1 Tesalonicenses 5:10 - Biblia Guarani Tumpa Iñee

¹⁰ echa jae omano yanderé, yaiko vaerä jae ndive yaikoveño ñaï yave ani ñamano yave.

Nuevo Testamento Guaraní Pe

¹⁰ Echa ñandeYa Jesucristo omano ñanderé, ñande yaico vaera jae ndive. Ñamano yave ani yaico vɨteri yave, yaicota jae ndive.

1 Tesalonicenses 5:10 ပူးပေါင်းရင်းမြစ်များ

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Juan 10:11

Che ko jae vecha reta iyangarekoa ikavi vae. Vecha reta iyangarekoa ikavi vae omano vecha reta oepɨ vaerä.

San Juan 10:15

Jökorai CheRu chekuaa jare che aikuaa vi. Jare che amee cherekove vecha reta re.

San Juan 10:17

Jáeramo cheRu cheraɨu, echa amee cherekove, aikove ye vaerä.

San Juan 15:13

Mboroaɨu tuichagüe güɨnoi vae ko omee jekove ivɨa-ïru reta re.

Romanos 8:34

¿Kia pa ko jae oporojäata vae? Cristo ko omano jare oikove ye vae, jare oime oï Tumpa iyakatu kotɨ vae. Jae etei oyerure Tumpa pe yanderé vae.

1 Corintios 15:3

Echa tenonde ete pomboe, che amboresivegüe, jae ko: Cristo omano yandeyoa reta re Tumpa Iñee pe jei rami;

2 Corintios 5:15

Omano opaete vae re, oikoveño vae reta agüɨye vaerä ma yogüɨreko iyeupeguarä aeño, jaeño yogüɨreko vaerä jókuae omano jare oikove ye jese reta vae peguarä.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

1 Tesalonicenses 4:13

Cherɨvɨ reta, mbaetɨ roipota pepɨta peikuaambae omanogüe vae reta regua, agüɨye vaerä pepɨatɨtɨ, jókuae mbaetɨ mbae oäro vae reta rami.

1 Tesalonicenses 4:15

Jáeramo romombeu peve yandeYa omombeu oreve vae, kërai yande oimeño yaikove yandeYa ou ye yave vae reta ngaraa yande räri yaja omanogüe vae reta güi.

1 Tesalonicenses 4:17

jaɨkue rupi yande yaikoveño ñaï vae reta yayererajaukata jae reta ndive amapɨtu re ñaövaiti vaerä yandeYa. Jare jökorai yaikoita yandeYa ndive jekuae avei pegua.

1 Tesalonicenses 5:6

Jáeramo, agüɨye yake ïru vae reta rami. Jaeño yasareko avei jare yayeandu avei ñaï.

1 Timoteo 2:6

Jae oñemee omano vaerä, oepɨ vaerä opaete vae. Jare Tumpa oikuaauka kuae, iara pe kavi.

2 Timoteo 2:11

Kuae ko jae ñee añete vae: “Jae ndive ñamano yave, jae ndive yaikove yeta vi.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.