1 Timoteo 6:11 - Biblia Guarani Tumpa Iñee

¹¹ Ërei nde kuimbae Tumpa jembiokuai, etekuarai kuaekuae güi jare omomoe jupi vae, Tumpa imboete, mborogüɨrovia, mboroaɨu, mbɨaguasu jare ñemomichi.

Nuevo Testamento Guaraní Pe

¹¹ Erei nde co jae cuimbae Tumpa pe oyeócuai vae. Jae rambue agüɨye etei eyapo jocorai. Erei eipota yae eyapo jupi vae jare eyeócuai Tumpa pe. Jae ramiño vi eipota yae mborogüɨrovia, jare mboroaɨu, jare mbɨaguasu, jare ñemomichi.

1 Timoteo 6:11 ပူးပေါင်းရင်းမြစ်များ

2 Timoteo 2:22

Etekuarai taɨrusu reta jemimbota güi, ërei emomoe mbaejupi, mborogüɨrovia, mboroaɨu jare mbɨakatu, yandeYa omboete opaete ipɨa reve vae reta ndive.

2 Timoteo 3:17

jökorai Tumpa jembiokuai reta, oikuaa kavi vaerä opaete Tumpa jemimbota re, jare ipuere oyapo opaete mbae ikavi vae.

1 Timoteo 4:12

Agüɨye kia tanereröɨro ndetaɨrusu ramo, ërei eechauka oporogüɨrovia vae reta pe neñee rupi, reiko vae rupi, mboroaɨu rupi, espíritu rupi, mborogüɨrovia rupi jare teko kavi rupi.

Hebreos 12:14

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.

1 Corintios 10:14

Jáeramo, cherɨvɨ reta, petekuarai tumpa-raanga reta imboete güi.

1 Pedro 3:11

Tosɨrɨ ikavimbae güi, jare toyapo ikavi vae, tipɨakatu avei opaete vae ndive.

1 Corintios 6:18

Petekuarai aguasa güi. Oipotagüe ïru mbaeyoa peyapo vae peyapoä ko perete pe. Ërei aguasa peyapo yave, perete kotɨ etei ko peyoa.

SALMOS 34:14

Eyembosɨrɨ ikavimbae güi, jare eyapo ikavi vae; eeka mbɨakatu, jare eiko avei mbɨakatu rupi.

1 Timoteo 5:10

jare jërakua kavi jembiapo reta rupi vae, oyangareko kavi imembɨ reta re, omboresive kavi mboupa, oyoe oporogüɨrovia vae reta ipɨ, omborɨ oiporara vae reta jare oyapo opaete mbae ikavi vae yave.

1 Corintios 14:1

Peiko avei mboroaɨu rupi; jare peeka mbaembae Espíritu pegua, ërei pembotenonde pemoërakua vaerä mbae maratuta vae re.

Romanos 14:19

Jáeramo, yaeka yayombopɨakatu jare ñañomomɨ̈rata vaerä.

ISAÍAS 51:1

“Peyeapɨsaka cheré opaete, pe reta peiko jupi rupi vae, pe yandeYa peeka vae reta. Pemaendúa, mbae nunga ita guasu güi ko peyeekɨ vae, mbae nunga ɨ̈vavira güi ko peñerenoeuka vae.

SALMOS 38:20

Omboekovia reta cheve ikavi ayapo vae ikavimbae pe, oñemopüa chekotɨ reta, ikavi vae ayapo vae jeko pegua.

2 REYES 5:20

Giezi, Eliseo jembiokuai, oyemongeta ipɨa pe, jei: “Cheya omaeño ojo Naamán Siriaɨgua, oipɨɨmbae reve chugüi mbota güerugüe. CheYa jee re taaɨkuemoña aramoete pegua jare tamombɨta chugüi mbovɨ imbaembae.”

1 Timoteo 6:20

Timoteo, eyangareko kavi jókuae oñemee ndeve reyangareko vaerä jese vae re. Agüɨye eyeapɨsaka ndaye reta re, echa mbaeä ko, jare arakuaa katu raanga re.

JEREMÍAS 35:4

jare araja reta tupao pe, Hanán jemimboe reta icuarto pe, jae ko Igdalías taɨ, jae ko metei Tumpa jembiokuai. Jae ko mburuvicha reta icuarto iyɨpɨ pe; Maasías, Salum taɨ tupao jöke iyangarekoa icuarto iárambo.

2 CRÓNICAS 8:14

Jare oñono kavi sacerdote reta iparavɨkɨ pe oyopoepɨ reta vaerä, tu David oñono kavi rami; jare levita reta iparavɨkɨ pe kavi omee reta vaerä mbaemboete jare omborɨ reta vaerä sacerdote reta, opaete kuaekuae reta iara pe kavi; jökoraiño vi öke iyangarekoa reta öke ñavo, echa jökorai David Tumpa jembiokuai omee mborookuai.

2 REYES 23:17

Javoi oparandu: —¿Mbae regua pa kuae oñemopüa oï vae? Jókuae tëta guasu pegua reta jei chupe: —Jae ko yandeYa iñeemombeúa Judá güi ou vae jɨvɨa, jae omombeu kuae mbaembae reta nde reyapo mɨmba oyeyuka oyeapɨ jese vae Bet-el pegua re vae.

2 REYES 1:13

Mburuvicha guasu jekuae omondo ye mboapɨa ma sundaro ruvicha, cincuenta sundaro ndive. Ërei jókuae sundaro ruvicha oyeupi ojo Elías oïa pe, jare oyetavatɨka jóvai, jare omoñera jei reve: —Tumpa iñeemombeúa, romoñera neɨ̈ro vaerä cheve, jare kuae cincuenta chesundaro pe;

2 REYES 1:9

Jupivei omondo metei sundaro ruvicha, cincuenta sundaro ndive Elías kotɨ. Yogüɨraja oväe yave, Elías oguapɨ oï ɨvɨtɨ iyapɨte re. Jayave jókuae sundaro ruvicha jei chupe: —¡Tumpa iñeemombeúa, mburuvicha guasu jei regüeyɨ vaerä joko güi!

1 REYES 20:28

Jayave ou kuimbae Tumpa iñeemombeúa mburuvicha guasu Israel pegua jóvai, jare jei chupe: —Körai yandeYa jei: “Echa Siriaɨgua reta jei, che jae Tumpa ɨvɨtɨ rupiguaño, mbaetɨ ko ɨvɨpe kavi rupigua ramo, ameeta ndepo pe kuae jeta yae vae. Jökorai peikuaata che jae ko peYa.”

1 REYES 17:18

Jayave kuña imemano vae jei Elías pe: —¿Mbae pa che ayapo ndekotɨ kuimbae Tumpa jembiokuai? ¿Reyu pa chemomaendúa cheyoa re jare omano vaerä chemembɨ?

1 SAMUEL 2:27

Jare ou metei kuimbae Tumpa iñeemombeúa Elí pɨri jare jei chupe: “Körai jei yandeYa: ‘Peñemuñagüe reta oyeokuai yogüɨreko Faraón jo pe Egipto pe yave, che ayekuaauka kavi chupe reta.

1 REYES 13:26

Jare ñeemombeúa indechi vae oendu yave, oikuaa jae ko jókuae omboyerovauka ye vae, jei: “Jae ko jókuae Tumpa iñeemombeúa oyapombae yandeYa iporookuai vae. Jáeramo jae omee yaguapope pe opa omopächa oyuka vaerä. YandeYa jei chupe rami.”

1 REYES 13:1

Jeroboam, oapɨta oï ikäti kavi vae incienso, ikäti kavi vae incienso oyeapɨ jese vae re yave, ou oväe Judá güi Bet-el pe metei Tumpa iñeemombeúa.

1 SAMUEL 9:6

Jare jembiokuai jei chupe: —Mase, kuae tëta guasu pe oime oiko metei kuimbae Tumpa iñeemombeúa, kuimbae jërakua yae vae ko, jare opaete mbae jei vae oyeapo jae jei rami etei. Yaja ípɨri, güɨramoi jae omombeu kavita yandeve kerupi yaja vaerä.

DEUTERONOMIO 33:1

Moisés, kuimbae Tumpa jembiokuai ndei omano mbove, jei kuae ñee kavi Israel iñemuña reta kotɨ

DEUTERONOMIO 16:20

Pemomoe avei jupi vaeño, peikove vaerä jare oiko vaerä pembaerä ɨvɨ yandeYa Tumpa omee peve vae.

NEHEMÍAS 12:36

jare jëtara reta Semaías, Azarael, Milalai, Gilalai, Maai, Natanael, Judá jare Hanani, jae reta ombopu tembiporu tairari pegua reta David Tumpa jembiokuai oporookuai rami. Jare Esdras mborookuai re oporomboe vae ojo jae reta jenonde.

NEHEMÍAS 12:24

Levita tenondegua reta güi jae ko: Hasabías, Serebías, Jesúa jare Cadmiel jare jëtara reta ñogüɨnoi jae reta ndive ombaemboete jare oyerure vaerä Tumpa pe, metei ñavo oäro mbae ara pe ra oyeokuaita vae, David, Tumpa jembiokuai oeya mborookuai rami.

1 CRÓNICAS 23:14

Moisés Tumpa jembiokuai jare iñemuña reta vi omboyea Leví iñemuña reta ndive.

1 REYES 17:24

Jare kuña imemano vae jei: —Añave aikuaa nde añetete jae Tumpa iñeemombeúa jare Tumpa iñee remombeu vae añete vae ko.

PROVERBIOS 15:9

YandeYa pe, ikaviä yae ko iyoa vae jeko, ërei oaɨu, jupi rupi kavi oiko vae.

1 Timoteo 1:14

Ërei yandeYa tuicha yae ipɨakavi cheve, mborogüɨrovia jare mboroaɨu rupi Cristo Jesús re yarovia yave.

2 Timoteo 2:21

Jayave, amogüe oeya yave mbae ikavimbae vae, oikota tembiporu mbaemboete peguarä, ñeñono tee jare ikavigüe yandeYa peguarä, jare oïndaivita oipotagüe mbaravɨkɨ ikavi vae oyapo vaerä.

2 Timoteo 3:10

Ërei nde reikuaa katu ko cheporomboe, chereko, cheyemongeta, cheporogüɨrovia, che aropɨa vae, cheporoaɨu, chepɨaguasu;