1 Timoteo 4:12 - Biblia Guarani Tumpa Iñee

¹² Agüɨye kia tanereröɨro ndetaɨrusu ramo, ërei eechauka oporogüɨrovia vae reta pe neñee rupi, reiko vae rupi, mboroaɨu rupi, espíritu rupi, mborogüɨrovia rupi jare teko kavi rupi.

Nuevo Testamento Guaraní Pe

¹² Agüɨye quia tanereroɨro ndetaɨrusu rambue. Erei jecuaeño nde rani eico cavi, iru oporogüɨrovia vae reta oicuaa vaera quirai icavi co jae reta vi yogüɨreco vaera. Jae rambue jecuaeño nemiari icavi vae re. Jecuaeño eyapo icavi vae. Jecuaeño eporoaɨu. Jecuaeño erovia Tumpa. Agüɨye eyapo mbae pochɨi vae.

1 Timoteo 4:12 ပူးပေါင်းရင်းမြစ်များ

ZACARÍAS 2:4

Jare jei chupe: “Esɨi ekua nemiari kunumi güɨnoi tɨmasa raɨ vae pe, körai: ‘Jerusalén ikëseambaeñota, kuimbae jare mbaemɨmba jeta yae vae jeko pegua.

San Mateo 18:10

Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

1 Corintios 11:1

Peiko che aiko rami. Che Cristo oyapo vae ayapo rami.

Filipenses 4:8

Jare añave cherɨvɨ reta, peyemongeta opaete mbae añetete vae re, opaete mbae jaekavi vae re, opaete mbae jupi vae re, opaete mbae ikɨambae vae re, opaete mbae ikavi vae re, jare opaete mbae yandepuere ñanemiari kavi jese vae re. Peyemongeta opaete ikavi vae jare mbaemboete pegua re.

1 Tesalonicenses 1:6

Jare pe reta pemboɨpɨ peiko, ore jare yandeYa oiko rami. Perovia romombeu peve vae peyerovia reve Espíritu Santo rupi, peiporara yae tëi reve.

1 Tesalonicenses 2:10

Pe reta peikuaa kavi ko jare Tumpa vi, kërai royapo ikavi vae, jupi vae, mbaetɨ kia oremboeko mbae re, pe oporogüɨrovia vae reta ndive.

1 Timoteo 1:14

Ërei yandeYa tuicha yae ipɨakavi cheve, mborogüɨrovia jare mboroaɨu rupi Cristo Jesús re yarovia yave.

2 Timoteo 2:15

Eñemoäta ngatu, repɨta kavi vaerä Tumpa ndive, oparavɨkɨ vae mbaetɨ mbae güi imara vaerä vae rami, eporomboe ikavi rupi ñee añete vae re.

2 Timoteo 2:22

Etekuarai taɨrusu reta jemimbota güi, ërei emomoe mbaejupi, mborogüɨrovia, mboroaɨu jare mbɨakatu, yandeYa omboete opaete ipɨa reve vae reta ndive.

2 Timoteo 2:7

Jekuaeño ndepɨa pe eyemongeta che jae ndeve vae re. Jare yandeYa tomee ndeve arakuaa reikuaa kavi vaerä opaete.

Tito 2:15

Kuae re nemiari, eporomboarakuaa jare emboeta mbaepuere rupi kavi. Agüɨye kia ave tanereröɨro.

Tito 2:7

Nde etei eyapo opaete mbaravɨkɨ reta ikavi vae, eporomboe añete vae re, ndereko tisɨmbi,

Santiago 3:13

Oime yave kia pepɨte pe iyarakuaa vae, toiko kavi. Toechauka jembiapo reta rupi jeko kavi oñemomichi reve kavi.

Santiago 3:17

Ërei arakuaa Tumpa güi ou vae, ikɨambae ko, ipɨakatuta ko, iporoaɨu ko, ipɨakavi ko, iporoparareko ko jare oyapo ikavigüe. Oporombotavɨmbae jare mbaetɨ jova mókoi.

1 Pedro 5:3

agüɨye peyemboiya etei peyangareko jese vae reta re, jaeño peechauka ikavi chupe reta.