1 Tesalonicenses 4:17 - Biblia Guarani Tumpa Iñee

¹⁷ jaɨkue rupi yande yaikoveño ñaï vae reta yayererajaukata jae reta ndive amapɨtu re ñaövaiti vaerä yandeYa. Jare jökorai yaikoita yandeYa ndive jekuae avei pegua.

Nuevo Testamento Guaraní Pe

¹⁷ Cuae jaɨcue rupi ñande cuae ɨvɨ pe oimeño ñai vae ndeiño ñamano vae yaja paveta jae reta ndive. ÑandeYa ñandereupita, ñañoovaiti vaera jae ndive amapɨtu re. Jare jecuaecuae aveiño yaicota ñandeYa ndive.

1 Tesalonicenses 4:17 ပူးပေါင်းရင်းမြစ်များ

1 REYES 18:12

Aja ramboeve kuae güi yandeYa iEspíritu ndererajata kuae güi che mbaetɨ aikuaa vae pe. Javoi che aja Acab pe romombeu yave royuta roeka, javoi Acab mbaetɨ neväe yave, cheyukata. Che nderembiokuai chetaɨrusu güive amboete yandeYa vae ko.

2 REYES 2:11

Imiari yogüɨraja yogüɨreko ramboeve, ko metei käretou tata katuai vae, kavayu reta tata katuai vae ndive ombosɨrɨ oyougüi; jare Elías oyeupi ara kotɨ metei kusumirou pe.

2 REYES 2:16

jare jei reta chupe: —Mase, ore nderembiokuai pɨte pe oime cincuenta kuimbae jëia vae. Toyogüɨraja toeka jókuae ndemboea, güɨramoi yandeYa iespíritu oupi jare oitɨ mbae nunga ɨvɨtɨ re, ani ɨvɨtɨ päu pe. Ërei Eliseo jei chupe reta: —Agüɨye pemondo metei ave.

SALMOS 16:11

Reechaukata cheve tape tekove pegua; reikoa pe oime avei tuichagüe vɨakatu, yerovia katu opambae vae oime ndeɨpɨ pe.

SALMOS 17:15

Ërei che, roechata jupi rupi aiko ramo, ¡chepɨakatuta apɨta chemomba ma yave!

SALMOS 49:15

Ërei ngatu Tumpa chereepɨta omanogüe reta ñogüɨnoia imbaepuere güi. Echa jae chererajata jupíe.

SALMOS 73:24

Chereroata ndeporomboarakuaa rupi, jare cherekove iyapɨ pe chemboresiveta ikavi rupi.

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

DANIEL 7:13

Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

San Mateo 26:64

Jayave Jesús jei chupe: —Rere ma ko. Ërei jae yeta vi peve, che Kuimbaerä ayeapo vae chereechata ko aguapɨ aï Tumpa imbaepuere vae iyakatu kotɨ. Jare chereechata vi ayu amapɨtu re ara güi.

San Marcos 14:62

Jesús jei chupe: —Jae ko che. Jare che Kuimbaerä ayeapo vae chereechata ko aguapɨ aï Tumpa imbaepuere vae iyakatu kotɨ. Jare chereechata vi ayu amapɨtu re.

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

San Juan 14:3

Aja ma yave ayapokatu perendarä, ayu yeta pogüɨraja, pe reta vi peiko vaerä che aikoa pe.

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

Hechos 1:9

Jare Jesús opa imiari chupe reta yave, Tumpa güɨraja, jae reta omae jese ramboeve. Jayave amapɨtu oñova Jesús, jare mbaetɨ ma oecha reta.

Hechos 8:39

Jare oë reta ɨ güi yave, yandeYa iEspíritu güɨraja joko güi Felipe. Jare eunuco mbaetɨ ye oecha. Jare oyerovia reve ojo jëta kotɨ.

1 Corintios 15:52

metei jeia pe, ñaneresapïri rami Tumpa jemimbɨguasu opa oñee yave. Echa omoñeeta mimbɨ guasu, jare omanogüe reta oikove yeta oikomeguambae vaerä, jare yande yayepoepɨta.

2 Corintios 5:8

Ërei jekuaeño yayerovia. Jare yaipotaecha yaeya yanderete, ñaï vaerä yandeYa ndive.

Filipenses 1:23

Mókoi reve jaekavi yae cheve: Aipota amano, Cristo ndive aï vaerä, echa jókuae ikavi yaeta ko cheve.

1 Tesalonicenses 3:13

YandeYa tapemomɨ̈rata, peyapo vaerä jupi vae, jare agüɨye vaerä yandeRu Tumpa pemboeko mbae re, yandeYa Jesús ou ye yave opaete oporogüɨrovia vae reta ndive.

1 Tesalonicenses 4:15

Jáeramo romombeu peve yandeYa omombeu oreve vae, kërai yande oimeño yaikove yandeYa ou ye yave vae reta ngaraa yande räri yaja omanogüe vae reta güi.

1 Tesalonicenses 4:18

Jáeramo, peñomoäta ngatu päve kuae ñee reta pe.

1 Tesalonicenses 5:10

echa jae omano yanderé, yaiko vaerä jae ndive yaikoveño ñaï yave ani ñamano yave.

2 Pedro 3:13

Ërei yande reta ñaäro ñaï jae güɨrökuavee vae, ara ipɨau vae jare ɨvɨ ipɨau vae, joko pe oimeta jupi vaeño.

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!

Apocalipsis 11:12

Jayave oyeendu ñee ara güi, iñeeäta reve jei chupe reta: “¡Peyeupi kuae kotɨ!” Jayave oyeupi reta ojo ara kotɨ amapɨtu re. Jare jovaicho reta oecha.

Apocalipsis 12:5

Jare kuña imembɨ oa kuimbae; jare jókuae oa vae oyokuaita kuri opaete tëtaguasu reta ipopoka jiero pegua pe. Ërei oyererajauka chugüi imembɨ Tumpa pe, iguapɨa jóvai.