1 Tesalonicenses 4:9 - Biblia Guarani Tumpa Iñee

⁹ Ërei mboroaɨu penoi vae regua, aecha mbaetɨ jupi aikuatía vaerä peve. Echa peikuaa ma Tumpa pemboe ma ko peyoaɨu vaerä.

Nuevo Testamento Guaraní Pe

⁹ Mbaetita aicuatía peve mboroaɨu penoi vaera iru oporogüɨrovia vae reta cotɨ vae re. Echa peicuaa ma co. Tumpa pemboe ma peyoaɨu vaera.

1 Tesalonicenses 4:9 ပူးပေါင်းရင်းမြစ်များ

SALMOS 133:1

Mase, ¡täta ikavi jare ipöra, opaete oñoëtara vae reta yogüɨreko vaerä metei rami!

ISAÍAS 51:13

Peakañɨ peYa peApoa güi, ara jare ɨvɨ iyapoa güi, ara ñavo pekaaru aru pekɨɨye oporombopɨatɨtɨ vae reta güi, oyemongeta pemokañɨtei vaerä yave. Ërei, ¿jama pa jókuae oporombopɨatɨtɨ vae reta iyarasɨ?

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

LEVÍTICO 19:8

jare jókuae soo jou vae toiporara teko oyavɨ vae re, echa mbaetɨ omboete cheve oñeñono tee vae; toyemombo ete kavi jëtara reta ipɨte güi.

San Mateo 22:39

Jare mokoía jökorai etei vi: “Eaɨu nderapicha nde reyeaɨu rami.”

San Juan 14:26

Ërei jókuae Oporombopɨakatuta vae Espíritu Santo CheRu ombouta peve cheree re vae, pemboeta opaete mbaembae re, jae pemomaenduata opaete che jae peve vae re.

Hechos 4:32

Jare opaete oporogüɨrovia vae reta metei ramiño ñogüɨnoi. Mbaetɨ metei ave jei imbaembae re: “Kuae ko chembae.” Echa opaete imbaembae reta güɨnoi metei ramiño.

Romanos 12:10

Peyoaɨu oñoëtara ete vae reta rami. Pemae kavi oyoe peyomboete reve.

2 Corintios 9:1

Korepoti pemboatɨgüe oporogüɨrovia vae reta peguarä vae re, jupiä ma aikuatía jese peve vaerä,

Filipenses 3:15

Jáeramo, opaete ñanepɨ̈rata ma vae yayemongeta jökorai. Ërei mbaetɨ peyemongeta jökorai yave, Tumpa oechaukata peve.

1 Tesalonicenses 5:1

Ërei kuae kërai yave oasata vae regua, aecha mbaetɨ jupi aikuatía vaerä peve cherɨvɨ reta.

Hebreos 10:16

“Kuae morogüɨrökuavee päve ayapota jae reta ndive, jókuae ara reta taɨkuegua pe, cheporookuai reta añonota jare aikuatiata jae reta ipɨa pe.”

Hebreos 13:1

Peyoaɨu päve avei.

1 Pedro 3:8

Ïru mbae ye. Penoi metei ramiño yemongeta, peyoparareko, peyoaɨu, pepɨakavi jare peïru pota,

1 Pedro 4:8

Pembotenonde peyoaɨu yae avei vae. Echa mboroaɨu güeru jeta ñɨ̈ro mbaeyoa re.

2 Pedro 1:7

Tumpa imboete pemomɨ̈rata mbɨakavi oyoupi vae pe; mbɨakavi oyoupe vae pemomɨ̈rata mboroaɨu pe.

1 Juan 2:10

Kia oaɨu ïru oporogüɨrovia vae, jae oiko ko tembipe pe, mbaetɨ ipuere oyepɨaka mbae re.

1 Juan 3:11

Echa iyɨpɨ güive peendu kuae ñee: “Yayoaɨu päve oyoupi.”

1 Juan 3:23

Jare Tumpa yandeokuai vae jae ko yarovia vaerä Taɨ Jesucristo jare yayoaɨu päve vaerä jae yandeokuai rami.

1 Juan 4:21

Jare Jesucristo oeya yande kuae mborookuai: Oaɨu Tumpa vae, toaɨu vi iñeïru oporogüɨrovia vae.