1 Timoteo 3:16 - Biblia Guarani Tumpa Iñee

¹⁶ Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Nuevo Testamento Guaraní Pe

¹⁶ Añete co, ñanemopɨacañɨ yae cuae ñandeveño oyecuaa vae. Echa ñande yayeócuai Tumpa pe. Tumpa oyeapo cuimbaera. Espíritu Santo oicuauca jae co jupi vae. Araɨgua reta oecha. Jeracua opaete tenta pegua reta pe. Ɨvɨ pegua reta güɨrovia jese. Jae oñemboeteuca ara pe.

1 Timoteo 3:16 ပူးပေါင်းရင်းမြစ်များ

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Mateo 13:11

Jesús jei chupe reta: “Tumpa oikuaauka peve araɨgua mborookuaía peikuaambae vae. Ërei chupe reta mbaetɨ.

San Mateo 28:2

Jare ɨvɨ täta okana, echa metei yandeYa iaraɨgua ogüeyɨ ara güi jare ombosɨrɨ ita tuicha vae tɨvɨa jöke güi, jare oguapɨ oï jese.

San Mateo 3:16

Jare Juan ombobautisa ma yave, Jesús oë ɨ güi. Jare jupivei oecha ara oyepea, jare oecha vi Tumpa iEspíritu ogüeyɨ jese pɨkasu rami.

San Mateo 4:11

Jayave aña guasu osɨrɨ Jesús güi, jare jupivei araɨgua reta yogüeru oyeokuai chupe.

San Marcos 1:13

Jare opɨta joko pe cuarenta ara, jare añaguasu omomiari omokɨ̈reɨ vaerä tëi iyoa. Jare oiko Jesús mɨmba pochɨ vae reta oimea pe. Jare yogüeru araɨgua reta omborɨ vaerä.

San Marcos 16:19

Jayave yandeYa opa imiari yave jae reta ndive, ojo ara pe, jare oguapɨ Tumpa iyakatu kotɨ.

San Marcos 16:5

Jare oike reta yave tɨvɨa pe, oecha metei kunumi oguapɨ oï jae reta iyakatu kotɨ. Jemimonde puku jare tïi; jare okɨɨye reta.

San Lucas 2:32

Jae ko tembipe ramita judiombae vae reta pe. Jare ndembae vae Israel pegua reta iyemboetearä.”

San Lucas 20:44

David etei jei yave chupe “cheYa”, ¿kërai pa ipuere oiko David iñemuñarä?

San Lucas 22:43

Jayave oyekuaa Jesús pe metei araɨgua omomɨ̈rata vaerä.

San Lucas 24:4

Ipɨakañɨ yae reta kuae re ramboeve, ko oyemboɨ jae reta iyɨpɨ pe mókoi kuimbae jemimonde jembipeasɨ vae.

San Lucas 24:51

Jare jei ñee kavi ikotɨ reta ramboeve, oeya jare oyereraja chugüi reta ara kotɨ.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 15:26

Ërei ambou ma peve cheRu güi Oporombopɨakatuta vae jae ko Espíritu añete pegua, cheRu güi ou vae yave, jae imiarita peve cheregua.

San Juan 16:28

Ayu ko cheRu güi kuae ɨvɨ pe. Aja yeta ko kuae ɨvɨ güi cheRu oïa pe.

San Juan 17:5

Ndei ɨvɨ oyeapo mbove aiko nde ndive yave ayemboeteuka ko. Jökorai añave chemboeteuka ye ndeɨpɨ pe.

San Juan 20:12

oecha mókoi araɨgua reta jemimonde tïiasɨ vae oguapɨ ñogüɨnoi Jesús jetegüe oñeñonoa pe. Metei oguapɨ oï Jesús iñäka jendagüe kotɨ jare ïru oï Jesús ipɨ jendagüe kotɨ.

San Juan 6:62

¿Mbae pa peyapota che Kuimbaerä ayeapo vae chereecha yave ayeupi tenonde aikoa pe?

Hechos 1:19

Kuae jërakua opaete Jerusalén pegua reta pe. Jáeramo jókuae ɨvɨ jee Acéldama jae reta iñee pe (Acéldama oipota jei: ‘Ɨvɨ tugüɨ jepɨgüe’).

Hechos 10:34

Jayave Pedro jei chupe reta: —Añetete aikuaa ma kërai Tumpa mbaetɨ oporomboyoavɨ.

Hechos 14:27

Jare yogüeru oväe yave, Pablo jare Bernabé omboatɨ oporogüɨrovia vae reta, jare imiari chupe reta opaete Tumpa oyapo mbae tuichagüe jae reta ndive vae, jare kërai Tumpa omee judiombae vae reta pe oporogüɨrovia vaerä.

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

Romanos 10:12

Echa judío jare judiombae vae ndive Tumpa mbaetɨ ko omboyoavɨ. Echa yandeYa ko jae opaete vae iYa, jare jae omee jeta, oyerure chupe vae reta pe.

Romanos 10:18

Ërei taparandu: ¿Oenduä etei ra? ¡Oendu reta tëi ko! Echa Tumpa Iñee pe oyekuatía oï körai: “Opaete rupi ojo iñee reta, opaete ɨvɨ iyapɨ rupi ojo oväe iñee reta.”

Romanos 16:25

Yamboete Tumpa, jae ipuere pemomɨ̈rata ñee ikavi vae Jesucristo regua amoërakua vae rupi. Kuae ñee ikavi vae yaikuaambae oñeomi oiko ndei ɨvɨ oyeapo mbove vae.

Romanos 16:26

Ërei añave oyekuaa, ñeemombeúa reta oikuatía Tumpa Iñee vae rupi, Tumpa oiko ñomai vae iporookuai rupi, oikuaauka opaete tëtaguasu reta pe, oporogüɨrovia reta vaerä;

Romanos 3:4

¡Mbaetɨ ko! Echa Tumpa oyapo opaete añete vae rupi, yepe tëi opaete ɨvɨ pegua reta iyapu vae ko. Oyekuatía oï körai: “Neñee rupi, reyembojupiukata, jare reñejäauka yave, ngaraa ndereko.”

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

Romanos 9:5

Jae reta vi ko ñaneñemuñagüe reta iñemuña, jare jupi reta Cristo ou oyeapo kuimbaerä. Tumpa etei ko. Jae ko opaete mbaembae iYa. Toyemboeteuka jekuae avei pegua. Amén.

1 Corintios 15:47

Kuimbae tenondegua vae ɨvɨ pegua ko. Echa Tumpa oyapo ɨvɨ güi. Ërei kuimbae taɨkuegua vae ko jae yandeYa ara güi ou vae.

1 Corintios 2:7

Ërei oremiari ko Tumpa iyarakuaa yaikuaa rapembae vae, arakuaa oñemi vae; kuae ko Tumpa ombosɨrɨ ndei ɨvɨ oyeapo mbove, yayemboeteuka vaerä.

2 Corintios 1:19

Echa Tumpa Taɨ Jesucristo che jare Silvano jare Timoteo romoërakua peve vae, oipoepɨ katu iyemongeta vaeä ko.

Gálatas 2:8

Echa Tumpa oñono Pedro oiko vaerä jemimondorä judío reta peguarä. Jae vi cheñono aiko vaerä jemimondorä judiombae vae reta peguarä.

Gálatas 4:4

Ërei ara oväe ma oyembopo vaerä yave, Tumpa ombou Taɨ. Jae oa kuña güi, mborookuai iara pe,

Efesios 1:9

jare oikuaauka yandeve jemimbota yaikuaa rapembae vae, jae ipɨakavi rupi. Jae etei oyemongeta oyapo vaerä vae.

Efesios 6:19

jare cheré vi, Tumpa omee vaerä cheve ñee, akɨɨyembae reve aikuaauka vaerä yaikuaa rapembae vae ñee ikavi regua.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

Colosenses 1:6

Kuae ñee jërakua peve vae jërakua vi opaete ɨvɨ rupi. Jare opaete kerupi oporogüɨrovia vae reta, jare oyeokuai pe reta rami Tumpa pe. Jókuae ara Tumpa ipɨakavi añete vae peendu jare peikuaa güive.

Colosenses 2:2

pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

2 Tesalonicenses 1:10

yandeYa ou ye yave oyemboeteuka vaerä jare omopɨakañɨ opaete jese güɨrovia reta; echa perovia romombeu peve vae.

2 Tesalonicenses 2:7

Ërei oime ma oparavɨkɨ oï jókuae ikavimbae yaikuaambae vae, ërei añave oime ko kia mbaetɨ omaeño jese vae; jae oyereraja regua yandepɨte güi.

1 Timoteo 3:9

toñovatu jókuae añete vae yaikuaa yarovia vae re, jare toiko oyemongeta kavi reve.

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 7:7

Jare ngaraa kia ipuere mbae jei, tenondegua ko jei ñee kavi taɨkuegua pe yave.

Hebreos 8:1

Jáeramo, che jae ma peve vae, jae ko oime ñanoi sacerdote tenondegua ete oguapɨ ma oï Tumpa iyakatu kotɨ ara pe vae,

1 Pedro 1:12

Tumpa oechauka jókuae reta pe vae chupegua retaä ko, yandeveguarä ko, jae reta omombeu añave oñemoërakua oï peve ñee ikavi vae Espíritu Santo rupi ara güi ombou vae, jare araɨgua reta oipota yae tëi omae kuae mbaembae re.

1 Pedro 1:20

Tumpa ombojee ñomai ndei ɨvɨ oyeapo mbove Cristo kuae ra, ërei kuae ara taɨkuegua reta pe ramo oyekuaa peraɨu jeko pegua.

1 Pedro 1:21

Jare Cristo rupi perovia Tumpa re, echa Tumpa omoingove ye Cristo omanogüe reta ipɨte güi jare omboeteuka, perovia vaerä jare peäro vaerä Tumpa re.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.

1 Juan 1:2

Jókuae Ñee tekove opambae vae etei ko, ore etei roecha. Romoërakua peve jae ko tekove opambae vae. Jae oimeño mai oiko yandeRu Tumpa ndive, ërei oyekuaa oreve.

1 Juan 3:5

Jare peikuaa kërai Jesucristo oyeapo kuimbaerä omboai vaerä yandeyoa reta. Jare jae mbaetɨ etei iyoa.

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.

Apocalipsis 17:5

jare jesɨva re oyekuatía metei tee yaikuaambae, jei körai: “BABILONIA GUASU. JAE KO IYAGUASA POTA VAE RETA ICHƗ JARE MBAE PƗ̈CHƗI ƗVƗ PEGUA.”

Apocalipsis 17:7

Jayave araɨgua jei cheve: “¿Maera pa nepɨakañɨ? Tamombeu ndeve yaikuaambae vae kuña regua, mbaemɨmba guasu kuña ou jese vae regua, jókuae chiu iñäka jare payandepo jäti.

Apocalipsis 7:9

Kuae jaɨkue rupi amae jare aecha jeta yeyé vae opaete tëtaguasu reta güi, ñemuña reta, ñee ambuae mbuae, tëta reta yaipapa rapeä vae oyemboɨ ñogüɨnoi jókuae mburuvicha iguapɨa jare Vecha kuimbae taɨrusu vae jóvai. Jae reta jemimonde tïi jare ipo pe güɨnoi karandaɨ jogüe.