2 Corintios 11:2 - Biblia Guarani Tumpa Iñee

² Cherägüɨro peré, Tumpa jägüɨro rami. Echa pomee ma Cristo pe imenda ïrurä, poñono vaerä jóvai metei kuñatai ndeiño etei oasa kuimbae ndive vae rami.

Nuevo Testamento Guaraní Pe

² Añemoagüɨro yae peré. Echa Tumpa omee cheve jocorai añemoagüɨro vaera peré. Echa aipota pomee Cristo pe, metei cuñatai icavi vae ndeiño cuimbae güɨreco vae metei cuimbae ndive omenda yave oñemee ime pe rami.

2 Corintios 11:2 ပူးပေါင်းရင်းမြစ်များ

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

EZEQUIEL 44:22

Agüɨye tomenda imemano vae ani ramo ime omombo vae ndive, jaeño tomenda Israel iñemuña pegua kuñatai ndei etei oasa kuimbae ndive vae ani ramo sacerdote amɨri jembirekogüe ndive.

San Juan 3:29

Jae ko metei kuimbae omendata vae rami. Che ko omendata vae ivɨa-ïru rami. Echa omendata vae ivɨa-ïru opɨta omendata vae ndive jare oyeapɨsaka jese jare oyerovia iñee oendu yave. Jökoraiño vi ko che añave ayerovia yae.

Romanos 7:4

Jaeramiño vi, pe cherɨvɨ reta, pemano ko mborookuai güi Cristo imano rupi, peiko vaerä Cristo oikove ye omanogüe reta ipɨte güi vae re, peyapo vaerä ikavi vae Tumpa peguarä.

1 Corintios 4:15

Echa yepe tëi jeta pemboe Cristo re vae, ërei mbaetɨ ko jeta peru. Che ko jae peru rami Cristo Jesús re ñee ikavi vae amoërakua peve vae rupi.

2 Corintios 4:14

Echa roikuaa Tumpa omoingove ye yandeYa Jesús. Jaeramiño vi roikuaa Tumpa oremoingove yeta ko Jesús ndive, jare orererajata pe reta ndive jae jóvai.

Gálatas 4:11

Chepɨatɨtɨ yae peré, echa ayemongeta güɨramoi aparavɨkɨiño ma pepɨte pe.

Filipenses 1:8

Echa Tumpa oikuaa kërai che poaɨu yae ko, Jesucristo iporoaɨu rupi etei.

Colosenses 1:28

Ore romoërakua Cristo, romboarakuaa jare romboe reve opaete vae, arakuaa re, opaete vae okuakuaa kavi vaerä Cristo Jesús re.

1 Tesalonicenses 2:11

Jare peikuaa vi ore pe ndive, metei kuimbae taɨ ñavo omboarakuaa jare pombopɨakatu rami ko.

Apocalipsis 14:4

Jae reta mbaetɨ oyemongɨa kuña reta ndive. Echa mbaetɨ etei oasa reta kuña ndive. Jae reta yogüɨraja Vecha kuimbae taɨrusu vae ndive kerupi ojoa rupi. Kuae reta ko Cristo oepɨ ɨvɨ pegua reta ipɨte güi vae. Jae reta ko mbaagüɨye rɨpɨ rami Tumpa jare Vecha kuimbae taɨrusu vae peguarä.