1 Timoteo 5:3 - Biblia Guarani Tumpa Iñee

³ Emborɨ imemano vae reta, mbaetɨ kia chupe vae reta.

Nuevo Testamento Guaraní Pe

³ Emborɨ imemano vae reta mbaeti etei yave güɨnoi quia omborɨ vaera.

1 Timoteo 5:3 ပူးပေါင်းရင်းမြစ်များ

JOB 29:13

Osusere oï vae omee iporerekua cheve; jare cheporomborɨ omboyerovia imemano vae reta.

JOB 31:16

Paravete vae reta amborɨ mbae oata chupe yave, mbaetɨ amaeño imemano vae reta oiporara yɨmbɨaɨ.

SALMOS 146:9

YandeYa oyangareko ketɨgua reta re, tɨ̈reɨ re jare imemano vae re, ërei jupimbae reta ombojopa.

SALMOS 68:5

Tumpa, oiko jo oñeñono tee vae pe vae, jae ko tɨ̈reɨ reta tu jare imemano vae reta jepɨa vae.

SALMOS 94:6

Oyuka reta imemano vae jare ketɨgua, tɨ̈reɨ oyuka reta vi.

ÉXODO 20:12

Pemboete peru jare pesɨ, peikopuku vaerä che peYa Tumpa amee peve ɨvɨ vae pe.

JEREMÍAS 49:11

‘Peeya cheve tɨ̈reɨ reta, ayangareko jese vaerä. Imemano vae reta ipuere vi oyerovia chereño.’ ”

San Mateo 15:6

Jökorai mbaetɨ omboete tu jare ichɨ. Jökorai pe reta pemboeteä Tumpa iporookuai peñemuñagüe reta jeko peyapo vae rupi.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Lucas 2:37

Jare ochenta y cuatro año rupi ma opɨta imemano. Mbaetɨ osɨrɨ tupao güi oyeokuai avei Tumpa pe, oyekuaku tembíu güi jare oyerure Tumpa pe ara rupi jare pɨ̈tu rupi.

San Lucas 7:12

Jare ojo ma oväe köiño tëta guasu jöke güi yave, ko, güeru tëogüe güɨraja oñotɨ vaerä vae reta. Jókuae tëogüe ko imemano vae imembɨraɨe jaevaeño vae. Jare jeta tëta guasu pegua reta yogüeru jókuae kuña jupíe.

San Juan 1:47

Jesús oecha Natanael ou ikotɨ yave, jei: —Mase, ko ou metei Israel pegua añete vae. Mbaetɨ oñeväe yembotavɨ jese vae.

Hechos 6:1

Jókuae ara reta rupi jeiete jeta oñemoïru oporogüɨrovia vae reta yave, griego reta iñeenguru hebreo reta kotɨ. Echa mbaetɨ oyangareko kavi reta jëtaɨgua imemano vae reta re, ara ñavo oñemee tembíu yave.

Hechos 9:39

Jayave Pedro opüa ojo jae reta ndive. Jare ou oväe yave, ïru vae reta güɨraja o ɨvategua pe. Joko pe opaete imemano vae reta yatɨ oyaeo ñogüɨnoi, jare oechauka Pedro pe temimonde Dorcas jae reta ndive oiko yave oyapo vae.

Hechos 9:41

Pedro oipɨɨ ipo pe jare omopüa. Jayave oenɨi oporogüɨrovia vae reta jare imemano vae reta, jare oechauka chupe reta oikove ye vae.

DEUTERONOMIO 10:18

oyapo jupi vae tɨ̈reɨ pe jare imemano vae pe; oaɨu ketɨgua, omee chupe tembíu jare temimonde.

DEUTERONOMIO 14:29

jare yogüeru Leví iñemuña reta yave, echa kuae reta pe mbaetɨ oñemee ɨvɨ peve oñemee rami, ani ketɨgua yogüɨreko pepɨte pe vae, ani tɨ̈reɨ jare imemano vae oiko perëta pe vae, tokaru jare tijɨ̈vɨata. Jökorai yandeYa Tumpa iporerekua vaerä peré opaete mbae peyapo vae rupi.

DEUTERONOMIO 16:11

Jare peyapo arete yandeYa Tumpa jóvai, peraɨ jare perayɨ reta, perembiokuai kuimbae jare perembiokuai kuña, Leví iñemuña reta yogüɨreko perëta guasu pe vae, jare ketɨgua, tɨ̈reɨ, imemano vae yogüɨreko pepɨte pe vae ndive, jókuae yandeYa Tumpa oiparavo jee oï vaerä pɨpea pe.

DEUTERONOMIO 16:14

Peyerovia kuae arete pe, peraɨ reta jare perayɨ reta, perembiokuai kuimbae jare perembiokuai kuña, Leví iñemuña reta, ketɨgua, tɨ̈reɨ, jare imemano vae yogüɨreko pepɨte pe vae ndive.

DEUTERONOMIO 27:19

‘Tijeko oyapo ikavimbae ketɨgua pe vae, tɨ̈reɨ pe ani imemano vae pe vae.’ Jare opaete vae tei: ‘Amén.’

1 Tesalonicenses 2:6

Mbaetɨ ko roeka kuimbae reta oremboete vaerä, pegüi reta ani ïru reta güi. Ërei orepuere viña Cristo jemimondo jeko pegua.

1 Timoteo 5:2

tɨ̈aro reta, emboarakuaa ndesɨ rami; kuñatai reta, emboarakuaa ndereindɨ rami, remboete reve.

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.

1 Pedro 2:17

Pemboete opaete vae. Peaɨu oporogüɨrovia vae reta. Peipoɨu Tumpa güi. Pemboete mburuvicha guasu.

1 Pedro 3:7

Jaeramiño vi pe kuimbae reta, peiko perembireko ndive pearakuaa reve kavi, pemboete reve vaso tätambae rami, jae reta vi ko güɨnoi tekove pe reta rami, peyerure reta agüɨye vaerä güɨnoi yemboavai.