2 Corintios 1:12 - Biblia Guarani Tumpa Iñee

¹² Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

Nuevo Testamento Guaraní Pe

¹² Echa ore roico cavi oporogüɨrovia mbae vae reta ipɨte pe jare pepɨte pe etei, Tumpa oremborɨ rambue. Mbaeti etei roporombotavɨ. Jare corai roico Tumpa ipɨacavi rupi, mbaeti orearacuaa ae rupi. Jare roicuaa cuae añete co. Jae rambue royerovia.

2 Corintios 1:12 ပူးပေါင်းရင်းမြစ်များ

2 SAMUEL 22:22

echa che aguata yandeYa jeia rupi; ¡mbaetɨi apia cheTumpa güi!

JOB 13:15

Mase, yepe tëi jae cheyuka, ërei jeseño ko ayekota; aepɨ tai ko cherekove jae jóvai.

ISAÍAS 38:3

“Romoñera cheYa, nemaendúa vaerä jupi rupi jare añetete rupi ayeokuai ndeve vae re, jare ayapo ndepɨa jemimbotaño.” Jare oyaeo ipɨatɨtɨ yae reve.

Hechos 23:1

Jayave Pablo omae ngatu mburuvicha judío reta re, jare jei: —Tëtara reta, che jekuaeño aiko chepɨa ikavi reve Tumpa kotɨ.

Hechos 24:16

Jáeramo che aipota chepɨa ikavi avei anoi vaerä Tumpa kotɨ jare ɨvɨ pegua reta kotɨ.

Romanos 9:1

Che Cristo re jae añete vae. Mbaetɨ ko cheapu, echa chepɨa pe aikuaa Espíritu Santo rupi,

1 Corintios 1:17

Echa Cristo mbaetɨ ko chembou aporombobautisa vaerä. Jaeño chembou amoërakua vaerä ñee ikavi vae. Ërei mbaetɨ aiporu ñee arakuaa katu pegua, agüɨye vaerä amomichi Cristo omano kurusu re vae.

1 Corintios 12:8

Echa Espíritu Santo omee metei vae pe imiari vaerä iyarakuaa katu reve. Jare jae vi omee ïru vae pe imiari vaerä oikuaa kavi yae reve.

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

1 Corintios 2:13

Kuae re oremiari, mbaetɨ roiporu kuimbae reta iyarakuaa re royemboe vae rupi. Jaeño Espíritu Santo oremboe jese vae rupi: roikuaauka ïru vae reta pe mbaembae Espíritu regua Espíritu Santo ipɨa pe oiko vae reta pe.

1 Corintios 4:4

Yepe tëi chepɨa pe mbaetɨ aikuaa mbae ikavimbae re ayemboeko vaerä, ërei mbaetɨ jókuae güiño jekombae ko che. Echa yandeYa ko jae chejäa vae.

1 Corintios 5:8

Jáeramo yayapo arete, ërei agüɨye mbɨyape imbovúa indechigüe ndive ani ikavimbae ndive. Jaeño mbɨyape oyembovumbae ikavigüe jare añetegüe ndive.

2 Corintios 1:17

Jare ayemongeta yave jökorai ayapo vaerä, mbaetɨ ayemongetaiño jese. Echa ayemongeta yave mbae ayapo vaerä, mbaetɨ etei ayemongeta cheremimbota rupiño. Che mbaetɨ ko jae jaeiño.

2 Corintios 11:3

Ërei aipoɨu, güɨramoi jókuae mboi ipoki oporombotavɨ vaerä vae ombotavɨ Eva rami, peyembotavɨuka jare pepia Cristo güi.

2 Corintios 2:17

Ore reta mbaetɨ Tumpa iñee re romongana, jeta ïru vae reta oyapo rami. Romoërakua ko jupi rupi Tumpa jóvai, jae oreokuai rami, Cristo re roï ramo.

2 Corintios 4:2

Mbaetɨ etei royapo vɨari mbae ñemomarai pegua. Mbaetɨ royapo mbae orepoki rupi roporombotavɨ vaerä. Mbaetɨ vi rogüɨrova Tumpa iñee. Jaeño romombeu añete vae, jare royekuaauka opaete vae reta pe Tumpa jóvai.

2 Corintios 8:8

Kuae che jae peve vae mbaetɨ ko metei mborookuai. Ërei chemiari ko peve ïru vae reta ikɨ̈reɨ ngatu re, jökorai peechauka vaerä vi peporoaɨu añetete ko vae.

Gálatas 6:4

Jayave, metei ñavo tomae kavi kërai mbae oyapo vae re, javoi ramo ipuere oyerovia iyé. Mbaetɨta ïru vae re.

Efesios 6:14

Jáeramo peñemomɨ̈rata, peyeumbɨkua añetegüe pe, peyemonde mbaejupi pe, temimonde ñeraro pegua pe rami,

Filipenses 1:10

peikuaa vaerä peiparavo ikavi vae, peiko kavi vaerä, agüɨye vaerä kia pemboeko Cristo ou ye regua;

1 Tesalonicenses 2:10

Pe reta peikuaa kavi ko jare Tumpa vi, kërai royapo ikavi vae, jupi vae, mbaetɨ kia oremboeko mbae re, pe oporogüɨrovia vae reta ndive.

1 Timoteo 1:5

Kuae mborookuai jae ko, mboroaɨu oime vaerä yandepɨa ikɨambae güi etei vae, jare yandeyemongeta ikavigüe, jare mborogüɨrovia añetete vae.

Tito 2:7

Nde etei eyapo opaete mbaravɨkɨ reta ikavi vae, eporomboe añete vae re, ndereko tisɨmbi,

Hebreos 13:18

Peyerure Tumpa pe oreré. Echa roikuaa jekuaeño royapo ikavi vae pekotɨ. Jekuaeño roipota royapo jupi vae.

Santiago 4:6

Ërei Tumpa omee yandeve jeta yae ipɨakavi, echa oyekuatía oï: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

JOSUÉ 24:14

Añave, pemboete yandeYa, peyeokuai chupe jupi rupi jare mboromboete rupi. Pemombo peyeugüi tumpa ambuae reta peñemuñagüe reta oyeokuai chupe ɨ̈aka Eufrates jovaicho kotɨ vae, jare Egipto pe vae, jare peyeokuai yandeYa pe.

1 Pedro 3:16

peyemongeta ikavi rupi, iñeenguru pekotɨ ikavimbae peyapo vaeecha vae reta, imara vaerä peangao perembiapo kavi Cristo re vae reta.

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.