1 Timoteo 2:1 - Biblia Guarani Tumpa Iñee

¹ Tenonde ete poyókuai peyerure vaerä pemoñera reve, peiporu jare pemee reve yasoropai Tumpa pe opaete vae reta re;

Nuevo Testamento Guaraní Pe

¹ Cuae rani jae peve: Oporogüɨrovia vae reta toyerure Tumpa pe opaete vae re, jare tomee yasoropai Tumpa pe jese reta.

1 Timoteo 2:1 ပူးပေါင်းရင်းမြစ်များ

ESDRAS 6:10

omee reta vaerä mɨmba oyeyukagüe, Tumpa ara pe oï omboyerovia vaerä, jare oyerure reta vaerä mburuvicha guasu re jare taɨ reta re.

SALMOS 72:19

Toyemboete jekuae avei pegua jee imboetea yae vae. ¡Opaete ɨvɨ titɨnɨe iyemboetea! ¡Amén! ¡Amén!

JEREMÍAS 29:7

Peiko kavi jókuae tëta guasu pogüɨrajauka pɨpea pe, jare peyerure cheve jese, echa ikavi oiko yave, pe reta peiko kavita vi.

Hechos 17:30

Ërei Tumpa ɨma rupi mbaetɨ oiporarauka oikuaambae vae reta pe. Ërei añave jae oyókuai opaete ɨvɨ pegua reta oeya vaerä iyemongeta ikavimbae vae ipɨa pe güɨnoi vae.

Romanos 1:8

Tenonde ete amee yasoropai Tumpa pe Jesucristo rupi peré, echa jërakua peporogüɨrovia opaete ɨvɨ rupi.

Romanos 6:17

Ërei yasoropai Tumpa pe, echa yepe tëi peikose mbaeyoa jei vae rupi, ërei peyapo ma Tumpa jei vae, jókuae yemboe pemboresive vae rupi;

1 Corintios 15:3

Echa tenonde ete pomboe, che amboresivegüe, jae ko: Cristo omano yandeyoa reta re Tumpa Iñee pe jei rami;

2 Corintios 8:6

Jáeramo romoñera Tito opa vaerä omboatɨ pepɨte güi jókuae mbɨakavi reve oñemee vae. Echa jae etei omboɨpɨ omboatɨ.

Efesios 3:13

Jáeramo agüɨye peyembopɨtu, aiporara peré vae re. Jaeño pemboete Tumpa kuae re.

Efesios 5:20

Pemee avei yasoropai opaete mbae re yandeRu Tumpa pe, yandeYa Jesucristo jee re.

Efesios 6:18

Peyerure avei, pemoñera Tumpa Espíritu rupi. Peyerure avei agüɨye vaerä pekuérai. Jekuaeño peyerure Tumpa pe opaete oporogüɨrovia vae reta re;

Filipenses 1:3

Amee avei yasoropai Tumpa pe chemaendúa peré ñavo;

Filipenses 4:6

Agüɨye etei peyemoambaeko mbae re, jaeño peyerure Tumpa pe opaete mbaembae re, pemee reve yasoropai chupe.

1 Tesalonicenses 3:12

Jare yandeYa tapembokuakuaa jare tomee mboroaɨu peve, peyoaɨu päve vaerä jare vi opaete vae, ore poaɨu rami.

2 Tesalonicenses 1:3

Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

1 Timoteo 2:4

jae oipota opaete vae oyemboasauka jare oikuaa kavi añete vae.

1 Timoteo 5:5

Ërei añetete imemano vae, mbaetɨ etei kia chupe vae, oäro Tumpa reño, oyerure avei ara rupi jare pɨ̈tu rupi.

2 Timoteo 2:24

Echa yandeYa jembiokuai mbaetɨ ko ikavi iyoakase, ërei ikavi ko ipɨakavi opaete vae pe, toikatu toporomboe, tipɨaguasu;

Tito 2:11

Echa Tumpa ipɨakavi oyekuaa ko opaete vae oyemboasauka vaerä,

Tito 3:2

Agüɨye tei ikavimbae vae oipotagüe vae kotɨ, agüɨye tijovaicho pota, ërei toporoaɨu, toñemomichi opaete vae ndive.

Hebreos 6:11

Jare aipota metei ñavo pe reta peechauka peräta ngatu ko kuae re iyapɨ regua vae, peyerovia katu vaerä peäro peï vae re,

Santiago 5:16

Peyoa yave oyokotɨ, pemombeu oyoupe, javoi peyerure oyoe, Tumpa pembogüera vaerä. Jupi vae iyerure opaete ipɨa reve vae, güɨnoi mbaepuere.