1 Timoteo 3:3 - Biblia Guarani Tumpa Iñee

³ agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.

Nuevo Testamento Guaraní Pe

³ Agüɨye ticause. Agüɨye tiporonupase. Tipɨaguasu. Agüɨye tijovaichopota. Agüɨye toipota iru vae reta imbaembae.

1 Timoteo 3:3 ပူးပေါင်းရင်းမြစ်များ

PROVERBIOS 1:19

Jökorai ko iyapɨ imbaepotarai vae reta: Imbaepotarai jeko pegua omano.

PROVERBIOS 15:27

Imbaepotarai vae, güɨrokomegua jo aeño; ërei mbaemboepɨ vɨari güɨröɨro vae, oiko kavita.

ECLESIASTÉS 7:8

Mbae yayapo vae yamboapɨ ma vae ikavi yae ko, yamboɨpɨ ramo etei vae güi. Yandepɨa guasu vae ko ikavi yae, yandepɨarai vae güi.

ISAÍAS 28:1

¡Paravete Samaria, Efraín pegua savaɨpo regua reta oyemboete jese vae; oñemopöra mbaepotɨ ipiru katu pe vae rami vae, iɨvɨpe kavi jembeɨ ɨvatea re oï vae, vino iua reta jëta!

ISAÍAS 28:7

Ërei kuae reta oyavɨ vi vino jeko pegua, mbae oporombosavaɨpo vae omombia iyemongeta kavi güi: Sacerdote jare ñeemombeúa reta oyembosavaɨpo, vino omombia reta iyemongeta kavi güi, oyemboesagüɨrɨuka reta mbae oporombosavaɨpo vae pe, osavaɨpo reve imiari mbae oasata vae re, osavaɨpo reve oporojäa reta.

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

JEREMÍAS 8:10

Jáeramo, jae reta jembireko ameeta ïru kuimbae reta pe, jare iko reta ameeta imoamɨría reta ipo pe. Echa michia güive okuakuaa vae pe, iyeupeguaräño imbaepotarai yae reta; ñeemombeúa reta jare sacerdote reta ave, opaete oporombotavɨ vae reta ko.

EZEQUIEL 44:21

Agüɨye metei ave sacerdote reta tou vino oike yave tupao joka michi vae pe.

LEVÍTICO 10:9

“Peike tupao guakapi pegua pe nde jare nderaɨ reta ndive yave, agüɨye peu vino ani mbae oporombosavaɨpo vae, agüɨye vaerä pemano; mborookuai jekuae avei pegua toiko peñemuña reta pe,

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

MIQUEAS 3:5

Körai jei yandeYa, ñeemombeúa reta regua: “Chembae vae reta pe oyavɨuka vae reta jei: ‘Toime mbɨakatu’ jei reta osapúkai omongaru vae reta pe, ërei mbaetɨ omongaru vae reta pe oeka reta ñeraro.”

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

San Mateo 21:13

Jare jei chupe reta: —Tumpa Iñee pe oyekuatía oï körai: “Chero oyembojeeta o yerure pegua pe.” Ërei pe reta peyapo ma imonda vae reta iñemía rami.

Hechos 20:33

Mbaetɨ aipota amae ïru vae ikorepoti, ioro ani jemimonde re.

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

Efesios 5:18

Agüɨye peyembosavaɨpo, echa jókuae reta oyapo jeta mbae ikavimbae vae. Ërei pemaeño Espíritu Santo re omotɨnɨe vaerä pepɨa.

1 Tesalonicenses 5:14

Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.

1 Timoteo 3:8

Jaeramiño vi oporogüɨrovia vae reta imborɨa reta toiko reta jupi rupi kavi, agüɨye toipoepɨ katu iyemongeta, agüɨye tikause, agüɨye tomonganaiño jupimbae reve;

2 Timoteo 3:2

Echa oimeta jaeiño oyeaɨu vae reta, ikorepoti potarai vae reta, oyembotuicha vae reta, ipɨarai vae reta, jei ikavimbae Tumpa kotɨ vae reta, iñeereendúä tu reta kotɨ vae, omeembae yasoropai vae reta, jupimbae vae reta,

Tito 1:11

Ikavi ko jókuae reta ñamokïrii vaerä. Echa jae reta oporomboe omonganaiño jupimbae reve jese vae re; jókuae iporomboe rupi ombojopa opaetei o pegua reta.

Tito 1:7

Oporogüɨrovia vae reta itenondegua ikavi ko mbaetɨ oñeväe teko jese, Tumpa iparavɨkɨ oyapo vae; agüɨye tipɨapochɨ, agüɨye tiyarasɨ katu, agüɨye tikause, agüɨye tiñerarose, agüɨye tomonganaiño jupimbae reve,

Tito 2:3

Jaeramiño vi kuña okuakuaa vae reta tijeko kavi, agüɨye tiporoangaose, agüɨye tikause, toporomboe ikavi vae re;

Tito 3:2

Agüɨye tei ikavimbae vae oipotagüe vae kotɨ, agüɨye tijovaicho pota, ërei toporoaɨu, toñemomichi opaete vae ndive.

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”

Santiago 4:1

¿Ketɨ güi pa oë peñoraro vaerä oyoupii? Oë ko peremimbota ikavimbae vae pemoambeko yae peɨvɨte pe penoi vae güi.

1 Pedro 5:2

Peyangareko Tumpa imbae reta pepɨte pe ñogüɨnoi vae reta re kia peokuaimbae reve jare pekɨ̈reɨ ngatu reve; agüɨye pemongana jupimbae vaeräño, jaeño pekɨ̈reɨ ngatu reve,

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.

Judas 1:11

¡Paravete jae reta! Echa omomoe reta Caín jeko. Jaeramiño vi ikorepoti pota güi opa opia reta Balaam rami; jaeramiño vi opa omano reta ipɨa pochɨ jeko pegua Coré rami.

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

1 SAMUEL 8:3

Ërei mbaetɨ omomoe reta tu jeko, imbae potarai yae reta, korepoti oipɨɨ vɨari reta, güɨrokomegua reta teko jupi vae.