1 Timoteo 6:5 - Biblia Guarani Tumpa Iñee

⁵ Jókuae reta oyoakaiño yarakuaambae reta ndive, mbaetɨ oikuaa añete vae. Oyemongeta Tumpa iparavɨkɨ rupi omongana yae vaerä. Agüɨye eñemoïru jókuae nunga reta ndive.

Nuevo Testamento Guaraní Pe

⁵ Jocuae nunga oyoacaiño mbae icavi mbae vae re. Iñemongueta mbaeti isɨmbi vae. Jae reta mbaeti etei oicuaa añete vae. Oñemongueta tei ipuere oyeócuai Tumpa pe oicocatu vaera. Agüɨye eñemoiru jocuae nunga ndive.

1 Timoteo 6:5 ပူးပေါင်းရင်းမြစ်များ

ISAÍAS 56:11

Yaɨmba jɨ̈vɨatambae rami ko, maangarekoa mbae oikuaambae vae; opaete yogüɨreko ipɨa jemimbota reño, iyeupeguaräño mbae oeka reta.

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

JEREMÍAS 8:10

Jáeramo, jae reta jembireko ameeta ïru kuimbae reta pe, jare iko reta ameeta imoamɨría reta ipo pe. Echa michia güive okuakuaa vae pe, iyeupeguaräño imbaepotarai yae reta; ñeemombeúa reta jare sacerdote reta ave, opaete oporombotavɨ vae reta ko.

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

San Mateo 12:33

Penoi yave ɨvɨra ikavi vae, ia ikavita vi. Ërei penoi yave ɨvɨra ikavimbae vae, ngaraa vi ia ikavi. Echa ɨvɨra, ia rupi ko peikuaata.

San Mateo 21:13

Jare jei chupe reta: —Tumpa Iñee pe oyekuatía oï körai: “Chero oyembojeeta o yerure pegua pe.” Ërei pe reta peyapo ma imonda vae reta iñemía rami.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

1 Corintios 11:16

Ërei oime yave kia oipota oyoaka kuae re vae, toikuaa kërai ore ani oporogüɨrovia vae reta Tumpa imbae reta mbaetɨ ko jökorai orereko.

2 Tesalonicenses 3:6

Cherɨvɨ reta, añave poyókuai yandeYa Jesucristo jee re, peyembosɨrɨ vaerä oipotagüe oporogüɨrovia vae oikoiño vae güi, jókuae mbaetɨ oipota oiko mboromboe roikuaauka peve vae re vae.

1 Timoteo 1:6

Ërei amogüe vae jopa kuae mbaembae güi, jare opia reta yoaka reteiño kotɨ.

1 Timoteo 3:3

agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.

1 Timoteo 3:8

Jaeramiño vi oporogüɨrovia vae reta imborɨa reta toiko reta jupi rupi kavi, agüɨye toipoepɨ katu iyemongeta, agüɨye tikause, agüɨye tomonganaiño jupimbae reve;

1 Timoteo 4:7

Agüɨye erovia arakae ndaye reta. Ërei eñemoäta ngatu reyapo vaerä Tumpa oipota vae;

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.

1 Timoteo 6:6

Ërei yamboete Tumpa jare yandepɨakatu vae ko, ngana tuichagüe;

2 Timoteo 3:5

jupi vae rami yogüɨrekota, ërei ngaraa etei oyekuaa jese jupi vae, agüɨye eñemoïru jókuae nunga reta ndive.

2 Timoteo 3:8

Imbaekuaa vae Janes jare Jambres oyovaicho Moisés ndive rami, jökorai vi kuae kuimbae reta oyovaicho añete vae ndive, pɨ̈chɨi vae reño oyemongeta reta, iporogüɨrovia opa omokañɨ vae reta.

Tito 1:11

Ikavi ko jókuae reta ñamokïrii vaerä. Echa jae reta oporomboe omonganaiño jupimbae reve jese vae re; jókuae iporomboe rupi ombojopa opaetei o pegua reta.

2 Pedro 2:15

Echa oeya reta tape isɨmbi vae, jare opa jopa reta, omomoe reta Balaam, Beor taɨ jeko, echa Balaam oaɨu yae korepoti jupimbae vae oyapo vae rupi omongana vae;

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.

Judas 1:11

¡Paravete jae reta! Echa omomoe reta Caín jeko. Jaeramiño vi ikorepoti pota güi opa opia reta Balaam rami; jaeramiño vi opa omano reta ipɨa pochɨ jeko pegua Coré rami.

Apocalipsis 18:13

ngaraa ma kia ogua canela, mbae ikäti kavi vae, ikäti kavi vae incienso, mirra, ikäti kavi vae, vino, asaite, trigokúi ipɨuasɨ vae, trigo, mburika reta, vecha reta, kavayu reta, käretou reta, tembipɨɨ reta, kuimbae reta jekove.

Apocalipsis 18:3

Echa opaete tëtaguasu reta jou vino rami jókuae teko ikavimbae vae; jare mburuvicha guasu reta ɨvɨ pegua oyapo aguasa jae ndive, jare ɨvɨ pegua reta omaemee vae oyemboikokatu imbaepotarai re.”