1 Timoteo 1:4 - Biblia Guarani Tumpa Iñee

⁴ jare agüɨye toyeapɨsaka reta arakae ndaye reta re, jare iñemuñagüe reta regua re omoërakua vae reta re. Echa jókuae mboromboe jaeño güeru yoaka reta, oporombokuakuaa vaerägüe mborogüɨrovia Tumpa re. Jökorai royókuai.

Nuevo Testamento Guaraní Pe

⁴ Iru vae reta omombeu aracae ndaye retaño jare jecuaeño omoeracua mbae itenondegua reta pe oyeapo vae reguaño. Che jae ndeve reyócuai vaera vi agüɨye vaera oyeapɨsaca jocuae nunga re. Echa oyeapɨsaca jese yave, omboɨpɨta oyoaca jocuae mbaembae re, jare jocorai yave, ngaraa oyeócuai cavi Tumpa pe. Echa yayeócuai Tumpa pe mborogüɨrovia re.

1 Timoteo 1:4 ပူးပေါင်းရင်းမြစ်များ

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

Efesios 3:2

peikuaa ma ko aipo kërai Tumpa ipɨakavi omee cheve aparavɨkɨ vae pe ndive.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

1 Timoteo 4:7

Agüɨye erovia arakae ndaye reta. Ërei eñemoäta ngatu reyapo vaerä Tumpa oipota vae;

1 Timoteo 6:11

Ërei nde kuimbae Tumpa jembiokuai, etekuarai kuaekuae güi jare omomoe jupi vae, Tumpa imboete, mborogüɨrovia, mboroaɨu, mbɨaguasu jare ñemomichi.

1 Timoteo 6:20

Timoteo, eyangareko kavi jókuae oñemee ndeve reyangareko vaerä jese vae re. Agüɨye eyeapɨsaka ndaye reta re, echa mbaeä ko, jare arakuaa katu raanga re.

2 Timoteo 2:14

Emomaendúa reta kuae mbaembae re, jare emboarakuaa reta yandeYa jóvai, agüɨye vaerä oyoaka reta ñee reta osirivembae re, jókuae ngaraa etei ikavi chupe reta, jaeño güɨrokomegua oyeapɨsaka jese vae reta.

2 Timoteo 2:22

Etekuarai taɨrusu reta jemimbota güi, ërei emomoe mbaejupi, mborogüɨrovia, mboroaɨu jare mbɨakatu, yandeYa omboete opaete ipɨa reve vae reta ndive.

2 Timoteo 2:23

Ërei eröɨro yoaka osirivembae, echa jókuae nunga reta güeru ñoraro.

2 Timoteo 4:4

Jare ngaraa oipota oyeapɨsaka añete vae re. Ërei oipotata oyeapɨsaka arakae ndaye reta re.

Tito 1:1

Che Pablo, Tumpa jembiokuai jare Jesucristo jemimondo. Jae chemondo Tumpa oiparavo vae reta pe güɨrovia vaerä jese, jare oikuaa vaerä añete vae, omboete vaerä Tumpa,

Tito 1:14

agüɨye toyeapɨsaka reta judío reta iarakae ndaye reta re jare oyerova ma añete vae güi vae reta iporookuai reta re.

Tito 3:9

Ërei agüɨye eyoaka osirivembae re, iñemuñagüe reta regua re omoërakua vae reta re, ñeraro reta re jare yoaka mborookuai re, echa mbaeä ko jare osiriveä ko.

Hebreos 13:9

Agüɨye peñemaeño peyererajauka oipotagüe mboromboe ambuaeyee vae pe; ikavi ko ñañemomɨ̈rata yandepɨa peTumpa ipɨakavi rupi, mbaetɨ mborookuai reta tembíu regua rupi. Echa mbaetɨi oporomomɨ̈rata jókuae mbaembae reta.

2 Pedro 1:16

Roikuaauka peve yandeYa Jesucristo imbaepuere jare kërai jae ou yeta ko vae, mbaetɨ ko roikuaauka peve arakae ndaye oyeapo katugüe. Echa roecha etei ko yandeYa imbaepuere.