2 Corintios 10:7 - Biblia Guarani Tumpa Iñee

⁷ Pe reta pemae mbae oyekuaa vae reño. Kia oyemongeta jae ko Cristo imbae vae yave, toyemongeta vi ore jae ko Cristo imbae, jae reta rami.

Nuevo Testamento Guaraní Pe

⁷ Pe reta pemboete iru vae reta mbae icatu pe oyecuaa vae re. Güɨramoi quia oicuaa cavi jae co Cristo imbae. Erei toicuaa cavi ore vi co jae Cristo imbae, jae rami.

2 Corintios 10:7 ပူးပေါင်းရင်းမြစ်များ

San Mateo 23:5

Echa jókuae oporomboe vae reta mbae oyapo yave, ïru vae reta oecha vaeräño ko oyapo. Echa jae reta mborookuai oyekuatiagüe oñono iyé vae jɨru, ombopɨguasu kavi reta iyeupe jare jemimonde jopea ombopuku reta iyeupe.

San Lucas 16:15

Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

San Juan 7:24

Agüɨye peporojäa peecha vae rupiño. Peporojäa kavi jupi rupi.

1 Corintios 1:12

Echa amogüe pe reta pere: “Che ko aï Pablo ndive.” Jare amogüe jei: “Che ko aï Apolos ndive.” Jare ïru reta jei: “Che ko aï Pedro ndive.” Jare ïru reta jei: “Che ko aï Cristo ndive.”

1 Corintios 14:37

Güɨramoi kia oyemongeta iyé jae ko metei ñeemombeúa ani Espíritu pegua ko vae. Jókuae nunga toikuaa kërai kuae mbaembae aikuatía peve vae yandeYa iporookuai reta ko.

1 Corintios 15:23

Ërei metei ñavo jenda jenda pe kavi: Tenonde ete Cristo oikove ye; ërei Cristo ou ye yave, opaete güɨrovia jese vae reta oikove yeta.

1 Corintios 3:23

Jare pe reta ko jae Cristo imbae, jare Cristo ko jae Tumpa imbae.

1 Corintios 9:1

Che ko temimondo, chepuere ayapo cheve ikavi vae. Che aecha ko yandeYa Jesús. Pe reta etei ko jae cherembiapo yandeYa re.

2 Corintios 10:1

Che Pablo, pomoñera Cristo iñemomichi jare iporoaɨu rupi. Che aï pépɨri yave añemomichi, ërei mbaetɨ aï pépɨri yave chemiari peve aipoɨumbae reve.

2 Corintios 11:18

¡Echa oime jeta oyemboete jae aeño vae, che vi tayembotuicha!

2 Corintios 11:23

Jae reta Cristo jembiokuai (imbokere vae rami tae), che ayapɨraa reta. Mbaravɨkɨ pe, jeta yae ayapo chugüi reta. Ñenupa pe, jeta yae. Tembipɨɨrɨru pe, jeta yae vi. Jeta yae amano seri.

2 Corintios 11:4

Echa pemboresive yave ambuae Jesús re omoërakua vae, ore romoërakua vae güi; jaeramiño vi pemboresive ambuae espíritu, tenonde yave pemboresive ma vae güi; jökoraiño vi pemboresive ambuae ñee ikavi vae, tenonde ma pemboresive vae güi.

2 Corintios 12:11

Ayeapo metei iyarakuaambae vae rami ayemboete vae rupi, pe reta etei peyapouka jókuae cheve. Pe reta ko chemboeteta tëi. Echa jókuae temimondo añetembae tuichagüe reta güi, mbaetɨ ayandu chemichi yae, yepe tëi mbaeä etei ko che.

2 Corintios 13:3

Echa pe reta peeka Cristo imiari ra peve che rupi vae. Jae mbaetɨ ko ipuerembae rami peré, imbaepuere yae ko peré.

2 Corintios 5:12

Mbaetɨ ko kuae roe ye peve royemboete vaerä. Jaeño roipota pepɨa katu orekotɨ, pepuere vaerä pemiari jókuae oyemboete yaecha vae reño vae reta pe, mbaetɨ oyemboete ipɨa pe güɨnoi vae re.

Gálatas 3:29

Pe reta Cristo imbae ko yave, Abraham iñemuña ma ko pe reta, jare pembae ko jókuae Tumpa güɨrökuavee Abraham pe vae.

1 Juan 4:6

Ërei yande ko jae Tumpa imbae reta. Kia oikuaa Tumpa vae, oyeapɨsaka yanderé. Ërei kia Tumpa imbaeä vae, mbaetɨ oyeapɨsaka yanderé. Körai yandepuere yaikuaa añete vae pegua espíritu ani tavɨ pegua.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”