1 Timoteo 4:8 - Biblia Guarani Tumpa Iñee

⁸ echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.

Nuevo Testamento Guaraní Pe

⁸ Echa ñanderete ñamongúe yave, michi peguaño icavi ñandeve. Erei ñañemoatangatu yave yayapo vaera Tumpa oipota yayapo vaera vae, jecuaecuae icavi yae ñandeve. Echa icavi ñandeve cuae ɨvɨ pe yaico rambueve, jare icavita vi ñandeve Tumpa pɨri ma yaico yave.

1 Timoteo 4:8 ပူးပေါင်းရင်းမြစ်များ

JOB 22:2

¿Rerovia pa kuimbae iyarakuaa katu yae güi, Tumpa ipuere oiporu?

JOB 36:11

Oendu reta yave jare omboete reta yave, yogüɨreko kavi retata omano regua.

SALMOS 145:19

Oipoɨu chugüi vae jemimbota ombopota, oenduta vi isapúkai, jare güɨroasayepeta.

SALMOS 37:11

Ërei oñemomichi vae reta, güɨnoita imbaerä ɨvɨ, yogüɨreko pɨagüiveta mbɨakatu rupi.

SALMOS 37:29

Jupi vae reta güɨnoita imbaerä ɨvɨ, jare yogüɨreko aveita jókuae ɨvɨ pe.

SALMOS 37:9

Echa jeko kavimbae reta oñemokañɨteita ko; ërei ngatu yandeYa re oyeko vae reta, güɨnoita ɨvɨ imbaerä.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

PROVERBIOS 19:23

YandeYa güiño oipoɨu vae, güɨnoita tekove; oiko pɨagüiveta, ngaraa maratu oiko.

PROVERBIOS 22:4

Ñañemomichi jare yaipoɨu yandeYa güi yave, ñanoita mbaeyekou, mboromboete jare tekove katu.

ECLESIASTÉS 8:12

¡Yepe tëi iyoa vae, jeta iyoa reve oikopuku! Ërei che aikuaa vae, jae ko, yogüɨreko kavita Tumpa güiño oipoɨu vae, jaeño omboete vae;

ISAÍAS 3:10

Ere jupi vae pe, ojo kavita ko, echa oyekouta jembiapo re.

ISAÍAS 33:16

jókuae nunga ko oiko pɨagüive aveita, iñepɨ̈roka ɨ̈vavira katuai vae ramita, ngaraa oata chupe tembíu jare ɨ.

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

San Mateo 12:32

Oipotagüe kia jei ikavimbae che Kuimbaerä ayeapo vae kotɨ vae pe, Tumpa iñɨ̈rota. Ërei oime yave kia jei ikavimbae yae Espíritu Santo kotɨ vae pe, Tumpa ngaraai iñɨ̈ro añave jare jekuae avei rupi.

San Mateo 19:29

Jare oime yave kia oeya jo reta, ani tɨkeɨ reta, ani tɨvɨ reta, ani jeindɨ reta, tɨke ani ipɨkɨɨ ani ikɨvɨ, ani tu, ani ichɨ, ani jembireko, ani imichia reta, ani iɨvɨ reta yepe chereko pegua vae, jeta yaeta jekovia chupe, jare güɨnoita imbaerä tekove opa mbae vae.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

San Marcos 10:30

cien rupi jekoviata ko chupe ɨvɨ pe oiko ramboeve. Jekoviata jo reta, tɨkeɨ reta, tɨvɨ reta, jeindɨ reta, tɨke ani ipɨkɨɨ ani ikɨvɨ, ichɨ reta, imichia reta, iɨvɨ reta jare ikavimbae reta vi. Ërei taɨkue rupi Tumpa omeeta chupe tekove opambae vae.

San Lucas 5:38

Jáeramo yamboɨru vino ipɨau vae jɨru ipɨau vae pe. Echa jökorai yayapo yave, vino jɨru mbaetɨ osoro jare vino mbaetɨ oyepɨyere.

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

1 Corintios 3:22

Pablo, Apolos, Cefas, ɨvɨ, tekove, mano, añave oyeapo vae jare opaete oyeapota vae, opaete pembae ko.

1 Corintios 8:8

Echa yau vae rupiä ko Tumpa yandemboresive. Echa yau vae mbaetɨ yandembokavi ani yaumbae vae mbaetɨ vi ñanemopɨ̈chɨi.

1 Timoteo 4:7

Agüɨye erovia arakae ndaye reta. Ërei eñemoäta ngatu reyapo vaerä Tumpa oipota vae;

1 Timoteo 6:3

Kia oporomboe ambuae mboromboe re, jare mbaetɨ güɨrovia mboromboe añete vae yandeYa Jesucristo regua jare mboromboe añete vae kërai yamboete vaerä Tumpa vae,

1 Timoteo 6:5

Jókuae reta oyoakaiño yarakuaambae reta ndive, mbaetɨ oikuaa añete vae. Oyemongeta Tumpa iparavɨkɨ rupi omongana yae vaerä. Agüɨye eñemoïru jókuae nunga reta ndive.

1 Timoteo 6:6

Ërei yamboete Tumpa jare yandepɨakatu vae ko, ngana tuichagüe;

2 Timoteo 3:5

jupi vae rami yogüɨrekota, ërei ngaraa etei oyekuaa jese jupi vae, agüɨye eñemoïru jókuae nunga reta ndive.

Tito 3:8

Kuae ko jae ñee añete vae, jare aipota jekuaeño täta reporookuai vaerä kuae mbaembae re, Tumpa re güɨrovia vae reta oyapo vaerä ikavi vae, kuae mbaembae ikavi ko opaete vae pe.

Hebreos 13:9

Agüɨye peñemaeño peyererajauka oipotagüe mboromboe ambuaeyee vae pe; ikavi ko ñañemomɨ̈rata yandepɨa peTumpa ipɨakavi rupi, mbaetɨ mborookuai reta tembíu regua rupi. Echa mbaetɨi oporomomɨ̈rata jókuae mbaembae reta.

1 Juan 2:25

Jare Jesucristo güɨrökuavee yandeve vae ko jae tekove opambae.

Apocalipsis 3:12

Oporomoamɨri vae añonota cheTumpa jo pe okɨta rami, jare ngaraa etei oë ye. Güɨnoita mbaepuere tuicha vae metei okɨta ipɨ̈rata yae vae rami. Jare aikuatiata jese cheTumpa jee jare jëta guasu Jerusalén ipɨau vae jee ogüeyɨta ara güi cheTumpa ndive vae. Jaeramiño vi aikuatiata jese cheree ipɨau vae.

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.