino oyepɨyere mbaemɨmba oyeyukagüe iárambo rami, ërei jeseve ayerovia ko opaete pe reta ndive.

Colosenses 1:24

Añave ayerovia aiporara aï peré vae re. Echa aiporara aï cherete pe jókuae oataño Cristo jete re oiporara vaerä vae, jae ko oporogüɨrovia vae reta.

Colosenses 1:29

Kuae jeko pegua che vi aparavɨkɨ aï Tumpa pe. Täta aparavɨkɨ aï aiporara reve Cristo imbaepuere rupi, echa jae täta oparavɨkɨ oï chepɨa pe.

1 Tesalonicenses 3:2

jare romondo yanderɨvɨ Timoteo pépɨri. Jae ko Tumpa pe oyeokuai vae, oremborɨ omoërakua ñee ikavi vae Cristo regua vae. Romondo ko pemomɨ̈rata jare pemboarakuaa vaerä peporogüɨrovia pe;

1 Timoteo 4:6

Remboe yave yanderɨvɨ reta kuae re, Jesucristo jembiokuai ikavigüe ko nde, jekuae eñemomɨ̈rata ñee mborogüɨrovia pegua re jare mboromboe añete vae rupi reiko vae re.

2 Timoteo 1:16

YandeYa toiparareko Onesíforo jo pegua reta, echa jae jeta vese chemboyerovia, jare mbaetɨ imara opou vaerä chépɨri, yepe tëi aiko tembipɨɨrɨru pe.

2 Timoteo 1:8

Jáeramo agüɨye nemara remombeu vaerä yandeYa regua, ani cheregua. Echa che aiko kuae tembipɨɨrɨru pe yandeYa pe ayeokuai ramo. Ërei eiporaraño ñee ikavi vae re, Tumpa imbaepuere rupi.

2 Timoteo 2:9

Jese aiporara aiporara aï tembipɨɨrɨru pe ikavimbae iyapo rami. Ërei Tumpa iñee mbaetɨ oyeokenda oï.

2 Timoteo 3:11

reikuaa kërai aiporara ïru reta oyapo ikavimbae cheve vae Antioquía pe, Iconio jare Listra pe. Ërei yandeYa chereepɨ opaete aiporara vae güi.

Filemón 1:9

Ërei mboroaɨu reve romoñera; che chendechi ma ko, jare añave Jesucristo jembipɨɨ;

Hebreos 10:34

Echa peiparareko tembipɨɨrɨru pe ñogüɨnoi vae reta. Jare ïru vae reta pembaembae opɨ̈ro pegüi yave, peiporara peyerovia katu reve. Echa peikuaa penoi ko ara pe mbaembae ikavigüe opambae.