2 Corintios 11:22 - Biblia Guarani Tumpa Iñee

²² Jae reta hebreo, che jaeramiño vi. Jae Israel pegua reta, che jae vi ko. Jae reta Abraham iñemuña reta pegua, che jae vi ko.

Nuevo Testamento Guaraní Pe

²² Jae reta jei: “Ore co jae hebreo reta”. Che jae vi co. Jare jei reta ye: “Ore co jae Israel pegua reta”. Che jae vi co. Jare jei reta ye: “Ore co jae Abraham iñemoña reta pegua”. Che jae vi co.

2 Corintios 11:22 ပူးပေါင်းရင်းမြစ်များ

2 CRÓNICAS 20:7

OreTumpa, nde renoe remombo kuae ɨvɨ pe yogüɨreko vae reta tëta Israel ndembae vae jenonde güi, jare remee ndevɨa-ïru Abraham iñemuña reta pe, jekuae avei pegua.

ÉXODO 10:3

Jayave Moisés jare Aarón yogüɨraja Faraón pɨri, jare jei reta chupe: —OreYa, hebreo reta iTumpa jei körai: “¿Kërai yave regua pa mbaetɨta reñemomichi cheróvai? Emaeño toyogüɨraja tëta chembae, chemboete vaerä;

ÉXODO 3:18

Oendu retata neñee; jare reota nde jare Israel iñemuña itenondegua reta ndive mburuvicha guasu Egipto pegua pɨri, jare pereta chupe: “OreYa, hebreo reta iTumpa oyekuaa oreve; jáeramo, añave rojota ñuu kotɨ, mboapɨ ara roguatata romee vaerä mɨmba oyeyukagüe oreYa Tumpa pe.”

ÉXODO 5:3

Jayave jae reta jei: —Ore hebreo reta iTumpa oyekuaa oreve; añave, rojota ñuu kotɨ mboapɨ ara roguatata, jare romeeta mɨmba oyeyukagüe oreYa Tumpa pe, agüɨye vaerä güeru oreve mbaerasɨ ovakatu vae ani tovaicho.

ÉXODO 7:16

Joko pe ere chupe: “OreYa, hebreo reta iTumpa chembou ndekotɨ, jae vaerä ndeve jae jei vae: Emaeño toyogüɨraja tëta chembae, chemboete vaerä ñuu pe; ërei nde jekuaeñoi mbaetɨ reipota reyeapɨsaka cheñee re.

ÉXODO 9:1

Jayave yandeYa jei Moisés pe: —Eike Faraón oïa pe jare ere chupe: “OreYa, hebreo reta iTumpa jei körai: ‘Emaeño toyogüɨraja tëta chembae oyeokuai vaerä cheve.

ÉXODO 9:13

Jayave yandeYa jei Moisés pe: —Epüa ekua ndeimbove ere Faraón pe: “Körai jei cheYa, hebreo reta iTumpa: ‘Emaeño toyogüɨraja tëta chembae, chemboete vaerä;

San Mateo 3:9

Jare agüɨye pere peyeupe: ‘Ñaneñemuñagüe jae ko Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.

Hechos 22:3

“Che ko jae metei judío. Aa Tarso Cilicia pegua pe, ërei akuakuaa kuae tëta guasu pe. Gamaliel chemboe kavi ñaneñemuñagüe reta iporookuai re. Che ayapo avei Tumpa jei vae, opaete pe reta añave peyapo rami.

Hechos 6:1

Jókuae ara reta rupi jeiete jeta oñemoïru oporogüɨrovia vae reta yave, griego reta iñeenguru hebreo reta kotɨ. Echa mbaetɨ oyangareko kavi reta jëtaɨgua imemano vae reta re, ara ñavo oñemee tembíu yave.

Romanos 11:1

Añave taparandu: ¿Tumpa omombo ra tëta imbae vae? ¡Mbaetɨ ko! Echa che vi ko jae metei Israel pegua, Abraham iñemuña, Benjamín iñemuña pegua.

Romanos 9:4

Jae ko Israel iñemuña reta. Tumpa oyapo taɨ retarä. Oechauka iyemboetea chupe reta. Oyapo morogüɨrökuavee päve jae reta ndive, jare oikuaauka vi chupe reta Moisés iporookuai. Oyeokuai reta Tumpa pe jare jae oñererökuavee chupe reta.

Gálatas 3:16

Jáeramo Tumpa güɨrökuavee omee vaerä Abraham jare iñemuña pe. Mbaetɨ jei: “Neñemuña reta”, jeta vae re rami. Imiari metei reño, jei: “Neñemuña.” Jókuae jae ko Cristo.

Filipenses 3:5

Ayembocircuncidauka juri ara ma anoi yave, che ko Israel iñemuña pegua, Benjamín iñemuña pegua, hebreo taɨ añetegüe vae, che ko fariseo mborookuai jei vae oyapo vae,