2 Corintios 11:11 - Biblia Guarani Tumpa Iñee

¹¹ ¿Maera pa körai jae? ¿Mbaetɨ ra poaɨu? ¡Tumpa oikuaa poaɨu ko!

Nuevo Testamento Guaraní Pe

¹¹ Cuae mbaeti co oipota jei che mbaeti poaɨu. Tumpa oicuaa poaɨu co.

2 Corintios 11:11 ပူးပေါင်းရင်းမြစ်များ

SALMOS 44:21

¿mbaetɨta ra reikuaa kuae re? Echa nde reikuaa ko opaete mbae oñemi oï kuimbae ipɨa pe vae.

San Juan 21:17

Jesús jei ye chupe mboapɨa ma: —Simón, Jonás taɨ, ¿cheraɨu pa? Pedro ipɨatɨtɨ. Echa mboapɨa ma Jesús jei chupe: “¿Cheraɨu pa?” Jayave jei ye: —CheYa, nde reikuaa opaete. Nde reikuaa ko che roaɨu ko vae. Jesús jei chupe: —Emongaru chevecha reta.

Hechos 15:8

Tumpa ko oikuaa opaete vae ipɨa vae, jae oechauka jae reta güɨrovia ko. Echa omee chupe reta Espíritu Santo, yandeve omee rami.

Romanos 1:9

Che ayeokuai Tumpa pe opaete chekɨ̈reɨ reve. Echa amombeu ïru vae reta pe ñee ikavi vae Tumpa Taɨ regua. Jae oikuaa kërai ayerure avei chupe peré vae.

2 Corintios 11:10

Echa Cristo regua aikuaa añete vae jekuae chemiarita opaete Acaya rupi. Mbaetɨta kia ipuere chemokïrii.

2 Corintios 11:31

Tumpa, yandeYa Jesucristo Tu, imboetea avei vae oikuaa mbae jae vae añete ko.

2 Corintios 12:15

Chekɨ̈reɨ ngatu reve aiporuta chembaembae, che etei añemeeta poaɨu vae jeko pegua. Yepe tëi che poaɨu yae reve pe reta mbaetɨ cheraɨu ete.

2 Corintios 2:17

Ore reta mbaetɨ Tumpa iñee re romongana, jeta ïru vae reta oyapo rami. Romoërakua ko jupi rupi Tumpa jóvai, jae oreokuai rami, Cristo re roï ramo.

2 Corintios 7:3

Kuae mbaetɨ jae peve pomboeko vaerä. Echa che jae ma peve kërai ore pogüɨnoi avei orepɨa pe, yaikove ani ñamano regua.

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

JOSUÉ 22:22

—YandeYa Tumpa, opaete tumpa reta güi imbaepuere vae oikuaa mbaetɨ ko royapo orepɨapochɨ güi vae ani rosɨrɨ vaerä chugüi. Jae oikuaa jare toikuaauka peve opaete; agüɨye tiñɨ̈ro oreve mbaetɨ ko jaekavi royapo yave.

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.