1 Timoteo 6:1 - Biblia Guarani Tumpa Iñee

¹ Opaete oime iya vae reta tomboete, agüɨye vaerä ïru vae reta jei ikavimbae vae Tumpa kotɨ jare yandeporomboe kotɨ.

Nuevo Testamento Guaraní Pe

¹ Opaete oyeócuai iya pe vae reta tomboete iya, agüɨye vaera iru vae reta jei icavi mbae vae Tumpa cotɨ jare ñaneporomboe cotɨ.

1 Timoteo 6:1 ပူးပေါင်းရင်းမြစ်များ

GÉNESIS 16:9

YandeYa iaraɨgua jei chupe: —Eyerova ye ekua ndeya kuña kotɨ, jare eiko jeia re.

GÉNESIS 24:12

oyerure yandeYa pe jei: “CheYa Tumpa, cheya Abraham iTumpa, romoñera añave aväe vaerä ayu aeka vae, ndeporoparareko cheya Abraham ndive.

GÉNESIS 24:2

Jare Abraham jei jembiokuai ñɨma yae ma jo pe vae pe, jae ko tenondegua yae oyangareko opaete mbaembae re vae: —Eñono ndepo cheu päu pe,

GÉNESIS 24:27

jare jei: “¡Toyemboete yandeYa, cheya Abraham iTumpa, echa mbaetɨ ombosɨrɨ iporoparareko cheya Abraham güi, chereru yandeYa jare aväe cheya jëtara reta jëta!”

2 SAMUEL 12:14

Ërei ngatu kuae reyapo vae jeko pegua, reyangaouka yandeYa jókuae oyemboyovaicho ikotɨ vae reta pe. Kuae jeko pegua, jókuae michia raɨ oa ramo ndeve vae omanota.

2 REYES 5:13

Ërei ngatu jembiokuai reta oya ikotɨ jare omomiari reta körai: —Cheruvicha, ñeemombeúa ndeokuai yave mbae yavai yae vae re, ¿mbaetɨta pa reyapo? ¿Mbae mbatee pa jei yave ndeve: “Eyeyoe, jare rekuerata”?

NEHEMÍAS 9:5

jare levita reta Jesúa, Cadmiel, Bani, Hasabnías, Serebías, Hodías, Sebanías jare Petaías, jei reta: “Pepüa pemboete peYa Tumpa jekuae avei rupi. ¡Toyemboete avei, nderee tuicha yae vae jare imboetea yae vae!”

ISAÍAS 47:6

Chearasɨ yae tëta chembae vae kotɨ yave, amee ñemomarai pe, jare amaeño oa ndepo pe. Nde mbaetɨ reiparareko, ndechi reta pe ave täta reiporarauka.

ISAÍAS 52:5

Añave, ¿mbae ra ayapota? Opa güɨraja reta tëta chembae vae, jupimbae reve. Jókuae jerajaa reta oiporarauka avei chupe reta, omoäse avei reta. Cheangao avei reta.

ISAÍAS 58:6

Ambuae ko. Yekuaku tembíu güi chembopɨakatu vae ko jae: Yeyora jupimbae güi vae, yeyora tembiporara güi vae, ipɨatɨtɨ vae re pemaeño ojo vae jare peporoyora oipotagüe mbae güi vae;

EZEQUIEL 36:20

Yogüɨraja reta oväe ïru tëtaguasu reta pe yave, güɨröɨrouka reta cheree, echa jeiuka reta iyeupe: ‘Jae ko kuae Tumpa imbae reta, ërei opa oeya reta iɨvɨ.’

EZEQUIEL 36:23

Che amboeteukata cheree ikɨambae vae ïru tëtaguasu reta pe, jae reta omboeteä vae, pe reta peröɨrouka vae; kuae ayapo yave perupi jae reta jóvai, jayave jae reta oikuaata che ko jae peYa vae. Che peYa jae kuae.

MALAQUÍAS 1:6

YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

San Mateo 11:30

Echa peiko cheré yave, ngaraa peyemoambeko jare ngaraa mbae yavai peve.

San Mateo 11:9

Ërei ¿kia re pa ko peo pemae? ¿Peo ra pemae metei ñeemombeúa re? Añete, jae ko, ërei oasa ete ye ñeemombeúa reta güi.

San Lucas 17:1

Jayave Jesús jei jemimboe reta pe: “Oime tai ko mbaemboavai reta. Paravete jókuae, mbaemboavai oñono ïru vae pe vae.

Hechos 10:22

Jayave kuimbae reta jei Pedro pe: —Oime metei kuimbae Cornelio jee vae, cien sundaro vae juvicha. Jae ko kuimbae jupi vae jare omboete Tumpa vae. Jae ko opaete judío reta güɨrovia katu yae vae. Metei araɨgua jei chupe ndererajauka vaerä jëta pe, jae oyeapɨsaka vaerä remombeuta chupe vae re.

Hechos 10:7

Araɨgua imiari jae ndive vae ojo ma yave, Cornelio oenɨi mókoi jembiokuai reta jare metei sundaro jupi jare güɨrovia katu vae;

Hechos 15:10

Jayave ¿maera pa peipota pemboavai Tumpa? Echa peñono oporogüɨrovia vae reta pe mbae yavaigüe, yande reta ani ñaneñemuñagüe reta ave mbaetɨ ipuere oyapo vae.

Romanos 2:24

Echa Tumpa Iñee pe oyekuatía oï körai: “Judiombae vae reta jei ikavimbae vae Tumpa kotɨ pereko pegua.”

1 Corintios 10:32

Agüɨye peiko peporombogüɨapiuka vaerä judío reta pe, judiombae vae reta pe ani oporogüɨrovia vae reta Tumpa imbae reta pe.

Gálatas 5:1

Peñemomɨ̈rata Cristo iporoyora re. Jare agüɨye mo peiko ye tembipɨɨrä.

DEUTERONOMIO 28:48

Jáeramo peyeokuaita perovaicho reta yandeYa ombou peve vae pe, peyɨmbɨaɨ reve, peɨuve reve, penandi reve, peporiau reve opaño mbaembae re; jae reta oñonota peré mbaravɨkɨ yavaetegüe opa regua pemokañɨtei.

1 Timoteo 5:14

Jáeramo, aipota imemano vae taɨrusu vae reta omenda ye, timembɨ reta, togüɨroata kavi jo pegua reta, agüɨye vaerä oñemoëgua oyeangaouka vaerä tovaicho pe.

Tito 2:5

oyeandu vaerä, jare tikɨambae Tumpa jóvai, oyangareko kavi vaerä jo re, ipɨakavi vaerä, oiko vaerä ime jeia re, agüɨye vaerä jeiuka ikavimbae vae Tumpa iñee kotɨ.

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

1 Pedro 3:16

peyemongeta ikavi rupi, iñeenguru pekotɨ ikavimbae peyapo vaeecha vae reta, imara vaerä peangao perembiapo kavi Cristo re vae reta.