1 Timoteo 5:19 - Biblia Guarani Tumpa Iñee

¹⁹ Oime yave kia omboeko oporogüɨrovia vae reta itenondegua mbae re, agüɨye eyeapɨsaka jese mbaetɨ yave imiari mókoi ani mboapɨ jese oikuaa kavi jeko regua vae.

Nuevo Testamento Guaraní Pe

¹⁹ Oime yave quia metei oporogüɨrovia vae reta itenondegua mbae re omboeco vae, agüɨye eyeapɨsaca jese mbaeti yave ipuere imiari mócoi ani mboapɨ oicuaa cavi jeco regua vae.

1 Timoteo 5:19 ပူးပေါင်းရင်းမြစ်များ

San Mateo 18:16

Ërei mbaetɨ oipota oyeapɨsaka nderé yave, eraja nderupíe metei ani mókoi neïrurä, oikuaa vaerä mókoi ani mboapɨ vae jóvai mbae pere vae.

San Juan 18:29

Jayave Pilato oë oparandu chupe reta. —¿Mbae re pa pemboeko kuae kuimbae?

San Juan 8:17

Peporookuai pe jei, mókoi vae jeigüe oyovake yave, añetete ko.

Hechos 11:30

Jökorai oyapo reta. Omondo reta oporogüɨrovia vae reta itenondegua reta pe Bernabé jare Saulo ndive.

Hechos 25:16

Ërei che jae chupe reta: “Romaɨgua reta mbaetɨ ko omee kia omano vaerä, ndei omboeko vae reta yogüeru oñeapo jese mbove jare ndei oyeepɨ omboeko vae reta güi mbove.”

2 Corintios 13:1

Kuae jae mboapɨa ma ajata pépɨri vae. Oime yave kia teko oyapo vae, timiari mókoi ani mboapɨ oikuaa kavi jeko regua vae, yaikuaa vaerä añete ra vae.

DEUTERONOMIO 17:6

Mókoi ani mboapɨ vae oecha kavi vae jeigüe reño ipuere omano jeko vae, ërei metei vae jeigüe reño agüɨye tomano.

DEUTERONOMIO 19:15

Kia nunga vae agüɨye toyemboeko mbae re, metei vae imiari reño, mbaeyoa re ani mbae nunga oyavɨ vae re. Mókoi vae ani mboapɨ vae iñee reño toyeapo jókuae ñeapo.

1 Timoteo 4:14

Agüɨye enoiiño mbaepuere Tumpa omee ndeve vae. Jókuae oñemee ndeve vae omombeu nderegua yave, oporogüɨrovia vae reta itenondegua reta oñono ipo nderé yave vae.

1 Timoteo 5:17

Jupi ko oporogüɨrovia vae reta itenondegua güɨroata kavi mbaravɨkɨ vae, oyeaɨu yae vaerä, jókuae omoërakua Tumpa iñee jare oporomboe vae.

Tito 1:6

Oporogüɨrovia vae reta itenondegua toiko kavi, agüɨye vaerä kia teko oväe jese, meteiño tijembireko, imichia reta toporogüɨrovia, jare agüɨye toyapo ikavimbae vae, ani tipɨapochɨ tu reta kotɨ.

Hebreos 10:28

Kia nunga vae oyapoä Moisés iporookuai yave, mókoi ani mboapɨ vae omombeu yave iyoa re, tomano oyepararekombae reve.