1 Timoteo 4:6 - Biblia Guarani Tumpa Iñee

⁶ Remboe yave yanderɨvɨ reta kuae re, Jesucristo jembiokuai ikavigüe ko nde, jekuae eñemomɨ̈rata ñee mborogüɨrovia pegua re jare mboromboe añete vae rupi reiko vae re.

Nuevo Testamento Guaraní Pe

⁶ Remomaendúa yave ñanderɨvɨ reta cuae mbaembae re, reyeócuai cavita co Jesucristo pe. Jecuae eñemomɨrata ñee yarovia vae reta re jare moromboe añete vae regua re. Echa cuae reta re jecuaeño reico.

1 Timoteo 4:6 ပူးပေါင်းရင်းမြစ်များ

SALMOS 19:7

YandeYa iporookuai jupigüe ko, oporopoepɨ vae ko; yandeYa iporookuai jupi ko, arakuaa oupitɨ katumbae pe omee arakuaa.

PROVERBIOS 4:2

Echa che amee peve yemboe ikavi vae, jáeramo agüɨye peakañɨ cheporomboe reta güi.

JEREMÍAS 15:16

Nde chemomiari yave che amboresive, aipɨɨ kavi cheyeupe neñee reta; jae ko chembopɨakatu vae jare chemboyerovia vae, echa che ndembae ko, cheYa Tumpa Imbaepuere yae ete vae.

San Mateo 13:52

Jayave Jesús jei chupe reta: —Opaete mborookuai re oporomboe vae ipoki yae ma araɨgua mborookuaía pegua pe vae, metei o iya rami ko. Echa jae mbaembae oñovatugüe oikatu güɨnoe ipɨau vae jare indechi vae.

San Lucas 1:3

Jáeramo jaekavi cheve, che vi aikuatía vaerä ndeve, mburuvicha Teófilo, amombeu vaerä ndeve kërai opaete oyeapo. Echa che aikuaa kavi opaete iyɨpɨ güive oasa vae.

Hechos 1:15

Jare jókuae ara reta rupi Pedro imiari oporogüɨrovia vae reta ciento veinte rupi oyemboatɨ ñogüɨnoi vae pe, jei:

Hechos 20:31

Jáeramo peyeandu jare pemaendúa kërai mboapɨ año rupi cheresaɨ reve pomboarakuaa metei ñavo ara rupi jare pɨ̈tu rupi vae re.

Hechos 20:35

Pomboe kavi ma kërai ikavi ko jökorai yaparavɨkɨ yamborɨ vaerä mbae oata chupe vae reta. Yandemaendúa reve yandeYa Jesús iñee re, echa jei: ‘Mbae ñamee vae ko ikavi, mbae oñemee yandeve vae güi.’ ”

Romanos 15:15

Ërei aikuatía peve cherɨvɨ reta, akɨɨyembae reve amogüe mbaembae re, pomomaendúa jese vaerä. Kuae ayapo, Tumpa ipɨakavi omee cheve vae rupi,

1 Corintios 4:17

Kuae jeko pegua amondo aï pekotɨ Timoteo. Jae ko cheraɨ aaɨu vae, jare jupi yandeYa kotɨ vae. Jae pemomaenduata kërai che aiko Cristo re, jare kërai amboe opaete rupi ñogüɨnoi oporogüɨrovia vae reta vae.

2 Corintios 11:23

Jae reta Cristo jembiokuai (imbokere vae rami tae), che ayapɨraa reta. Mbaravɨkɨ pe, jeta yae ayapo chugüi reta. Ñenupa pe, jeta yae. Tembipɨɨrɨru pe, jeta yae vi. Jeta yae amano seri.

2 Corintios 3:6

Jae ko omee oreve orepoki vaerä royeokuai chupe morogüɨrökuavee päve ipɨau pe. Mbaetɨ ko oyekuatiagüe, Espíritu pegua ko; echa mborookuai oyekuatiagüe oporoyuka, ërei Espíritu oporomoingove.

2 Corintios 6:4

Jekuaeño roechauka ïru vae reta pe Tumpa jembiokuai ko ore vae. Mbɨaguasu rupi, tembiporara reta, mbaravete, mbɨatɨtɨ,

Efesios 6:21

Tíquico omombeuta peve opaete mbaembae, peikuaa vaerä cheregua jare ayapo aï vae regua. Tíquico ko jae yanderɨvɨ aaɨu vae. Jae oyeokuai kavi yandeYa pe.

Filipenses 2:20

Echa mbaetɨ yé ko kia oyemongeta jare oyemoambeko peré che ndive vae.

Filipenses 2:22

Ërei peikuaa ko kërai Timoteo jeko, kërai jae oyeokuai Tumpa pe che ndive cheraɨ ete ramiecha, ñee ikavi vae romombeu vaerä.

Filipenses 3:16

Ërei yaiko avei yaikuaa ma vae re. Yayemongeta metei ramiño.

Colosenses 2:19

Kuae reta mbaetɨ oyeko Cristo re, echa Cristo ko jae oporogüɨrovia vae reta iñäka. Jae ko ombokuakuaa opaete jete, omongaru jare omboyoapɨ jayɨ re jare iyoapɨa pɨa re, Tumpa jemimbota rupi.

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

Colosenses 4:7

Opaete cheregua, Tíquico omombeuta peve. Jae ko cherɨvɨ aaɨu vae, yandeYa jembiokuai jupi vae, chemborɨ vae.

1 Tesalonicenses 3:2

jare romondo yanderɨvɨ Timoteo pépɨri. Jae ko Tumpa pe oyeokuai vae, oremborɨ omoërakua ñee ikavi vae Cristo regua vae. Romondo ko pemomɨ̈rata jare pemboarakuaa vaerä peporogüɨrovia pe;

1 Timoteo 1:10

aguasa oyapo vae reta peguarä, jare kuimbae reta oyoupii oyogüɨreko vae peguarä, oñomi japicha vae reta peguarä, iyapu vae reta peguarä, oñeapo iyapu reve vae reta peguarä, jare oipotagüe mboromboe añete vae ndive oyovaicho vae reta peguarä.

1 Timoteo 4:16

Eyangareko ndeyé jare ndeporomboe re; nepɨ̈rata jese, echa jökorai reyapo yave, reasayepeta ikavimbae güi, jare oyeapɨsaka nderé vae reta.

1 Timoteo 6:3

Kia oporomboe ambuae mboromboe re, jare mbaetɨ güɨrovia mboromboe añete vae yandeYa Jesucristo regua jare mboromboe añete vae kërai yamboete vaerä Tumpa vae,

2 Timoteo 1:6

Jáeramo romboarakuaa. Eñemoäta ngatu jókuae mbaepuere Tumpa omee ndeve vae re, jókuae oñemee ndeve chepo añono nderé yave vae.

2 Timoteo 3:10

Ërei nde reikuaa katu ko cheporomboe, chereko, cheyemongeta, cheporogüɨrovia, che aropɨa vae, cheporoaɨu, chepɨaguasu;

2 Timoteo 4:3

Echa outa ara reta oväe ñäteɨ vaerä ɨvɨ pegua reta oipota oyeapɨsaka mboromboe añete vae re, ërei oeka retata oyeapɨsaka vaerä jemimbota reño oporomboe vae reta re.

Tito 2:1

Ërei nde nemiari yave eporomboe añete vae re.

1 Pedro 2:2

Peyúe neche oyeambae vae ara pegua, michia oa ramo vae ikambúe rami, jókuae rupi pekuakuaa vaerä jare penoi vaerä yemboasa,

2 Juan 1:9

Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.

Judas 1:5

Jáeramo yepe tëi peikuaa ma, ërei aipota pomomaendúa ye kuae re: YandeYa güɨnoe Israel pegua reta Egipto güi. Ërei taɨkue rupi opa omokañɨtei jese güɨroviambae vae reta.