1 Timoteo 4:3 - Biblia Guarani Tumpa Iñee

³ Oyopia retata omenda, jare oyopia retata tembíu Tumpa oyapo vae, jókuae oporogüɨrovia vae reta jare añete vae oikuaa vae reta ipuere vaerä jou omee reve yasoropai jese vae.

Nuevo Testamento Guaraní Pe

³ Oyocuaita iru vae reta agüɨye vaera omenda, jare oyocuaita iru vae reta agüɨye vaera jou mbae nunga tembíu, yepe tei Tumpa oyapo ñandeve tembíu yau vaera yasoropai ñamee reve chupe. Echa ñande yarovia Tumpa jare yaicuaa ma añete vae.

1 Timoteo 4:3 ပူးပေါင်းရင်းမြစ်များ

GÉNESIS 9:3

Opaete mbaemɨmba toiko perembiurä, jökorai opaete temitɨ amee peve rami.

ECLESIASTÉS 5:18

Jayave, aecha ikavi yae vae jae ko: Yakaru kavi vae, yayerovia vaerä opaete yandeparavɨkɨagüe güi, kuae ɨvɨ pe yayemoambeko jese vae re, opaete ara Tumpa omee tekove yandeve ramboeve, echa jókuae ko jae yandeparavɨkɨ jekovia.

DANIEL 11:37

Kuae mburuvicha guasu mbaetɨta omboete iñemuña reta itumpa, kuña reta itumpa-raanga reta ave mbaetɨta omboete, ïru tumpa reta ave mbaetɨta omboete, echa oyembotuicha yaeta opaete vae güi.

San Mateo 14:19

Jayave Jesús oyókuai jókuae jeta vae reta oguapɨ vaerä kapiata re. Jayave oipɨɨ jókuae pandepo mbɨyape jare mókoi jevae ɨ rupigua, jare omae reve ara kotɨ omee yasoropai Tumpa pe jese. Jayave opɨ̈saa mbɨyape, jare omee jemimboe reta pe, jare jae reta omee vaerä jeta vae reta pe.

San Mateo 15:11

Oipotagüe mbae peu vae mbaetɨ ko omongɨa pepɨa, ërei pepɨa güi ikavimbae pere vae ko, omongɨa pepɨa.

San Mateo 15:36

Jayave oipɨɨ jókuae chiu mbɨyape jare jevae raɨ raɨ, jare omee yasoropai Tumpa pe. Jayave opɨ̈saa mbɨyape jare jevae raɨ raɨ, omee jemimboe reta pe; jare jae reta omee jeta vae reta pe.

San Lucas 24:30

Jare oguapɨ ma mesa pe okaru vaerä yave, Jesús oipɨɨ mbɨyape jare omee yasoropai jese Tumpa pe, opɨ̈saa jare omee chupe reta.

San Juan 6:23

Ërei ïru barco raɨ reta yogüeru oväe tëta guasu Tiberias güi, jókuae mbɨyape jou reta yandeYa omee yasoropai jese Tumpa pe güirea iyɨpɨ pe.

Hechos 27:35

Jare kuae jei güire, oipɨɨ mbɨyape, jare omee yasoropai Tumpa pe opaete vae jovake. Jayave opɨ̈saa mbɨyape jare jou.

Romanos 14:17

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi.

Romanos 14:3

Opaete mbae jou jouiño vae, agüɨye togüɨröɨro mbaetɨ mbae jou jouiño vae. Jare jókuae mbaetɨ mbae jou jouiño vae, agüɨye toyangao opaete mbae jou vae re. Echa Tumpa imbae ko.

Romanos 14:6

Jókuae omboete ara ïru ara reta güi vae, oyapo ko yandeYa peguarä. Jare opaete ara reta oyovakeño chupe vae, yandeYa peguarä vi ko oyapo. Opaete mbae jou jouiño vae, yandeYa omboete vaerä ko jou. Echa omee yasoropai Tumpa pe. Jaeramiño vi mbaetɨ mbae jou jouiño vae, yandeYa omboete vaerä vi ko mbaetɨ jou. Echa jae omee vi yasoropai Tumpa pe.

1 Corintios 6:13

Tembíu yanderɨe peguarä ko, jare yanderɨe tembíu pegua ko. Ërei Tumpa omboaita ko mókoi reve. Ërei yanderete mbaetɨ ko aguasa peguarä jaeño ko oï yandeYa peguarä, jare yandeYa yanderete peguarä.

1 Corintios 7:28

Ërei omenda yave, mbaetɨ ko iyoa. Jaeramiño vi kuñatai omenda yave, mbaetɨ ko iyoa. Ërei omenda vae reta güɨnoita ko yemoambeko, jare che aipotaä tëi viña jökorai.

1 Corintios 8:8

Echa yau vae rupiä ko Tumpa yandemboresive. Echa yau vae mbaetɨ yandembokavi ani yaumbae vae mbaetɨ vi ñanemopɨ̈chɨi.

Colosenses 2:16

Jáeramo, agüɨye kia tapemboeko mbae peu vae re, jare arete reta re, yasɨ pɨau iarete re, ani ara mbutuu reta re.

Colosenses 3:17

Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús rupi.

1 Timoteo 2:4

jae oipota opaete vae oyemboasauka jare oikuaa kavi añete vae.

1 Timoteo 4:4

Echa opaete mbaembae Tumpa oyapogüe ikavi ko. Mbaetɨ ikavi ñaröɨro vaerä, ikavi ko yau ñamee reve yasoropai Tumpa pe.

1 Timoteo 5:14

Jáeramo, aipota imemano vae taɨrusu vae reta omenda ye, timembɨ reta, togüɨroata kavi jo pegua reta, agüɨye vaerä oñemoëgua oyeangaouka vaerä tovaicho pe.

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

Hebreos 13:9

Agüɨye peñemaeño peyererajauka oipotagüe mboromboe ambuaeyee vae pe; ikavi ko ñañemomɨ̈rata yandepɨa peTumpa ipɨakavi rupi, mbaetɨ mborookuai reta tembíu regua rupi. Echa mbaetɨi oporomomɨ̈rata jókuae mbaembae reta.

1 SAMUEL 9:13

Peike yave tëta guasu pe, peeka voi ndei oyeupi mbove mbaemboete renda ɨvɨtɨ regua pe okaru. Jeta vae reta ngaraa okaru jae ndei ojo oväe mbove. Echa jae ko oyerureta mɨmba oyeyukagüe re, jare jókuae jaɨkue rupi ramo okaruta oyeparea chupe vae reta. Jáeramo añave jarembae voi pekua jare peväeta chupe.