1 Timoteo 1:18 - Biblia Guarani Tumpa Iñee

¹⁸ Cheraɨ Timoteo, royókuai tenonde yave oyemombeu nderegua rami, reñoraro kavi vaerä ikavimbae vae ndive,

Nuevo Testamento Guaraní Pe

¹⁸ Cuae mbaravɨquɨ re roócuai, cheraɨ Timoteo. Echa jocorai tenonde yave nemombeu Tumpa iñee omombeu vae reta. Nemaendúa jocuae re, ndepuere vaera reñoraro cavi icavi mbae vae ndive.

1 Timoteo 1:18 ပူးပေါင်းရင်းမြစ်များ

Hechos 16:1

Javoi ojo oväe Derbe pe, jare joko güi Listra pe. Jare joko pe oiko metei oporogüɨrovia vae Timoteo jee vae. Ichɨ ko jae metei Israel-ɨgua oporogüɨrovia vae, tu ko griego.

1 Corintios 4:17

Kuae jeko pegua amondo aï pekotɨ Timoteo. Jae ko cheraɨ aaɨu vae, jare jupi yandeYa kotɨ vae. Jae pemomaenduata kërai che aiko Cristo re, jare kërai amboe opaete rupi ñogüɨnoi oporogüɨrovia vae reta vae.

1 Corintios 9:7

¿Ojo pa sundaro oñeraroa pe, oyemboepɨmbae reve chupe? ¿Oime pa kia uva oñotɨ vae mbaetɨ jou iagüe?, ani ¿oime pa kia vecha re oyangareko vae mbaetɨ jou ineche?

Filipenses 2:22

Ërei peikuaa ko kërai Timoteo jeko, kërai jae oyeokuai Tumpa pe che ndive cheraɨ ete ramiecha, ñee ikavi vae romombeu vaerä.

1 Timoteo 1:2

Aikuatía kuae tupapire ndeve Timoteo, cheraɨ añetete vae mborogüɨrovia rupi. YandeRu Tumpa jare yandeYa Jesucristo ipɨakavi jare iporoparareko jare ipɨakatu toï nde ndive.

1 Timoteo 1:5

Kuae mborookuai jae ko, mboroaɨu oime vaerä yandepɨa ikɨambae güi etei vae, jare yandeyemongeta ikavigüe, jare mborogüɨrovia añetete vae.

1 Timoteo 4:14

Agüɨye enoiiño mbaepuere Tumpa omee ndeve vae. Jókuae oñemee ndeve vae omombeu nderegua yave, oporogüɨrovia vae reta itenondegua reta oñono ipo nderé yave vae.

1 Timoteo 4:4

Echa opaete mbaembae Tumpa oyapogüe ikavi ko. Mbaetɨ ikavi ñaröɨro vaerä, ikavi ko yau ñamee reve yasoropai Tumpa pe.

1 Timoteo 6:20

Timoteo, eyangareko kavi jókuae oñemee ndeve reyangareko vaerä jese vae re. Agüɨye eyeapɨsaka ndaye reta re, echa mbaeä ko, jare arakuaa katu raanga re.

2 Timoteo 1:2

Timoteo cheraɨ aaɨu vae, aikuatía kuae tupapire ndeve, yandeRu Tumpa jare yandeYa Cristo Jesús ipɨakavi jare iporoparareko jare ipɨakatu toï nde ndive.

2 Timoteo 4:7

Opa amboapɨ ñoraro, amboapɨ ñoñókuai, mbaetɨ aeya cheporogüɨrovia.

Tito 1:4

Aikuatía kuae tupapire ndeve Tito, cheraɨ añetete vae mborogüɨrovia rupi: YandeRu Tumpa jare yandeYa Jesucristo ipɨakavi jare iporoparareko jare ipɨakatu toï nde ndive.

Filemón 1:10

romoñera cheraɨ Onésimo re. Echa jae ayapo ma cheraɨrä yandeYa re tembipɨɨrɨru pe aï ramboeve.