1 Timoteo 6:18 - Biblia Guarani Tumpa Iñee

¹⁸ Jare eyókuai vi toyapo ikavi vae, toikokatu mbaembae ikavi oyapo vae pe, tikɨ̈reɨ ngatu omee vaerä güɨnoigüe jare tipɨakavi reta,

Nuevo Testamento Guaraní Pe

¹⁸ Jare eyócuai vi toyapo icavi vae. Echa jocorai yave, oicocatuta co Tumpa cotɨ icavi vae oyapo vae re. Jecuaeño tiquɨreɨ omee vaera güɨnoi vae güi iru vae reta pe, omborɨ reta vaera.

1 Timoteo 6:18 ပူးပေါင်းရင်းမြစ်များ

2 CRÓNICAS 24:16

jare oñotɨ reta David Jëta guasu pe mburuvicha guasu jɨvɨa oïa pe, echa oyapo jupi vae Israel iñemuña reta ndive jare Tumpa ndive, jökoraiño vi tupao pe.

SALMOS 112:9

Omboyao mbae, paravete vae reta pe; ipɨakavi avei; imbaepuere oyembotuichata jare imboetea yaeta.

SALMOS 37:3

Eyeko yandeYa re, jare eyapo ikavi vae; reikota ɨvɨ pe, jare jae ndeangarekota jupi rupi.

ECLESIASTÉS 11:6

Remaetɨ ndeimbove yave jare kaaru yave, ërei mbaetɨ reikuaa kia nunga ko ikavita vae, tenonde oñeotɨ vae ra ani taɨkue oñeotɨ vae ra, ani ramo mókoi reve ra yagüɨye kavita.

ECLESIASTÉS 3:12

Che aikuaa kuimbae pe jaekavi vae, jae ko oyerovia jare oiko kavi vaerä,

ISAÍAS 32:8

Ërei ngatu ipɨa ikavi vae, ikavi oyemongeta, jare jókuae iyemongeta kavi re oñemomɨ̈rata.

ISAÍAS 58:7

pemboyao perembíu oata chupe vae ndive vae, pemee oputuu vaerä paravete vae pero pe vae, pemboemimonde mbaetɨ jemimonde vae, jare mbaetɨ peikuaku mbae penoigüe perëtara güi vae.

San Mateo 5:42

Jaeramiño vi kia oyerure ndeve mbae re vae pe, emee, jare kia ombaeporu ndeve vae pe, eiporuuka.

San Lucas 12:21

Jayave Jesús jei chupe reta: —Jökorai ko jeta mbaembae oñovatu iyeupeguaräño vae, Tumpa peguarä oikokatúä ko.

San Lucas 3:11

Jare Juan jei chupe reta: —Oime yave kia mókoi temimonde güɨnoi, tomee metei mbaetɨ güɨnoi vae pe. Jare oime yave kia jeta tembíu güɨnoi, tomee mbaetɨ güɨnoi vae pe.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 11:29

Jayave metei ñavo oporogüɨrovia vae reta, oime güɨnoi rupi oyemongeta omondo reta vaerä omborɨ oporogüɨrovia vae reta Judea rupi ñogüɨnoi vae reta.

Hechos 9:36

Oiko tëta guasu Jope pe metei kuña oporogüɨrovia vae Tabita jee vae (kuae tee oipota jei: “Dorcas”). Kuae kuña oyapo jeta ikavi vae, jare omee vi jeta mbae iparavete vae reta pe.

Romanos 12:13

Oporogüɨrovia vae oata mbae re vae pemborɨ. Pemboresive kavi mboupa.

Romanos 12:8

oporomboarakuaa vaerä vae, toporomboarakuaa kavi. Mbae ipuere omee ïru vae pe vae, tomee ipɨa yerovia reve kavi. Tenondeguarä oï vae, toporookuai kavi. Oporomborɨ vaerä vae, toyapo oyerovia reve.

1 Corintios 16:2

Tenondegua ara semana iyɨpɨ ñavo pe, metei ñavo peñovatu penoi rupi; peñovatu, agüɨye vaerä pemboatɨ che aja yave ramo.

2 Corintios 8:12

Echa ñanekɨ̈reɨ ngatu reve ñamee yave, Tumpa omboyerovia jókuae ñanoi rupi ñamee vae. Tumpa mbaetɨ oeka yandeve mbaetɨ ñanoi vae.

2 Corintios 8:9

Peikuaa kavi ko kërai yandeYa Jesucristo ipɨa kavi, kërai jae yepe tëi oikokatu, ërei oyemombaravete peraɨu ramo, peikokatu vaerä.

Gálatas 6:10

Jáeramo yandepuere yave, yayapo ikavi vae opaete vae pe, ërei yambotenonde oporogüɨrovia vae reta.

Efesios 4:28

Omaeñomise vae agüɨye ye mo tomaeñomi, toparavɨkɨ iyeupe, toyapo ipo pe mbae ikavi vae, ipuere vaerä omborɨ iporiau vae.

1 Timoteo 5:10

jare jërakua kavi jembiapo reta rupi vae, oyangareko kavi imembɨ reta re, omboresive kavi mboupa, oyoe oporogüɨrovia vae reta ipɨ, omborɨ oiporara vae reta jare oyapo opaete mbae ikavi vae yave.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Tito 3:8

Kuae ko jae ñee añete vae, jare aipota jekuaeño täta reporookuai vaerä kuae mbaembae re, Tumpa re güɨrovia vae reta oyapo vaerä ikavi vae, kuae mbaembae ikavi ko opaete vae pe.

Hebreos 13:16

Ërei agüɨye ñaneäteɨ yayapo vaerä ikavi vae jare yayomborɨ päve vaerä; echa kuae nunga ko omboyerovia Tumpa.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

1 Pedro 3:11

Tosɨrɨ ikavimbae güi, jare toyapo ikavi vae, tipɨakatu avei opaete vae ndive.

1 Juan 3:17

Ërei oime yave kia oikokatu kuae ɨvɨ pe vae, jare oecha ïru oporogüɨrovia vae pe oata mbae vae mbaetɨ oiparareko yave, ¿këraita pa oï jese Tumpa iporoaɨu?

3 Juan 1:11

Cherɨvɨ aaɨu vae, agüɨye emomoe ikavimbae vae, emomoe ikavi vaeño. Ikavi vae oyapo vae Tumpa taɨ ko. Ërei ikavimbae vae oyapo vae mbaetɨ ko oikuaa Tumpa.