2 Corintios 10:18 - Biblia Guarani Tumpa Iñee

¹⁸ Echa mbaetɨ ko tuicha, jae aeño oyembotuicha vae. Jaeño ko tuicha, yandeYa ombotuicha vae.

Nuevo Testamento Guaraní Pe

¹⁸ Echa ñandeYa omboeteuca vae oñemboeteucata co, mbaeti co jaeiño oñemboete vae.

2 Corintios 10:18 ပူးပေါင်းရင်းမြစ်များ

PROVERBIOS 12:8

Kuimbae oyemboeteuka iyarakuaa katu güɨnoi rupi, ërei ipɨapochɨ vae, oñereröɨrouka vaeräño ko.

PROVERBIOS 21:2

Kuimbae pe ikaviecha opaete mbae oyapo vae, ërei yandeYa ko oikuaa opaete mbae oyeapo vae.

PROVERBIOS 27:2

Ïru vae reta tandemboete, agüɨye nde aeño eyemboete.

San Lucas 16:15

Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

San Juan 12:43

Echa jae reta oaɨu yae kuimbae reta iporombotuichaño Tumpa iporombotuicha güi.

Hechos 2:22

Jei vi chupe reta: Kuimbae Israel iñemuña reta, peyeapɨsaka kuae re: Tumpa oyapo pepɨte pe mɨakañɨ reta Jesús Nazaret-ɨgua rupi. Jökorai Tumpa oechauka peve Jesús añete vae ko. Kuae peikuaa katu ko pe reta.

Romanos 14:18

Echa körai oyeokuai Cristo pe vae, omboyerovia ko Tumpa, jare kuimbae reta güɨrovia katu.

Romanos 16:10

Tamaraeme vi Apeles. Iporogüɨrovia Cristo re oyekuaa ikavi vae. Tamaraeme toñogüɨnoi Aristóbulo jo pegua reta.

Romanos 2:29

Ërei judío añetete vae, ipɨa pe etei oï vae jeko pegua ko. Jaeramiño vi metei oyembocircuncidauka vae, ipɨa pe etei ko oyembocircuncida, Espíritu rupi, mbaetɨ oyekuatía oï vae jeko peguaño. Kuae nunga, Tumpa omboeteuka, yepe tëi ïru vae reta mbaetɨ omboete.

1 Corintios 11:19

Echa oime tai ko yemboyao reta pepɨte pe, añetete oporogüɨrovia vae reta oyekuaa vaerä pepɨte pe.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

2 Corintios 10:12

Echa ore mbaetɨ roipota roñeenɨi ani royemboyovake jókuae oyemboete jae reta aeño vae reta ndive. Ërei jae reta oñojäa yemongeta oñono iyeupe vae rupi aeño. ¡Mbaetɨ ko iyarakuaa reta!

2 Corintios 13:7

Jare royerure Tumpa pe agüɨye vaerä peyapo mbae ikavimbae vae. Mbaetɨ roipota ïru vae reta oyemongeta kavi oreré vaeräño, jaeño roipota pe reta peyapo vaerä ikavi vae, yepe tëi güɨramoi ïru vae reta oyemongeta ore añeteteä vae.

2 Corintios 3:1

¿Jekuae pa romboɨpɨ yeta roñemoërakua ore aeño?, ani ¿jekuae pa rogüɨraja pɨau yeta peve tupapire oreregua ani pe pemee vaerä oreve, amogüe vae reta oyapo vae rami?

2 Corintios 5:12

Mbaetɨ ko kuae roe ye peve royemboete vaerä. Jaeño roipota pepɨa katu orekotɨ, pepuere vaerä pemiari jókuae oyemboete yaecha vae reño vae reta pe, mbaetɨ oyemboete ipɨa pe güɨnoi vae re.

2 Corintios 6:4

Jekuaeño roechauka ïru vae reta pe Tumpa jembiokuai ko ore vae. Mbɨaguasu rupi, tembiporara reta, mbaravete, mbɨatɨtɨ,

2 Timoteo 2:15

Eñemoäta ngatu, repɨta kavi vaerä Tumpa ndive, oparavɨkɨ vae mbaetɨ mbae güi imara vaerä vae rami, eporomboe ikavi rupi ñee añete vae re.

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.