1 Timoteo 4:14 - Biblia Guarani Tumpa Iñee

¹⁴ Agüɨye enoiiño mbaepuere Tumpa omee ndeve vae. Jókuae oñemee ndeve vae omombeu nderegua yave, oporogüɨrovia vae reta itenondegua reta oñono ipo nderé yave vae.

Nuevo Testamento Guaraní Pe

¹⁴ Jecuaeño eñemoatangatu reiporu vaera mbota Tumpa omee ndeve vae. Echa oñemee ndeve Tumpa iñee omombeu vae reta jei rami, oporogüɨrovia vae reta itenondegua reta oñono yave ipo nderé.

1 Timoteo 4:14 ပူးပေါင်းရင်းမြစ်များ

Hechos 11:30

Jökorai oyapo reta. Omondo reta oporogüɨrovia vae reta itenondegua reta pe Bernabé jare Saulo ndive.

Hechos 13:3

Jayave oyekuaku reta tembíu güi, jare oyerure reta Tumpa pe. Javoi ïru reta oñono ipo jese reta jare omondo reta.

Hechos 19:6

Jayave Pablo oñono ipo jese reta yave, ou jese reta Espíritu Santo, jare jae reta imiari ambuae ñee reta pe, jare omoërakua reta Tumpa iñee.

Hechos 22:5

Sacerdote tenondegua jare opaete tëta guasu pegua reta itenondegua reta timiari peve cheregua. Jae reta oikuatía omee cheve tupapire jesegua reta araja vaerä ñanerëtara judío reta Damasco pe yogüɨreko vae reta pe. Jare aja aipɨɨ vaerä Jesús re güɨrovia vae joko pe ñogüɨnoi vae reta, aru vaerä Jerusalén pe, aiporarauka vaerä tëi chupe reta.

Hechos 6:6

Jare güeru reta kuae oiparavogüe reta temimondo reta jóvai. Jayave jae reta oyerure Tumpa pe oñono reve ipo jese reta.

Hechos 8:17

Jayave Pedro jare Juan oñono ipo jese reta, jare omboresive reta Espíritu Santo.

1 Tesalonicenses 5:19

Agüɨye pembogüe Espíritu Santo.

1 Timoteo 1:18

Cheraɨ Timoteo, royókuai tenonde yave oyemombeu nderegua rami, reñoraro kavi vaerä ikavimbae vae ndive,

1 Timoteo 4:15

Eyemoambeko avei kuae mbaembae reta re, agüɨye eeya, oyekuaa vaerä opaete vae pe ikavi yae ko jókuae reyemboe vae.

1 Timoteo 5:17

Jupi ko oporogüɨrovia vae reta itenondegua güɨroata kavi mbaravɨkɨ vae, oyeaɨu yae vaerä, jókuae omoërakua Tumpa iñee jare oporomboe vae.

1 Timoteo 5:19

Oime yave kia omboeko oporogüɨrovia vae reta itenondegua mbae re, agüɨye eyeapɨsaka jese mbaetɨ yave imiari mókoi ani mboapɨ jese oikuaa kavi jeko regua vae.

1 Timoteo 5:22

Agüɨye emanorai eyapo mbae kia pe ave, agüɨye eyemoinge teko ambuae pe. Eiko ikɨambae.

1 Timoteo 6:12

Eñeraro kavi ndeporogüɨrovia re, egüɨ̈rakua tekove opambae vae re, echa kuaerä Tumpa ndeparavo. Jáeramo remombeu ndeporogüɨrovia jeta vae jóvai.

2 Timoteo 1:6

Jáeramo romboarakuaa. Eñemoäta ngatu jókuae mbaepuere Tumpa omee ndeve vae re, jókuae oñemee ndeve chepo añono nderé yave vae.