1 Timoteo 3:7 - Biblia Guarani Tumpa Iñee

⁷ Jaeramiño vi tijërakua kavi oporogüɨroviambae vae reta pe, agüɨye vaerä imboetea poi jare oa aña guasu iñuai pe.

Nuevo Testamento Guaraní Pe

⁷ Jae ramiño vi oporogüɨrovia vae reta itenondegua tieracua cavi, oporogüɨrovia mbae vae reta imiari cavi vaera jese. Echa mbaeti yave jocorai, güɨramoi jae reta omboecota, jare jocorai oporogüɨrovia vae reta itenondegua güɨramoi oñemoamɨriucata aña guasu pe.

1 Timoteo 3:7 ပူးပေါင်းရင်းမြစ်များ

San Marcos 4:11

Jayave Jesús jei chupe reta: “Amombeu ma peve Tumpa iporookuaía regua peikuaambae vae. Ërei ïru vae reta amboe ambojaanga reve.

Hechos 10:22

Jayave kuimbae reta jei Pedro pe: —Oime metei kuimbae Cornelio jee vae, cien sundaro vae juvicha. Jae ko kuimbae jupi vae jare omboete Tumpa vae. Jae ko opaete judío reta güɨrovia katu yae vae. Metei araɨgua jei chupe ndererajauka vaerä jëta pe, jae oyeapɨsaka vaerä remombeuta chupe vae re.

Hechos 22:12

Jare oiko joko pe metei kuimbae Ananías jee vae. Jae oipoɨu Tumpa güi mborookuai oyapo reve, jare opaete judío joko pe yogüɨreko vae reta imiari kavi jese.

Hechos 6:3

Jáeramo peiparavo pepɨte güi, chiu kuimbae reta jërakua kavi vae reta, tɨnɨe Espíritu Santo pe jare iyarakuaa katu vae reta. Jae reta toyapo kuae mbaravɨkɨ.

1 Corintios 10:32

Agüɨye peiko peporombogüɨapiuka vaerä judío reta pe, judiombae vae reta pe ani oporogüɨrovia vae reta Tumpa imbae reta pe.

1 Corintios 5:12

Echa mbaetɨ ko chepuere ajäa oporogüɨroviambae vae reta, pe reta pejäa ko pe ndive ñogüɨnoi vae oporogüɨrovia vae reta.

2 Corintios 6:3

Jekuaeño roiko kavi, agüɨye vaerä kia romboavai. Agüɨye vaerä oreparavɨkɨ kotɨ kia jei mbae ikavimbae.

2 Corintios 8:21

orekɨ̈reɨ royapo jupi rupi yandeYa jóvai, mbaetɨ ïru vae reta jovaiño.

Colosenses 4:5

Peiko pearakuaa katu reve oporogüɨroviambae vae reta ndive. Peiporu kavi ara reta.

1 Tesalonicenses 4:12

Jökorai yave, peyemboeteukata ko oporogüɨroviambae vae reta pe, jare ngaraa mbae oata peve.

1 Tesalonicenses 5:22

Peyembosɨrɨ opaete mbae ikavimbae vae güi.

1 Timoteo 3:6

Jare agüɨye toyeparavo oporogüɨrovia ramo vae, echa güɨramoi oyembotuichata, jare oa aña guasu oa vae pe.

1 Timoteo 5:14

Jáeramo, aipota imemano vae taɨrusu vae reta omenda ye, timembɨ reta, togüɨroata kavi jo pegua reta, agüɨye vaerä oñemoëgua oyeangaouka vaerä tovaicho pe.

1 Timoteo 6:9

Ërei oipota oikokatu vae reta mbaetɨ ipɨaguasu, oa mbaeyoa pe, jare jeta mbaepotarai ikavimbae vae pe. Jare oñeäka pɨpɨ mbaesusere jare kañɨtei pe.

2 Timoteo 2:26

jare ojoyepe vaerä aña guasu iñuai güi. Echa pɨpe ñogüɨnoi oyapo reta vaerä aña guasu jemimbota.

Tito 2:5

oyeandu vaerä, jare tikɨambae Tumpa jóvai, oyangareko kavi vaerä jo re, ipɨakavi vaerä, oiko vaerä ime jeia re, agüɨye vaerä jeiuka ikavimbae vae Tumpa iñee kotɨ.

Tito 2:8

eiporu ñee reta ikavi vae, agüɨye vaerä kia ndemboeko rere vae re, oyovaicho ndekotɨ vae imara vaerä, agüɨye vaerä jei mbae ikavimbae vae ndekotɨ.

3 Juan 1:12

Opaete vae imiari kavi Demetrio re. Echa jae oiko añete vae rupi. Ore vi romombeu peve jae jekuaeño oyapo ikavi vae. Jare peikuaa ore romombeu peve vae añete ko.

1 SAMUEL 2:24

Agüɨye, cheraɨ reta, echa che aendu mbaetɨ perërakua ikavigüe pe, echa jökorai peyapouka mbaeyoa yandeYa imbae vae reta pe.