1 Timoteo 3:1 - Biblia Guarani Tumpa Iñee

¹ Kuae ñee añete ko: Oime yave kia oipota oiko oporogüɨrovia vae reta itenondeguarä vae, mbaravɨkɨ ikavi vae ko oipota.

Nuevo Testamento Guaraní Pe

¹ Añete co cuae yae vae: Oime yave quia oipota oyeapo oporogüɨrovia vae reta itenondeguara vae, oipota oyapo mbaravɨquɨ icavi vae.

1 Timoteo 3:1 ပူးပေါင်းရင်းမြစ်များ

PROVERBIOS 11:30

Jupi vae jembiapo, tekove peguarä ko, tekove oaɨu vae, yarakuaa katu ko.

San Lucas 15:10

Che jae peve, jökoraiño vi ara pe oimeta yerovia tuichagüe Tumpa iaraɨgua reta pe metei iyoa vae oeya yave iyemongeta ikavimbae vae ipɨa pe oï vae.”

Hechos 1:20

Echa oyekuatía oï Tumpa iñee pe Salmo reta pe körai: ‘Jo topɨta ipombae oiko vaerä, jare agüɨye kia toiko pɨpe.’ Jare jei vi: ‘Ambuae vae topɨta jekovia pe.’

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

Romanos 11:13

Pe judiombae vae reta pe ko chemiari aï. Echa che ko jae Temimondo judiombae vae reta pe. Amboete yae ko kuae cheparavɨkɨ Cristo omee cheve vae;

Efesios 4:12

Jökorai oyapo, oñeñono tee vae reta ipɨ̈rata vaerä, jae reta ipuere vaerä oparavɨkɨ Tumpa pe, okuakuaa vaerä Cristo jete,

Filipenses 1:1

Che Pablo jare Timoteo Jesucristo jembiokuai reta, roikuatía opaete peporogüɨrovia vae Cristo Jesús re jare petenondegua reta jare oporomborɨ vae reta Filipo pe peiko vae pe.

1 Tesalonicenses 5:14

Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.

1 Timoteo 1:15

Kuae ko jae ñee añete vae jare jupi ko opaete vae güɨrovia vaerä: Kërai Cristo Jesús ou kuae ɨvɨ pe omboasa vaerä iyoa vae reta, jare che ko jae iyoa vae reta güi iyoa yae ye vae.

1 Timoteo 4:9

Kuae ko jae ñee añete vae jare jupi ko opaete vae güɨrovia vaerä.

2 Timoteo 2:11

Kuae ko jae ñee añete vae: “Jae ndive ñamano yave, jae ndive yaikove yeta vi.

Tito 1:7

Oporogüɨrovia vae reta itenondegua ikavi ko mbaetɨ oñeväe teko jese, Tumpa iparavɨkɨ oyapo vae; agüɨye tipɨapochɨ, agüɨye tiyarasɨ katu, agüɨye tikause, agüɨye tiñerarose, agüɨye tomonganaiño jupimbae reve,

Tito 3:8

Kuae ko jae ñee añete vae, jare aipota jekuaeño täta reporookuai vaerä kuae mbaembae re, Tumpa re güɨrovia vae reta oyapo vaerä ikavi vae, kuae mbaembae ikavi ko opaete vae pe.

Hebreos 12:15

Jare pemae kavi agüɨye vaerä kia pe ave oata Tumpa ipɨakavi; agüɨye pemboɨpɨ peñomotareɨ peyomboavai vaerä, jare jeta vae re ova jókuae;

1 Pedro 2:25

Echa opaete pe reta peropa yepi vecha reta jopa rami, ërei añave peyerova ye ma Oyangareko vae jare Omae peré vecha re rami vae kotɨ.

1 Pedro 4:15

Ërei agüɨye metei ave pegüi reta toiporara oporoyuka ramo, ani imonda ramo, ani ikavimbae vae oyapo rami, ani oyemoingeiño teko ambuae pe ramo.

1 Pedro 5:2

Peyangareko Tumpa imbae reta pepɨte pe ñogüɨnoi vae reta re kia peokuaimbae reve jare pekɨ̈reɨ ngatu reve; agüɨye pemongana jupimbae vaeräño, jaeño pekɨ̈reɨ ngatu reve,