1 Timoteo 6:16 - Biblia Guarani Tumpa Iñee

¹⁶ jaeño ete ko omanombae vae, oiko tembipe yaya rapembae jese vae pe, mbaetɨ kia ave oecha vae, jare ngaraai oecha vae. Chupe toñemee mbaemboete jare mbaepuere. ¡Amén!

Nuevo Testamento Guaraní Pe

¹⁶ Jaeño co mbaeti etei omano vae. Jae oico tembipe oia pe. Mbaeti quia ipuere oya jocuae tembipe re. Mbaeti etei quia oecha Tumpa, jare mbaeti etei quia ipuere oecha. Toñemboeteuca Tumpa jecuaecuae aveiño imbaepuere tuicha yae vae jeco pegua. Amén.

1 Timoteo 6:16 ပူးပေါင်းရင်းမြစ်များ

JOB 37:23

Imbaepuere yae ete vae regua mbaetɨ yandepuere opa yaikuaa, jae ko tuicha imbaepuere pe vae jare jupi vae; jae mbaetɨ oporogüɨrekoasɨ katu.

SALMOS 104:2

reñeapeva tembipe pe, temimonde pe rami; ¡reipɨso ara, asoya oyepɨso rami!

SALMOS 90:2

Arakae, ndei ɨvɨtɨ reta oyeapo mbove güive voi ma, ndei kuae ɨvɨ oyeapo güive voi ma, arakae güive jare arakae regua jekuaekuae avei rupi, nde ko Tumpa.

ÉXODO 3:14

Jare Tumpa jei Moisés pe: —CHE KO JAE CHE. Jare jei: Köraita rere Israel iñemuña reta pe: “CHE KO jee vae chembou pekotɨ.”

ÉXODO 33:20

Ngaraa ndepuere reecha cherova, echa ngaraa metei kuimbae chereecha yave oikoveño.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

HABACUC 3:4

Jembipe, köe jembipe ou rami, ipo güi overa jembipeasɨ, jökorai omboyekuaa imbaepuere güɨnoi vae.

San Juan 1:18

Mbaetɨi kia oecha Tumpa vae. Ërei Tumpa Taɨ jaevaeño vae, oiko jae ndive etei vae oikuaauka yandeve.

San Juan 14:9

Jesús jei chupe: —Ɨma ma aiko pe reta ndive, ¿mbaetɨño pa chekuaa Felipe? Chereecha vae oecha ma ko cheRu. ¿Maera pa rere: “Eechauka oreve ndeRu”?

San Juan 6:46

Mbaetɨ kia oecha cheRu, jaeño che ayu Tumpa güi vae. Che aecha cheRu.

San Juan 8:58

Jesús jei chupe reta: —Añetete che jae peve, ndei Abraham oiko mbove, che oimeño mai aiko.

Efesios 3:21

Toyemboete Tumpa opaete oporogüɨrovia vae reta rupi Cristo Jesús re, jekuaekuae avei rupi. ¡Amén!

DEUTERONOMIO 32:40

Che aupita chepo ara kotɨ, jare tae cheyé aeño peve:

Filipenses 4:20

¡YandeRu Tumpa toyemboeteuka jekuaekuae avei rupi! ¡Amén!

Colosenses 1:15

Cristo rupi yaecha Tumpa oyekuaambae vae; Taɨ jae ko opaete mbaembae oyeapogüe iYa.

1 Timoteo 1:17

Jáeramo, yamboete yae jekuaekuae avei rupi Mburuvicha guasu opambae vae, omanombae vae, oyeechambae vae, jaeño ko Tumpa yarakuaa yae vae. ¡Amén!

Hebreos 13:8

Jesucristo ko oyepoepɨmbae etei iyɨpɨ güive, añave jare jekuae avei pegua.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

1 Juan 1:5

Romombeu peve ñee Jesucristo omombeu oreve vae. Jae ko kuae: Tumpa ko tembipe, mbaetɨ etei jese kërai ave pɨtumimbi.

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.

1 Juan 4:12

Mbaetɨi kia ave oecha Tumpa. Ërei yayoaɨu päve yave, Tumpa oiko yanderé, jare iporoaɨu okuakuaa yanderé.

Judas 1:25

Tumpa jaeño vae jare yarakuaa vae, Yandemboasa vae pe toñemee mbaemboete, yembotuicha jare mbaepuere, añave jare jekuaekuae avei rupi. ¡Amén!

Apocalipsis 1:6

jare yandeapo mburuvicha guasu retarä jare sacerdote retarä yayeokuai vaerä Tu Tumpa pe; ¡chupe toñemee mbaemboete jare mbaepuere jekuaekuae avei rupi! Amén.

Apocalipsis 1:8

YandeYa jei: “Che ko jae Alfa jare Omega”, iyɨpɨ ete jare iyapɨ ete, jae ko iyɨpɨ güive, añave jare outa vae, Imbaepuere yae ete vae.

Apocalipsis 21:3

Jare aendu metei ñee tätagüe ara güi jei: “Mase, Tumpa oikoa ko oï ɨvɨ pegua reta ndive. Jae oikota jae reta ndive; ɨvɨ pegua reta yogüɨrekota Tumpa imbaerä, jare Tumpa etei oikota jae reta iTumparä.

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.

Apocalipsis 4:11

“OreYa, jupi ko oñemee vaerä ndeve yemboetea, mbaemboete jare mbaepuere, echa nde reyapo opaete mbaembae, jare nderemimbota rupi opaete mbaembae oiko jare oyeapo.”

Apocalipsis 7:12

jei reta reve: “¡Amén! Mbaemboete jare yemboetea, arakuaa jare yasoropai, yemboete, mbaepuere jare mɨ̈rata, toiko ñaneTumpa pe jekuaekuae avei rupi. ¡Amén!”