1 Timoteo 1:9 - Biblia Guarani Tumpa Iñee

⁹ Echa yaikuaa mborookuai oyeapoä ko mbaepuere güɨnoi vaerä jupi vae reta re, jaeño oyeapo mborookuai oyavɨ vae reta re, jare iñeereendumbae reta peguarä, jupimbae reta jare iyoa vae reta peguarä, Tumpa omboetembae reta peguarä, tu oyuka jare ichɨ oyuka vae reta peguarä jare oporoyuka vae reta peguarä,

Nuevo Testamento Guaraní Pe

⁹ Echa yaicuaa mboroócuai mbaeti co oyeapo mbaepuere güɨnoi vaera jupi vae reta re. Jaeño oyeapo mbaepuere güɨnoi vaera mboroócuai jeigüe mbaeti oipota oyapo vae reta re, jare Tumpa jeigüe mbaeti oipota oyapo vae reta re, jare iyoa vae reta re, jare icavi mbae vae oyapo vae reta re, jare icavi mbae vae Tumpa cotɨ jei vae reta re, jare tu oyuca vae reta re, jare ichɨ oyuca vae reta re, jare opaete oporoyuca vae reta re,

1 Timoteo 1:9 ပူးပေါင်းရင်းမြစ်များ

2 SAMUEL 16:11

Jayave David jei Abisai jare opaete isundaro ruvicha reta pe: —Mase, cheraɨ chegüi oë vae viña pa chemomburu oiko, ¡vɨtei pa kuae Benjamín iñemuña pegua! ¡Pemaeño tei cheve ñee jasɨ katu vae, güɨramoi yandeYa ko oyókuai!

2 REYES 19:37

Metei ara jae omboete oï itumpa Nisroc itupao pe yave, taɨ Adramelec jare Sarezer oyuka kɨsepuku pe, jare otekuarai reta ɨvɨ Ararat kotɨ. Jaɨkue rupi taɨ Esar-hadón oguapɨ jekovia pe mburuvicha guasurä.

2 CRÓNICAS 32:21

Jayave yandeYa ombou metei araɨgua opa oyuka opaete sundaro jëia vae reta, sundaro ruvicha reta, jare metei äpɨta vae juvicha reta, mburuvicha guasu Asiria pegua jeyupa pe. Jare jae imara yae reve oyerova ye ojo iɨvɨ kotɨ. Jare oike yave itumpa itupao pe, joko pe jae taɨ reta aeño oyuka kɨsepuku pe.

ÉXODO 20:13

Agüɨye peporoyuka.

ÉXODO 21:14

Ërei kia nunga vae iyarasɨ japicha kotɨ jare oyuka yave jekombae reve, mɨmba oyeyuka oyeapɨ jese vae chembae re oñepɨ̈ro tëi reve penoe joko güi, omano vaerä.

PROVERBIOS 20:20

Tu kotɨ ani ichɨ kotɨ oyepopeyu vae, omanoasɨ katuta.

PROVERBIOS 28:17

Kuimbae oyuka japicha vae, omanota ko, ¡ngaraa kia oepɨ!

PROVERBIOS 28:24

Tu güi ani ichɨ güi omaeñomi vae jei yave: “Mbaeyoaä ko kuae”, jókuae nunga, oporoyuka vae iñeïru ko.

PROVERBIOS 30:11

Oime amogüe oyepopeyu tu re vae, jare mbaetɨ iñee kavi ichɨ pe vae.

PROVERBIOS 30:17

Tu güɨnoti vae ichɨ iporomboe güɨröɨro vae, jupi ko omanoasɨ katu vaerä, jare chucha reta opa vaerä jou.

JEREMÍAS 23:11

YandeYa jei: “Ñeemombeúa reta jare sacerdote reta ave iyoa; chetupao pe ave aväe ikavimbae oyapo reta vae.

EZEQUIEL 21:25

Jare nde mburuvicha guasu Israel pegua jeko kavimbae yae vae, oporoyuka vae, ou oväe ndeve ara, iyapɨ vaerä opaete ikavimbae reyapo vae.

LEVÍTICO 20:9

Kia nunga vae oyepopeyu yave tu re ani ichɨ re, tomano. Echa tu ani ichɨ re oyepopeyu vae iyé aeño ko oyepopeyu; jae aeño ko jeko iyeupe imano re.

San Mateo 10:21

Jare metei kuimbae omeeta tɨvɨ oyeyukauka vaerä. Jaeramiño vi metei kuimbae omeeta taɨ oyeyukauka vaerä. Jare taɨ reta oyovaichota tu jare ichɨ ndive, jare oyukaukata.

Romanos 1:30

mboroangao pe, yepopeyuse pe, omotareɨ reta Tumpa, mboroyóyai yóyai pe, pɨapochɨ pe, pɨayemboete pe, ipoki yae oyapo reta vaerä ikavimbae vae pe, tu jare ichɨ jeigüe oyapombae vae pe.

Romanos 4:13

Echa Tumpa güɨrökuavee Abraham jare iñemuña reta pe omee vaerä imbaerä ɨvɨ. Ërei mbaetɨ güɨrökuavee chupe reta mborookuai jei vae oyapo reta ramo, omee ko chupe reta iporogüɨrovia rupi omae jese jupi ramo.

Romanos 5:20

Echa mborookuai oyeapo, mbaeyoa omboyekuaa kavi yae vaerä. Ërei mbaeyoa reta jeta yae oyekuaa yave, oasa ete ye Tumpa ipɨakavi.

Romanos 6:14

Jökorai mbaeyoa ngaraa ma güɨnoi mbaepuere peré. Echa mbaetɨ peï mborookuai igüɨ pe, peï ma ko Tumpa ipɨakavi igüɨ pe.

Gálatas 3:19

Jayave ¿mbaerä pa ikavi mborookuai? Omoïru vi ko mbaeyoa reta jeko pegua, ou regua jókuae Abraham iñemuña Tumpa güɨrökuavee vae. Jókuae mborookuai oñemee ñee imboasaa Moisés pe araɨgua reta rupi.

Gálatas 5:18

Ërei peiko yave Espíritu Santo jeia re, mbaetɨ ma peiko mborookuai imbaepuere igüɨ pe.

Gálatas 5:21

yeakatúä reta, yoyuka reta, savaɨpo reta, oasa ete okaru osavaɨpo reve vae, jare jeta ïru ikavimbae. Kuae reta re amombeu ma peve, kërai kuae nunga ikavimbae vae iyapoa reta ngaraa oike Tumpa iporookuaía pe.

Gálatas 5:23

ñemomichi, yeandu mbaembae güi vae. Kuae reta re mbaetɨ mborookuai mbae jei.

DEUTERONOMIO 27:16

‘Tijeko mbaetɨ omboete tu ani ichɨ vae.’ Jare opaete vae tei: ‘Amén.’

2 Tesalonicenses 2:8

Jayave oyekuaata jókuae ikavimbae vae iyapoa. Jókuae yandeYa oyukata ipɨ̈túe pe vae, jare omboaita ko, ou yave jembipeasɨ reve.

1 Timoteo 4:7

Agüɨye erovia arakae ndaye reta. Ërei eñemoäta ngatu reyapo vaerä Tumpa oipota vae;

1 Timoteo 6:20

Timoteo, eyangareko kavi jókuae oñemee ndeve reyangareko vaerä jese vae re. Agüɨye eyeapɨsaka ndaye reta re, echa mbaeä ko, jare arakuaa katu raanga re.

2 Timoteo 2:16

Ërei agüɨye eyeapɨsaka ikavimbae ñee osirivembae reta re, echa jókuae ñee reta jeiete oporogüɨrajata ikavimbae kotɨ.

2 Timoteo 3:2

Echa oimeta jaeiño oyeaɨu vae reta, ikorepoti potarai vae reta, oyembotuicha vae reta, ipɨarai vae reta, jei ikavimbae Tumpa kotɨ vae reta, iñeereendúä tu reta kotɨ vae, omeembae yasoropai vae reta, jupimbae vae reta,

Tito 1:10

Echa oimeño jeta iñeereendumbae reta, osirivembae re imiari jare oporombotavɨ vae reta; kuae ko jae judío reta.

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

Tito 1:6

Oporogüɨrovia vae reta itenondegua toiko kavi, agüɨye vaerä kia teko oväe jese, meteiño tijembireko, imichia reta toporogüɨrovia, jare agüɨye toyapo ikavimbae vae, ani tipɨapochɨ tu reta kotɨ.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

Hebreos 11:31

Iporogüɨrovia rupi kuña iyaguasa pota vae Rahab mbaetɨ okañɨtei oporogüɨroviambae reta ndive, Echa jae omboresive kavi Israel pegua temimondo oporopïaro vae reta.

Hebreos 12:16

jare peyeandu agüɨye vaerä oï pepɨte pe aguasa oyapo vae, jare agüɨye vaerä oï pepɨte pe omboeteä oñeñono tee Tumpa peguarä vae, Esaú rami. Echa Esaú omee tembíu re membɨrɨpɨ yekou.

1 Pedro 2:7

Pe perovia jese vae reta peguarä ko jae ita ikavigüe; ërei mbaetɨ güɨrovia jese vae reta pe ko: “O iyapoa reta güɨröɨro ita vae, ou opɨta o ekina iguapɨkarä.”

1 Pedro 3:20

Echa Noé oiko yave jae reta mbaetɨ güɨrovia Tumpa jei vae, yepe tëi Tumpa ipɨaguasu chupe reta jare oäro Noé jókuae barco guasu oyapo oiko ramboeve. Ërei juriño oasayepe ɨ güi.

1 Pedro 4:18

Echa Tumpa Iñee jei: “Jupi vae yavai yae rupi oyemboasauka yave, vɨtei pa jupimbae jare iyoa vae.”

Judas 1:15

ojäata vaerä opaete vae, oiporarauka vaerä opaete iyoa vae jupimbae oyapo vae reta pe, jare opaete ñee ikavimbae vae iyoa vae reta jei ikotɨ vae pe.”

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.