2 Corintios 11:1 - Biblia Guarani Tumpa Iñee

¹ Aipota pepɨaguasu vaerä cheve, chemiari ramboeve iyarakuaambae vae rami. ¡Pepɨaguasu cheve!

Nuevo Testamento Guaraní Pe

¹ Aipota pepɨaguasu vaera cheve, chemiari rambueve mbaeti iyaracuaa vae rami. Jae rambue pepɨaguasu cheve.

2 Corintios 11:1 ပူးပေါင်းရင်းမြစ်များ

2 REYES 5:3

Kuae kuñatai jei iya kuña pe: —Cheya omoñera ñeemombeúa Samaria pe oï vae yave, ombogüerata ko ipire mbaerasɨ ókui vae güi.

NÚMEROS 11:29

Jare Moisés jei chupe: —¿Nerägüɨro pa cheré? ¡Mbae mona opaete vae, kuae tëta yandeYa imbae omombeu Tumpa iñee, jare yandeYa oñono iespíritu metei ñavo vae re!

San Mateo 17:17

Jayave Jesús jei: —Oporogüɨroviambae jare ipɨapochɨ vae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

Hechos 18:14

Pablo omboɨpɨ imiari yave, Galión jei judío reta pe: —Judío reta, kuae kuimbae oyapo yave ikavimbae vae pekotɨ, ani oporoyuka yave, ayeapɨsakata tëi peré.

Hechos 26:29

Jayave Pablo jei chupe: —Mbae mona Tumpa oipota jarembae ani ɨma pe, nde jare opaete ïru añave oyeapɨsaka cheré vae reta peyeapo vaerä che rami, ërei agüɨye kuae nunga karena ndive.

1 Corintios 1:21

Tumpa iyarakuaa rupi, ɨvɨ pegua reta iyarakuaa rupi aeño mbaetɨ ipuere oikuaa Tumpa. Ërei Tumpa jaekavi omboasa vaerä oporogüɨrovia vae reta ñee ikavi vae mbokereecha vae rupi.

1 Corintios 3:18

Agüɨye kia ave toyembotavɨ. Oime yave kia oyemongeta iyarakuaa katu ko arakuaa ɨvɨ pegua pe vae, toyeapo yarakuaambae rami, jökorai iyarakuaa katu yae vaerä.

1 Corintios 4:10

Ore roï iyarakuaambae rami Cristo re rogüɨrovia ramo, ërei pe reta ko pearakuaa katu Cristo re. Ore ko jae ipɨ̈ratambae vae reta rami, jare pe reta ko jae ipɨ̈rata vae. Pe reta imboetea vae, ërei ore roñereröɨro.

1 Corintios 4:8

Pe reta peangapɨɨ ma, peikokatu ma jare peiko ma mburuvicha nunga. Mbae mona peyeapo mburuvicha añetete vae retarä, ore vi roï vaerä pe reta ndive.

2 Corintios 11:19

Pearakuaa katu tëi reve, peropɨa imbokere vae reta.

2 Corintios 11:21

Yepe tëi chemara jae vaerä, ¡ore reta mbaetɨ orepuere jökorai roiko! Ërei ïru vae reta oipoɨuä oyemboete yave, che vi ayemboete aipoɨumbae reve yepe tëi mbokere.

2 Corintios 11:4

Echa pemboresive yave ambuae Jesús re omoërakua vae, ore romoërakua vae güi; jaeramiño vi pemboresive ambuae espíritu, tenonde yave pemboresive ma vae güi; jökoraiño vi pemboresive ambuae ñee ikavi vae, tenonde ma pemboresive vae güi.

2 Corintios 12:11

Ayeapo metei iyarakuaambae vae rami ayemboete vae rupi, pe reta etei peyapouka jókuae cheve. Pe reta ko chemboeteta tëi. Echa jókuae temimondo añetembae tuichagüe reta güi, mbaetɨ ayandu chemichi yae, yepe tëi mbaeä etei ko che.

2 Corintios 5:13

Echa orembokere ko yave, Tumpa peguarä ko. Mbaetɨ orembokere yave, peveguarä ko.

Hebreos 5:2

Jare ipɨaguasu vaerä oikuaambae reve iyoa vae pe jare ombaeyavɨ vae pe, echa jae etei vi ipɨ̈ratambae vae ko;

JOSUÉ 7:7

Jare Josué jei: —¡CheYa Tumpa! ¿Maera pa reroasa kuae tëta ɨ̈aka Jordán? ¿Amorreo reta pe oremee vaerä pa, opa oremokañɨtei vaerä pa? ¡Ropɨtañota tëi yepe ɨ̈aka Jordán jovaicho pe!