2 Corintios 1:3 - Biblia Guarani Tumpa Iñee

³ Toyemboete Tumpa, yandeYa Jesucristo Tu. Jae ko yandeRu iporoparareko jare oporombopɨakatu vae,

Nuevo Testamento Guaraní Pe

³ Ñamboete Tumpa. Jae co ñandeYa Jesucristo Tu. Jae co ñandeRu vi. Jae ñandeparareco. Jae jecuaeño ñanembopɨacatu.

2 Corintios 1:3 ပူးပေါင်းရင်းမြစ်များ

GÉNESIS 14:20

Jare opaete vae reta tomboete Tumpa Tuichagüe yae ete vae, echa jae ko ndemborɨ remoamɨri nderovaicho reta.” Jayave Abram omee payandepo güi metei, jókuae opaete güeru ye vae güi Melquisedec pe.

1 CRÓNICAS 29:10

Jökoraiño vi David oyerovia yae. Jare omboete yandeYa opaete yatɨ vae reta jóvai, jei: “¡Mbaeyekou toï jekuae avei pegua, nde cheYa Tumpa, oreñemuña Israel iTumpa!

NEHEMÍAS 9:5

jare levita reta Jesúa, Cadmiel, Bani, Hasabnías, Serebías, Hodías, Sebanías jare Petaías, jei reta: “Pepüa pemboete peYa Tumpa jekuae avei rupi. ¡Toyemboete avei, nderee tuicha yae vae jare imboetea yae vae!”

JOB 1:21

jei: —Chepogüɨrai ko aa chesɨ güi jare chepogüɨrai tamano. YandeYa ko omee, jare yandeYa ko oekɨ. ¡Toyemboete yandeYa!

SALMOS 18:46

¡Toyemboete yandeYa! ¡Toyemboeteuka ita guasu cheñepɨ̈roa! ¡Toyembotuicha cheTumpa chereroasayepe vae!

SALMOS 68:35

CheRu Tumpa, kɨɨyea ko nde, ndero mbaemboetea pe; nde Israel iTumpa, nde ko remee mɨ̈rata jare tekove katu ndembae vae reta pe. ¡Toyemboete Tumpa!

SALMOS 72:19

Toyemboete jekuae avei pegua jee imboetea yae vae. ¡Opaete ɨvɨ titɨnɨe iyemboetea! ¡Amén! ¡Amén!

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

SALMOS 86:5

Echa nde cheYa, ndepɨakavi jare neɨ̈ro vae ko; ndeporoparareko tuicha yae ko nereenɨi vae reta kotɨ.

ISAÍAS 66:13

Kia omboresive mbɨakatu ichɨ güi rami, che pombopɨakatuta, Jerusalén pe pepɨakatuta.”

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

DANIEL 9:9

OreYa Tumpa, ndegüi ko outa mboroparareko jare ñɨ̈ro. Yepe tëi ore orepɨa pochɨ ndekotɨ,

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

San Juan 10:30

CheRu jare che meteiño ko.

San Juan 20:17

Jayave Jesús jei chupe: —Agüɨye chepɨɨ. Echa ndei ayeupi cheRu pɨri. Ërei ekua emombeu cherɨvɨ reta pe che jae körai: “Ajata ma cheRu pɨri, jae ko peRu vi. Jae ko cheTumpa, jae ko peTumpa vi.”

2 Corintios 11:31

Tumpa, yandeYa Jesucristo Tu, imboetea avei vae oikuaa mbae jae vae añete ko.

2 Corintios 7:6

Ërei Tumpa ombopɨakatu ipɨatɨtɨ vae reta vae, orembopɨakatu Tito ou yave oväe orépɨri;

Efesios 1:17

yandeYa Jesucristo iTumpa, Tu imboetea yae vae, tomee peve arakuaa katu jare toikuaauka peve mbaembae, peikuaa kavi vaerä Tumpa regua.

Efesios 1:3

Toyemboete Tumpa, yandeYa Jesucristo Tu. Jae iporerekua yanderé opaete mborerekua ara pegua pe, Cristo re,

Filipenses 2:11

jare opaete vae jei vaerä Jesucristo ko jae opaete vae iYa. Kuae rupi yandeRu Tumpa oyemboete vaerä.

Colosenses 1:3

Jekuaeño royerure peré romee reve yasoropai Tumpa pe. Jae ko yandeYa Jesucristo Tu.

1 Pedro 1:3

Toyemboete Tumpa yandeYa Jesucristo Tu. Jae yandeparareko yae ramo yandeapo taɨ retarä, ñaäro vaerä yayerovia reve, Jesucristo oikove ye omanogüe reta ipɨte güi vae rupi.

2 Juan 1:4

Aikuaa yave joko pegua oporogüɨrovia reta yogüɨreko añete vae rupi, yandeRu yandeokuai vae rami.

2 Juan 1:9

Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.