2 Corintios 10:10 - Biblia Guarani Tumpa Iñee

¹⁰ Echa amogüe vae jei, cherembikuatía ipoɨ yae jare yavai oyeapo vaerä, jare che etei aï ípɨri yave mbaeä etei jare cheñee mbegüe.

Nuevo Testamento Guaraní Pe

¹⁰ Echa amogüe vae jei corai: “Pablo oicuatía ñandeve vae pe jei ñandeve jeta mbaembae yavai vae yayapo vaera, jare oicuatía mbaepuere güɨnoi vae rami. Erei jae etei oi yave ñandepɨri, oyecuaa quirai jae mbaeti etei mbaepuere güɨnoi, jare imiari yave, ñaroɨro co”. Jocorai jei.

2 Corintios 10:10 ပူးပေါင်းရင်းမြစ်များ

ÉXODO 4:10

Jayave Moisés jei yandeYa pe: —¡Atataɨ cheYa! Mbaetɨi ko che kuimbae iñee ngatu vae tenonde güive, ani nde nemiari che nderembiokuai ndive yave ramoä ko; echa ɨma ɨma yave aväe cheñeerä jare chekü ipoɨ.

JEREMÍAS 1:6

Jare che jae: “¡Atataɨ, cheYa Tumpa! Mase, ¡che mbaetɨ aikatu chemiari, echa chetaɨrusu yae vɨteri ko!”

1 Corintios 1:17

Echa Cristo mbaetɨ ko chembou aporombobautisa vaerä. Jaeño chembou amoërakua vaerä ñee ikavi vae. Ërei mbaetɨ aiporu ñee arakuaa katu pegua, agüɨye vaerä amomichi Cristo omano kurusu re vae.

1 Corintios 1:21

Tumpa iyarakuaa rupi, ɨvɨ pegua reta iyarakuaa rupi aeño mbaetɨ ipuere oikuaa Tumpa. Ërei Tumpa jaekavi omboasa vaerä oporogüɨrovia vae reta ñee ikavi vae mbokereecha vae rupi.

2 Corintios 10:1

Che Pablo, pomoñera Cristo iñemomichi jare iporoaɨu rupi. Che aï pépɨri yave añemomichi, ërei mbaetɨ aï pépɨri yave chemiari peve aipoɨumbae reve.

2 Corintios 10:11

Ërei jökorai jei vae toikuaa kuae: Roikuatía vae rupi ñee romondo rami, jökoraita vi royapo roï etei ma pépɨri yave.

2 Corintios 10:9

Jáeramo agüɨye peyemongeta che aipota ko pomongɨɨye cherembikuatía reta rupi.

2 Corintios 11:21

Yepe tëi chemara jae vaerä, ¡ore reta mbaetɨ orepuere jökorai roiko! Ërei ïru vae reta oipoɨuä oyemboete yave, che vi ayemboete aipoɨumbae reve yepe tëi mbokere.

2 Corintios 11:6

Yepe tëi mbaetɨ chepoki chemiari vaerä, ërei aikuaa katu chemiari peve jese vae. Jare opaete royapogüe rupi roikuaauka peve jókuae.

2 Corintios 13:3

Echa pe reta peeka Cristo imiari ra peve che rupi vae. Jae mbaetɨ ko ipuerembae rami peré, imbaepuere yae ko peré.