1 Timoteo 5:11 - Biblia Guarani Tumpa Iñee

¹¹ Ërei imemano vae taɨrusu vae reta, agüɨye emoapɨta jee. Echa imendase ye yave oipotaä ma yeokuai Cristo pe.

Nuevo Testamento Guaraní Pe

¹¹ Erei agüɨye emoiru taɨrusu imemano vae reta iru imemano vae reta ndive. Echa cuae nunga oipota yave iru cuimbae, mbaeti ma oipota oyeócuai Cristo pe iru imemano vae reta oyeócuai chupe rami. Jaeño oipota omenda.

1 Timoteo 5:11 ပူးပေါင်းရင်းမြစ်များ

ISAÍAS 3:16

YandeYa jei ye: “Kuña reta Sión pegua, iyemboete iyé vae reta, iñäka oupi avei oguata vae reta, jesäɨ mbokere reve, opɨ̈ro pɨi pɨi oguata vae reta, jare omochinini ipɨ imopöraka oguata reta yave;

OSEAS 13:6

Ërei pe reta jeta tembíu penoi yave, peyembotuicha jare peakañɨ chegüi.

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.

1 Timoteo 4:3

Oyopia retata omenda, jare oyopia retata tembíu Tumpa oyapo vae, jókuae oporogüɨrovia vae reta jare añete vae oikuaa vae reta ipuere vaerä jou omee reve yasoropai jese vae.

1 Timoteo 5:12

Jáeramo güɨnoi ko teko, opia iporogüɨrovia güi ramo.

1 Timoteo 5:14

Jáeramo, aipota imemano vae taɨrusu vae reta omenda ye, timembɨ reta, togüɨroata kavi jo pegua reta, agüɨye vaerä oñemoëgua oyeangaouka vaerä tovaicho pe.

1 Timoteo 5:9

Imemano vae reta jee ipɨte pe jaeño toï sesenta año güɨnoi vae güi kutɨ, meteiño ime vae,

Santiago 5:5

Kuae ɨvɨ pe peiko ramboeve, peiko kavi yae ko jare peyapo pepuere rupi pepɨa jemimbota reta. Peyemongɨra ko, mɨmba oyemongɨra oyeyukata vae rami.

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.

Apocalipsis 18:3

Echa opaete tëtaguasu reta jou vino rami jókuae teko ikavimbae vae; jare mburuvicha guasu reta ɨvɨ pegua oyapo aguasa jae ndive, jare ɨvɨ pegua reta omaemee vae oyemboikokatu imbaepotarai re.”

Apocalipsis 18:7

Jae oyemboete yae jare ogua jeta mbaembae jepɨ yae vae, jökorai vi toiporara yae jare tipɨatɨtɨ yae. Echa jei iyeupe: Che aguapɨ aï mburuvicha kuña rami, mbaetɨ ko kuña imemano vae che, ngaraa etei chepɨatɨtɨ.

Apocalipsis 18:9

Jare ɨvɨ pegua mburuvicha guasu reta oyapo aguasa jae ndive vae jare jae ndive oyerovia vae oyaeota jare oapïrota, oecha yave jätati opa ókai güi.