1 Timoteo 2:9 - Biblia Guarani Tumpa Iñee

⁹ Jaeramiño vi kuña reta toyemonde temimonde ikavi vae pe, ërei agüɨye ïru vae reta oecha vaeräño. Agüɨye oasa ete toyemoambeko ia re, mbaembae oro pegua re, ita ipöra yae vae re ani temimonde jepɨ yae vae re.

Nuevo Testamento Guaraní Pe

⁹ Jae ramiño vi cuña reta agüɨye tomonde temimonde ipora yae vae iru vae reta pe oechauca vaeraño. Agüɨye toñemonde oñemboeteuca vaera iru vae reta pe. Agüɨye vi toñono iñañopea re mbaembae oro pegua jare ita ipora yae vae, jare agüɨye tomonde temimonde jepɨ yae vae.

1 Timoteo 2:9 ပူးပေါင်းရင်းမြစ်များ

GÉNESIS 24:53

Jayave tembiokuai güɨnoe mbaembae ikavi vae korepoti pegua jare oro pegua, jare temimonde reta, omee Rebeca pe. Jaeramiño vi omee mbae jepɨ vae ikɨvɨ pe jare ichɨ pe.

2 REYES 9:30

Jayave Jehú ojo Jezreel pe. Jezabel oikuaa yave, ombojovɨ jesakua, jare ia omopöra; javoi oñeñono metei ventana pe.

ESTER 5:1

Jare mboapɨa ara pe Ester oyemonde kavi, jare oike mburuvicha guasu jo joka japɨpe pe, oyemboɨ mburuvicha guasu öke re katu oguapɨ oïa jóvai.

SALMOS 149:4

Echa yandeYa oyerovia imbae vae reta re; jare omee ipɨa omomichi vae reta pe yereroasayepe.

PROVERBIOS 31:22

Jae etei oyapo iyeupe asoya, oyemonde temimonde pɨ̈taü vae pe jare lino oyeambae pegua katuai pe.

PROVERBIOS 31:25

Oyemonde temimonde tätagüe pe jare ipöra yae vae pe, mbaetɨ etei oyemoambeko pɨareve peguarä vae re.

PROVERBIOS 7:10

Güɨramoiño metei kuña oë oövaiti, kuña iyaguasa pota rami oyemonde vae, ipoki yae oporombotavɨ vae,

ISAÍAS 3:16

YandeYa jei ye: “Kuña reta Sión pegua, iyemboete iyé vae reta, iñäka oupi avei oguata vae reta, jesäɨ mbokere reve, opɨ̈ro pɨi pɨi oguata vae reta, jare omochinini ipɨ imopöraka oguata reta yave;

ISAÍAS 61:4

Oñemopüa pɨau yeta arakae ma oyemboaigüe reta, ɨma yae ma o reta opa oyemboai vae oñemopüata, tëta guasu oyemboai vae oyeapo kavita.

JEREMÍAS 2:32

¿Ipuere pa metei kuñatai iñakañɨ oñemopöra pɨpe vae güi, ani jemimonde imenda pegua güi? Ërei tëta chembae vae ɨma yae ma iñakañɨ chegüi.

JEREMÍAS 4:30

Nde, tëta reyemboai reï vae ¿mbae pa reyapota? Yepe tëi reyemonde temimonde pɨ̈ta vae pe, yepe tëi reñemopöra kavi oro pe, yepe tëi rembojovɨ nderesakua. Ërei mbaetɨ eteita osirive ndeve jókuae reñemopöra kavi vae, nderaɨuse vae reta nereröɨro ma, ndeyuka vaeräño ma ndereeka reta.

San Mateo 11:8

¿Kia re pa ko peo pemae? ¿Kuimbae oyemonde kavi vae re pa? Mase, temimonde ipöra vae omonde vae reta, yogüɨreko mburuvicha guasu reta jo pe.

1 Timoteo 2:10

Ërei toyapo mbaembae ikavi vae. Kuña reta oñemee Tumpa pe vae oyapo rami.