1 Timoteo 5:17 - Biblia Guarani Tumpa Iñee

¹⁷ Jupi ko oporogüɨrovia vae reta itenondegua güɨroata kavi mbaravɨkɨ vae, oyeaɨu yae vaerä, jókuae omoërakua Tumpa iñee jare oporomboe vae.

Nuevo Testamento Guaraní Pe

¹⁷ Jupi co oporogüɨrovia vae reta itenondegua Tumpa iparavɨquɨ oyapo cavi vae reta oñemboeteuca vaera jare iru reta omboepɨ vaera chupe reta. Jae ramiño vi jupi co oporogüɨrovia vae reta itenondegua Tumpa iñee omombeu jare oporomboe vae reta oñemboeteuca yae vaera jare iru reta omboepɨ vaera chupe reta.

1 Timoteo 5:17 ပူးပေါင်းရင်းမြစ်များ

2 REYES 2:9

Oasa reta ma yave Elías jei Eliseo pe: —Eiporu mbae reipota ayapo ndeve vae, ndei ayererajauka ndegüi mbove. Eliseo jei: —Romoñera che apɨta vaerä nderekovia pe.

ISAÍAS 40:2

pemiari kavi mboroaɨu ndive Jerusalén ndive; pesapúkai reve pere chupe, kërai oiporara vae iyapɨta ma, iyoa re cheɨ̈ro ma chupe; echa aiporarauka yae ma chupe reta, opaete iyoa reta re.”

JEREMÍAS 16:18

Tenonde aiporaraukata täta chupe reta jeko kavimbae jare imbaeyoa reta re, echa omongɨa reta cheɨvɨ itumpa-raanga reta jekovembae pe, jare opaete ɨvɨ chembae rupi oyapo reta mbaembae che aröɨro vae.”

JEREMÍAS 17:18

Emomaraiuka chemotareɨ vae reta, ërei che agüɨye jökorai. Emongɨɨye reta, ërei che agüɨye jökorai. Embou jese reta mbaesusere, opaetei emokañɨtei reta.

ZACARÍAS 9:12

¡Tembipɨɨ reta peyerova ye peñepɨ̈roa pe, peäro peiko vae! Añave amombeu peve, pomopüa pɨauta oasa ye tenonde peiko vae güi.

NÚMEROS 18:31

jare ipuere jou reta jare jo pegua reta ndive oipota rupi; echa jae ko tupao guakapi pegua pe oparavɨkɨ vae jepɨ.

San Mateo 24:25

Mase, amombeu kavi voi ma ko aï peve kuae, ndei oyeapo mbove.

San Lucas 10:7

Jare pepɨta jókuae o pe. Peu oipotagüe omee peu vaerä vae. Echa jupi ko oparavɨkɨ vae pe oyemboepɨ vaerä. Agüɨye oipotagüe o rupiño peiko.

San Lucas 12:42

Jayave yandeYa jei: “Metei tembiokuai omaangareko vae jeko kavi vae jare oyeandu katu reve vae pe iya oeya ipo pe, omee vaerä ïru tembiokuai reta pe jembiurä iora pe kavi.

San Juan 4:38

Che pomondo pearɨvo mbaetɨ peparavɨkɨ jese vae. Ïru vae reta oparavɨkɨ jese, jare pe reta pearɨvo iparavɨkɨagüe.

Hechos 11:30

Jökorai oyapo reta. Omondo reta oporogüɨrovia vae reta itenondegua reta pe Bernabé jare Saulo ndive.

Hechos 20:35

Pomboe kavi ma kërai ikavi ko jökorai yaparavɨkɨ yamborɨ vaerä mbae oata chupe vae reta. Yandemaendúa reve yandeYa Jesús iñee re, echa jei: ‘Mbae ñamee vae ko ikavi, mbae oñemee yandeve vae güi.’ ”

Hechos 28:10

Jayave jae reta omee vi oreve jeta mbaembae. Jare royeupi ye yave barco pe, jeta orembotapeke reta.

Romanos 12:8

oporomboarakuaa vaerä vae, toporomboarakuaa kavi. Mbae ipuere omee ïru vae pe vae, tomee ipɨa yerovia reve kavi. Tenondeguarä oï vae, toporookuai kavi. Oporomborɨ vaerä vae, toyapo oyerovia reve.

Romanos 15:27

Oecha reta ikavi kuae oyapo vaerä, echa ipía ko judío reta pe. Echa judío reta rupi ou judiombae vae reta pe Tumpa iñee. Jáeramo judiombae vae reta ikavi ko omborɨ vaerä judío reta mbaembae güɨnoigüe pe.

Romanos 16:12

Tamaraeme vi toñogüɨnoi Trifena jare Trifosa. Jae reta oparavɨkɨ ñogüɨnoi yandeYa peguarä. Tamaraeme vi toï yandereindɨ Pérsida. Jae vi oparavɨkɨ täta yandeYa peguarä.

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

1 Corintios 16:16

Jáeramo pomoñera peiko vaerä jókuae nunga reta jeia re, jare opaete oporomborɨ jare oparavɨkɨ yandeYa pe vae reta pe.

1 Corintios 3:9

Echa ore ko roparavɨkɨ Tumpa ndive vae. Pe reta ko jae temitɨ Tumpa iko pegua rami, jare metei o Tumpa omopüa oï vae rami.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Gálatas 6:6

Tumpa iñee re oyemboe vae, tomee mbaembae güɨnoi vae güi imboea pe.

DEUTERONOMIO 18:8

jare oyovake tomboresive tembíu, ïru reta ndive, oime reve güɨnoi imbaeyekou.

Filipenses 2:16

peiko reve ñee tekove opambae vae re, ayerovia vaerä Cristo ou ye yave, kërai che mbaetɨ aguataiño ani aparavɨkɨiño.

Filipenses 2:29

Pemboresive kavi yandeYa re peyerovia reve. Jekuaeño peaɨu jae rami vae reta,

Filipenses 4:3

Jare che romoñera, nde cheparavɨkɨ ïru ete, remborɨ vaerä kuae kuña reta. Echa jae reta oparavɨkɨ täta che ndive, romombeu vaerä ñee ikavi vae. Oparavɨkɨ reta Clemente ndive jare ïru che ndive oparavɨkɨ vae reta ndive vi. Kuae reta jee oñemoapɨta ma tupapire tekove pegua pe.

1 Timoteo 3:5

(Echa mbaetɨ oikatu güɨroata jo pegua reta yave, ¿këraita pa oikatu güɨroata Tumpa re güɨrovia vae reta?)

1 Timoteo 4:10

Echa kuaerä etei yaparavɨkɨ ñaï yaiporara reve, Tumpa oikove vae re yarovia ramo, opaete vae jese güɨrovia vae imboasaa.

1 Timoteo 4:14

Agüɨye enoiiño mbaepuere Tumpa omee ndeve vae. Jókuae oñemee ndeve vae omombeu nderegua yave, oporogüɨrovia vae reta itenondegua reta oñono ipo nderé yave vae.

1 Timoteo 4:16

Eyangareko ndeyé jare ndeporomboe re; nepɨ̈rata jese, echa jökorai reyapo yave, reasayepeta ikavimbae güi, jare oyeapɨsaka nderé vae reta.

1 Timoteo 4:6

Remboe yave yanderɨvɨ reta kuae re, Jesucristo jembiokuai ikavigüe ko nde, jekuae eñemomɨ̈rata ñee mborogüɨrovia pegua re jare mboromboe añete vae rupi reiko vae re.

1 Timoteo 5:19

Oime yave kia omboeko oporogüɨrovia vae reta itenondegua mbae re, agüɨye eyeapɨsaka jese mbaetɨ yave imiari mókoi ani mboapɨ jese oikuaa kavi jeko regua vae.

1 Timoteo 5:3

Emborɨ imemano vae reta, mbaetɨ kia chupe vae reta.

2 Timoteo 2:6

Oparavɨkɨ vae mbaetɨ oparavɨkɨ yave, ngaraa mbae oarɨvo.

2 Timoteo 4:2

emoërakua avei Tumpa iñee jare eñemoäta ngatu avei, eikuaauka kavi iyoa vae pe iyoa, jare emboeta chupe jese, eporomboarakuaa jare eporomboe ndepɨaguasu reve.

Hebreos 13:17

Peñeereendu oyangareko peré vae reta pe jare peiko jae reta jeia re, echa jae reta oyangareko oï perekove re, oikuaa reve Tumpa ojäata ko iparavɨkɨ re; jökorai peyapo yave, jae reta oparavɨkɨta Tumpa pe oyerovia reve, ipɨatɨtɨmbae reve, echa ipɨatɨtɨ reve oparavɨkɨ Tumpa pe yave, ngaraa jaekavi.

Hebreos 13:24

Tamaraeme toñogüɨnoi opaete peangarekoa reta jare opaete oporogüɨrovia vae reta. Italia pegua reta vi omondo peve tamaraeme.

Hebreos 13:7

Pemaendúa oyangareko peré vae reta omombeu Tumpa iñee peve vae re. Pemae kërai yogüɨreko vae re jare pemomoe jae reta iporogüɨrovia.