1 Timoteo 4:10 - Biblia Guarani Tumpa Iñee

¹⁰ Echa kuaerä etei yaparavɨkɨ ñaï yaiporara reve, Tumpa oikove vae re yarovia ramo, opaete vae jese güɨrovia vae imboasaa.

Nuevo Testamento Guaraní Pe

¹⁰ Echa cuaera yaparavɨquɨ ñai yaiporara reve, Tumpa jecuaeño oico vae re yarovia rambue. Jae co opaete vae omboasa vae. Jae omboasa güɨrovia jese vae reta.

1 Timoteo 4:10 ပူးပေါင်းရင်းမြစ်များ

SALMOS 107:2

Jovaicho reta güi yandeYa oepɨ vae reta tei jökorai, jovaicho reta imbaepuere güi yandeYa oepɨ vae reta,

SALMOS 118:8

YandeYa re yayeko vae ko ikavi, kuimbae re yayeko vae güi.

SALMOS 36:6

Ndembaejupi ndeɨvɨtɨ guasu rami ko; neporojäa reta ɨguasu tɨpɨ yae vae rami, cheYa Tumpa, nde reñovatu kuimbae jare mɨmba.

SALMOS 37:40

YandeYa omborɨta jare oepɨta, oepɨta iyoa vae reta güi jare güɨroasayepeta, echa yandeYa reño oyeko reta.

SALMOS 52:8

Ërei che aï Tumpa jo pe olivo jokɨ katu rami, Tumpa iporoparareko re ayeko avei jekuae avei pegua.

SALMOS 84:12

CheYa Tumpa Imbaepuere yae ete vae, ¡oyerovia ko jókuae nderé oyeko vae!

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

JEREMÍAS 17:7

Ërei, toyekou jókuae kuimbae güɨrovia katu cheré vae, chereño oyeko vae.

DANIEL 3:28

Jayave Nabucodonosor jei: “Toyemboete Sadrac, Mesac jare Abed-nego iTumpa, echa ombou iaraɨgua oepɨ jembiokuai reta oyeko jese ramo, jare mbaetɨ oyapo reta cheporookuai, oñeñono reta oiporara vaerä, omboete äragüe ïru tumpa iTumpa güi.

NAHUM 1:7

YandeYa ipɨakavi ko; jae ko ñepɨ̈roka, mbɨatɨtɨ oime yave: Oepɨ oñepɨ̈ro jese vae reta.

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

San Mateo 27:43

Oyeko Tumpa re; toepɨ añave oaɨu yave. Echa jae jei: “Che ko jae Tumpa Taɨ.”

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

San Juan 4:42

Jayave jei reta kuña pe: —Mbaetɨ roporogüɨrovia nde rere oreve güiño, roporogüɨrovia ko ore etei roendu ramo, jare añave roikuaa kuae ko jae ɨvɨ pegua reta Omboasa vae, Cristo jee vae.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

2 Corintios 1:10

Echa jae orereroasayepe mano güi, jare jekuae orereroasayepe yeta mano güi,

1 Timoteo 2:3

Echa jókuae ko ikavi jare omboyerovia Tumpa Yandemboasa vae,

1 Timoteo 2:4

jae oipota opaete vae oyemboasauka jare oikuaa kavi añete vae.

1 Timoteo 2:6

Jae oñemee omano vaerä, oepɨ vaerä opaete vae. Jare Tumpa oikuaauka kuae, iara pe kavi.

1 Timoteo 3:15

echa güɨramoi aja raiviä yave, aipota reikuaa këraita reiko Tumpa taɨ reta ipɨte pe, jae ko Tumpa oikove vae re güɨrovia vae reta, jae reta oyoko añete vae.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

Hebreos 11:26

chupeguarä ikavi yae ko oiporara vaerä Cristo oiporara rami, Egiptoɨgua reta imbaeyekou güi; echa omae avei Tumpa omeeta chupe mbota vae re.

Hebreos 13:13

Jáeramo yaja ikotɨ tëta guasu güi ikatu pe, yaiporara vi ñereröɨro Jesús rami,

1 Pedro 1:21

Jare Cristo rupi perovia Tumpa re, echa Tumpa omoingove ye Cristo omanogüe reta ipɨte güi jare omboeteuka, perovia vaerä jare peäro vaerä Tumpa re.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.

1 Juan 4:14

Jare ore roecha jare romoërakua Tumpa ombou Taɨ ɨvɨ pegua reta Omboasa vae.