1 Timoteo 1:20 - Biblia Guarani Tumpa Iñee

²⁰ körai oasa Himeneo jare Alejandro. Jáeramo amboeterenga Satanás ipo pe, oikuaa vaerä agüɨye mo jei ikavimbae vae Tumpa kotɨ.

Nuevo Testamento Guaraní Pe

²⁰ Corai oasa Himeneo jare Alejandro. Jae rambue mbaeti amaeño jese reta oñemoiru vaera iru oporogüɨrovia vae reta ndive. Cuae jeco pegua ngaraa ndipo jei reta icavi mbae vae Tumpa cotɨ.

1 Timoteo 1:20 ပူးပေါင်းရင်းမြစ်များ

San Mateo 18:17

Jare mbaetɨ oipota yave oyeapɨsaka jese reta ave, emombeu Tumpa jembiparavo reta pe. Ërei nerëtara mbaetɨ oipota oyeapɨsaka jókuae reta re ave yave, emae jese metei judiombae rami ani mburuvicha peguarä okovara vae rami.

Hechos 13:45

Ërei judío reta oecha yave jeta vae yatɨ, oñemoägüɨro, jare jei añeteä ko Pablo jei vae, jare jei ikavimbae vae Pablo kotɨ.

Hechos 19:33

Jayave judío reta omoaña omondo tenonde Alejandro jee vae yatɨ vae reta ipɨte güi, iñee omoë vaerä. Jayave Alejandro omopüa ipo omokïrii vaerä tëi. Echa oipota tëi imiari tëta guasu pegua reta pe, agüɨye vaerä jae reta omboeko judío reta.

1 Corintios 11:32

Ërei yandemboeko ramo yandeYa oiporarauka yandeve, agüɨye vaerä yayemboeko oporogüɨroviambae vae reta ndive.

2 Corintios 10:6

Jare roïndaivi roiporarauka vaerä iñeereendumbae pe, ñee oendu katu regua.

2 Corintios 13:10

Jáeramo aikuatía peve körai pépɨri aïä reve, agüɨye vaerä täta amboeta aja pépɨri yave, mbaepuere yandeYa omee cheve pombokuakuaa vaerä vae rupi, mbaetɨ ko omee cheve pomboai vaerä.

2 Tesalonicenses 3:15

Ërei agüɨye peyovaicho jese. Ërei pemboarakuaa metei perɨvɨ pemboarakuaa rami.

1 Timoteo 5:15

Echa amogüe vae oyerova ma ojo Satanás jupíe.

2 Timoteo 2:14

Emomaendúa reta kuae mbaembae re, jare emboarakuaa reta yandeYa jóvai, agüɨye vaerä oyoaka reta ñee reta osirivembae re, jókuae ngaraa etei ikavi chupe reta, jaeño güɨrokomegua oyeapɨsaka jese vae reta.

2 Timoteo 2:17

Jare jae reta iporomboe oñemoaita mbaerasɨ yanderete jou güɨraja vae rami. Jökorai ko oasa Himeneo jare Fileto;

2 Timoteo 3:2

Echa oimeta jaeiño oyeaɨu vae reta, ikorepoti potarai vae reta, oyembotuicha vae reta, ipɨarai vae reta, jei ikavimbae Tumpa kotɨ vae reta, iñeereendúä tu reta kotɨ vae, omeembae yasoropai vae reta, jupimbae vae reta,

Hebreos 12:5

Jare peakañɨ ma Tumpa pemboarakuaa taɨ rami vae güi, jei reve: “Cheraɨ, agüɨye eröɨro ndeYa oiporarauka ndeve yave, agüɨye vi ndekuérai omboeta ndeve yave.

Apocalipsis 13:1

Ayemboɨ ɨguasu jembeɨ pe ɨvɨkuitï pe, jare aecha mbaemɨmba guasu oë ɨguasu güi, güɨnoi chiu iñäka, payandepo jäti jare jókuae jäti ñavo re güɨnoi äka-regua. Jare iñäka re güɨnoi tee ikavimbae Tumpa kotɨ vae.

Apocalipsis 3:19

Che amboete jare aiporarauka aaɨu vae pe; jáeramo, eñemoäta ngatu jare eeya ndeyemongeta ikavimbae vae ndepɨa pe oï vae.