1 Tesalonicenses 4:6 - Biblia Guarani Tumpa Iñee

⁶ Agüɨye peyapo kuae nunga ikavimbae vae. Echa kuae nunga ikavimbae vae peyapo yave, peyapo ko ikavimbae vae perɨvɨ reta pe. Echa yandeYa oiporaraukata ko peve kuae re, romombeu ma peve rami,

Nuevo Testamento Guaraní Pe

⁶ Agüɨye peyapo cuae nunga icavi mbae vae. Echa cuae nunga icavi mbae vae peyapo yave, peyapo co icavi mbae vae perɨvɨ reta pe. Jare jocorai peyapo yave, ñandeYa oiporaraucata co peve jocuae jeco pegua. Cuae romombeu ma peve, agüɨye vaera peyapo.

1 Tesalonicenses 4:6 ပူးပေါင်းရင်းမြစ်များ

SALMOS 140:12

Aikuaa yandeYa oyapota jupi vae oiporara vae pe, jare mbae oata chupe vae pe.

SALMOS 94:1

¡CheYa, Tumpa oyepɨ ikavimbae iyapoa reta re vae, Tumpa oyepɨ ikavimbae iyapoa reta re vae, eyeechauka!

ÉXODO 20:15

Agüɨye pemaeñomi.

ÉXODO 20:17

Agüɨye peipotarai perapicha jo, agüɨye peipotarai perapicha jembireko, ani jembiokuai kuimbae, ani jembiokuai kuña, ani igüeye, ani imburika, ani oipotagüe mbae nunga güɨnoi perapicha vae.”

PROVERBIOS 11:1

YandeYa güɨröɨro yae ko omaemee yave oata ojäa omee vae; ërei omboyerovia yae jupi rupi kavi mbae ojäa omee vae.

PROVERBIOS 16:11

Oñejäa kavi oñemee mbae vae, jare mbaejäaka jupi vae, yandeYa güi ko ou; opaete mbae oñejäa oñemee pɨpe vae, jae etei ko oñono.

PROVERBIOS 20:14

“¡Jepi ete, jepɨ ete!”, jei ombaegua vae, ërei ogua ma yave oyerovia yae ko ojo.

PROVERBIOS 20:23

YandeYa pe ikaviä yae ko, omaemee vae oata ojäa omee vae, jare mbaejäaka jupimbae vae, mbaetɨ ko ikavi.

PROVERBIOS 28:24

Tu güi ani ichɨ güi omaeñomi vae jei yave: “Mbaeyoaä ko kuae”, jókuae nunga, oporoyuka vae iñeïru ko.

ECLESIASTÉS 5:8

Metei tëtaguasu pe reecha yave paravete vae oyererekoasɨ katu jare jupigüe mbaetɨ oyeapo chupe yave, agüɨye nepɨakañɨ jese; echa metei mburuvicha re omae, ïru mburuvicha ma tuicha vae, jare ïru mburuvicha tuicha yae ete vae güɨnoi mbaepuere kuae mókoi reta re.

ISAÍAS 5:7

Jókuae yandeYa Imbaepuere yae ete vae iuvarupa, jae ko Israel iñemuña reta, jare temitɨ ikavi vae, jae ko kuimbae Judá pegua reta. YandeYa oäro tëi chugüi reta jupi vae, ërei jeieteño ikavimbae, oäro tëi chugüi reta jupi vae, ërei jeieteño jäse oiporara vae reta.

JEREMÍAS 7:6

jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,

JEREMÍAS 9:4

Ivɨa-ïru ndive ave mbaetɨ oyogüɨrovia katu; oñoëtara vae ndive ave mbaetɨ oyogüɨrovia katu, echa oñoëtara vae reta oyombotavɨ, jare oyoangao reta ivɨa-ïru ndive.

EZEQUIEL 22:13

Akua akuata chepo re chearasɨ yae ndembaeyuvanga katu jare reporoyuka vae jeko pegua.

LEVÍTICO 19:11

Agüɨye pemaeñomi, agüɨye peapu, agüɨye peporombotavɨ.

LEVÍTICO 19:13

Agüɨye peyuvanga perapicha re, agüɨye peñomi mbae chugüi. Agüɨye pemombɨta oparavɨkɨ peve vae ikorepoti pɨareve peguarä, pemboepɨ voi chupe.

LEVÍTICO 25:14

Pemee yave mbae perapicha pe ani pegua yave mbae chugüi, agüɨye pembotavɨ perapicha.

LEVÍTICO 25:17

Agüɨye kia nunga vae tombotavɨ japicha, peipoɨu peTumpa güi, echa che ko peYa Tumpa.

MIQUEAS 2:2

Oipota rai yae reta ɨvɨ, jare oyemombae reta jese, oipota reta ambuae vae jo, jare opɨ̈ro reta, güɨrekoasɨ katu reta kuimbae jare jo pegua reta, jare opɨ̈ro reta chugüi iɨvɨ.

SOFONÍAS 3:1

¡Paravete Jerusalén, tëta ipɨapochɨ vae, tëta guasu oyemongɨa mbaeyoa pe vae, tëta guasu ipïrimbae!

SOFONÍAS 3:5

Ërei yandeYa oime jókuae tëta pe; jae ko jupi, mbaetɨ oyapo ikavimbae. Ndeimbove ñavo oñono mbae ko oyeapota vae. Ërei jupimbae vae, mbaetɨ imara.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Marcos 10:19

Nde reikuaa ko mborookuai reta: Agüɨye eyuvanga menda re. Agüɨye eporoyuka. Agüɨye ndemonda. Agüɨye ere añetembae nderapicha kotɨ. Agüɨye eporombotavɨ. Emboete nderu jare ndesɨ.

San Lucas 12:5

Ërei tamombeu peve kia güi pekɨɨye vaerä. Pekɨɨye jókuae ipuere oekɨ perekove güire oporomondo kañɨtei pe vae güi. Añete che jae peve, pekɨɨye chugüi.

San Lucas 16:28

Echa oime anoi pandepo cherɨvɨ reta. Emondo omombeu vaerä chupe reta, agüɨye vaerä jae reta vi yogüeru kuae aiporara aïa pe.’

Romanos 1:18

Tumpa iyarasɨ oyekuaa ara güi opaete jupimbae vae reta kotɨ jare ikavimbae vae oyapo vae reta kotɨ. Echa jae reta omboavai añete vae, ikavimbae vae oyapo reta vae rupi.

Romanos 12:19

Cherɨvɨ reta, agüɨye pe etei peeka peyepɨ vaerä mbae ikavimbae vae oyapo peve vae kotɨ. Pemaeño Tumpa toiporarauka chupe. Echa oyekuatía oï körai: “Oiporarauka vae ko che. Che tamboekovia chupe.”

Romanos 13:4

echa mburuvicha reta oyeokuai ko ñogüɨnoi Tumpa pe ndemborɨ vaerä. Ërei reyapo ikavimbae vae yave, ekɨɨye. Echa Tumpa omee chupe reta mbaepuere oiporarauka vaerä. Jáeramo oyeokuai ñogüɨnoi Tumpa pe, oiporarauka vaerä ikavimbae oyapo vae reta pe.

2 Corintios 7:11

Echa jókuae pepɨatɨtɨ Tumpa jemimbota rupi vae, ¡güeru kɨ̈reɨ ngatu peve, peikuaauka cheve mbaetɨ ko penoi teko vae, pearasɨ mbaeyoa kotɨ, jare peipoɨu vi, cheraɨu yae, perägüɨro jare peiporarauka ikavimbae vae oyapo vae pe! Opaete jókuae rupi peikuaauka mbaetɨ etei teko penoi kuae oyeapo vae re.

Gálatas 5:21

yeakatúä reta, yoyuka reta, savaɨpo reta, oasa ete okaru osavaɨpo reve vae, jare jeta ïru ikavimbae. Kuae reta re amombeu ma peve, kërai kuae nunga ikavimbae vae iyapoa reta ngaraa oike Tumpa iporookuaía pe.

Efesios 4:17

Kuae jae peve pomoñera reve yandeYa jee re: Agüɨye mo peiko oporogüɨroviambae reta rami, iyemongeta ikavimbae rupi yogüɨreko vae reta rami,

Efesios 4:28

Omaeñomise vae agüɨye ye mo tomaeñomi, toparavɨkɨ iyeupe, toyapo ipo pe mbae ikavi vae, ipuere vaerä omborɨ iporiau vae.

Efesios 5:6

Agüɨye kia ave tapembotavɨ ñee osirivembae pe, echa kuae jeko pegua ko Tumpa iyarasɨ ou iñeereendumbae reta re.

DEUTERONOMIO 24:7

Kia nunga vae oyepokou oñomi metei jëtara Israel iñemuña reta, oyapo vaerä tembiokuairä ani omee vaerä yave, tomano jókuae imonda vae, jökorai peekɨ ikavimbae pepɨte güi.

DEUTERONOMIO 32:35

oiporarauka jare omboepɨuka vae ko che, iara pe ogüɨapi retata. Echa köi yae ma oï oiporara reta vaerä, ¡oäro güɨnoi vae köi yae ma!

1 Tesalonicenses 2:11

Jare peikuaa vi ore pe ndive, metei kuimbae taɨ ñavo omboarakuaa jare pombopɨakatu rami ko.

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

Hebreos 2:6

ërei Tumpa Iñee pe kia jei: “¿Mbae pa ko kuimbae, nemaendúa vaerä jese? ¿Mbae pa ko kuimbae reyemoambeko vaerä jese?

Santiago 2:6

Ërei pe reta peñeeasɨ katu paravete vae reta kotɨ. ¿Mbaetɨ pa peikuaa oikokatu vae reta ko pererekoasɨ katu vae jare pereraja mburuvicha reta jóvai vae?

Santiago 5:4

Mase, oparavɨkɨ vae reta ombaarɨvo peve vae reta pe mbaetɨ pemboepɨ vae, oñeapo oï peré. Pe reta pembotavɨ rupi mbaetɨ pemboepɨ chupe vae. Jare yandeYa Imbaepuere yae vae oendu ma iñeengeta peve jókuae ombaarɨvo vae reta vae.