1 Tesalonicenses 4:16 - Biblia Guarani Tumpa Iñee

¹⁶ Echa yandeYa etei ogüeyɨta ara güi ñee mbaepuere pegua ndive, araɨgua tenondegua vae iñee jare Tumpa jemimbɨ guasu ndive. Jare Cristo re güɨrovia reve omano vae reta oikove yeta jae reta räri;

Nuevo Testamento Guaraní Pe

¹⁶ Echa ñandeYa etei ogüeyɨta ara güi ñee mbaepuere pegua reve. Oñeenduta vi metei araɨgua tenondegua vae iñee jare Tumpa jemimbɨ guasu. Jare Cristo re güɨrovia vae omanogüe vae reta oicove yeta rani yogüeru iru omanogüe vae reta ipɨte güi.

1 Tesalonicenses 4:16 ပူးပေါင်းရင်းမြစ်များ

SALMOS 47:1

¡Opaete vae reta, peyepopete! ¡Pesapúkai Tumpa pe peyerovia katu reve!

SALMOS 47:5

¡YandeYa Tumpa oyeupi iguapɨa mborookuaía pegua pe, sapúkai yerovia katu pegua jare mimbɨguasu iñee ndive!

ÉXODO 19:16

Jare mboapɨa ara pe, köe ma ou yave, ou amapɨtu pɨtumimbi vae ɨvɨtɨ opa oyasoi, ara jɨapu jare ama-vera, jare temimbɨñee täta yae vae; jare teyupa pe ñogüɨnoi vae reta opaetei orɨrɨi okɨɨye güi.

ÉXODO 20:18

Opaete Israel iñemuña omae jare oendu reta ararɨapu, ama-vera, jare mimbɨ vecha kuimbae-räti pegua oñee vae, jare ɨvɨtɨ jätati vae; kuae oecha reta yave, orɨrɨi okɨɨye güi, jare osɨrɨ reta mombɨrɨ.

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

JOEL 2:11

YandeYa oenduka iñee isundaro reta jenonde; jeta yae ko isundaro reta, jëia yae ko oyeokuai chupe vae reta; ¡tuicha jare yavaete yae ko yandeYa iporojäa iara! ¿Kia pa ipuereta güɨropɨa?

ZACARÍAS 4:7

¿Mbae pa nde ɨvɨtɨ? Zorobabel jóvai repɨtata ñuu ipe kavi vae rami; jae oekɨta tenondegua ita jeta vae isapúkai reve: ¡Ikavi yae ko! ¡Ikavi yae ko!’ ”

ZACARÍAS 9:14

YandeYa oyekuaaukata jese reta, imbae vae reta rupi juvɨ oëta ama-vera rami. YandeYa Tumpa omoñeeta mimbɨguasu, jare ojota ɨvɨtuai arayevɨ pegua ndive.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

NÚMEROS 23:21

Mbaetɨi oecha ikavimbae jare yembotavɨ Israel iñemuña reta re. YandeYa Tumpa oime oï jae reta ndive. Jare jae reta osapúkai omboete mburuvicha guasu rami.

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Mateo 16:28

Añete che jae peve, ndei amogüe kuae pe ñogüɨnoi vae omano mbove, chereechata che Kuimbaerä ayeapo vae ayu araɨgua mborookuaía ndive.

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Mateo 26:64

Jayave Jesús jei chupe: —Rere ma ko. Ërei jae yeta vi peve, che Kuimbaerä ayeapo vae chereechata ko aguapɨ aï Tumpa imbaepuere vae iyakatu kotɨ. Jare chereechata vi ayu amapɨtu re ara güi.

Hechos 1:11

Kuae reta jei chupe reta: —Kuimbae Galileaɨgua reta, ¿maera pa pemae peï ara kotɨ? Kuae Jesús oyereraja pegüi ara pe vae, jae etei ko ou yeta peecha ojo ara pe rami.

1 Corintios 15:18

Jökorai ko yave, Cristo re güɨrovia vae reta omano ma vae okañɨtei ko.

1 Corintios 15:20

Ërei Cristo oikove ye ko omanogüe reta ipɨte güi. Jae ko tenonde ete oikove ye omanogüe reta ipɨte güi vae.

1 Corintios 15:23

Ërei metei ñavo jenda jenda pe kavi: Tenonde ete Cristo oikove ye; ërei Cristo ou ye yave, opaete güɨrovia jese vae reta oikove yeta.

1 Tesalonicenses 1:10

jare kërai peäro peï Tumpa Taɨ ou ye vaerä ara güi, jae ko Jesús, jókuae Tumpa omoingove ye omanogüe reta ipɨte güi vae. Jae ko yandereepɨ Tumpa iyarasɨ outa vae güi vae.

1 Tesalonicenses 3:11

YandeRu Tumpa etei jare yandeYa Jesús toipea tape cheve aja vaerä pépɨri.

2 Tesalonicenses 1:7

jare pe reta peiporara vae jae omeeta peve mbutuu ore ndive, yandeYa Jesús oyekuaa ara güi yave imbaepuere pegua araɨgua reta ndive.

2 Tesalonicenses 2:1

Añave cherɨvɨ reta, yandeYa Jesucristo ou yeta vae regua jare jae ndive ñañoövaiti vae regua. Pomoñera cherɨvɨ reta,

2 Pedro 3:10

Ërei yandeYa ou ye yave, outa ko imonda vae pɨ̈tu yave ou rami; jayave ara reta täta jɨaputa jare opaete mbaembae reta jendɨta opa oyemboai, ɨvɨ jare opaete mbaembae pɨpegua okaita.

Judas 1:9

Ërei araɨgua tenondegua Miguel etei oñoraro yave aña guasu ndive oyoaka reve Moisés jetegüe re, oipoɨu omboeko vaerä aña guasu. Jaeño jei chupe: “YandeYa toñeengata ndeve.”

Apocalipsis 1:10

Espíritu Santo güɨnoi mbaepuere cheré tenondegua ara semana iyɨpɨ pe, jare aendu chekupe kotɨ ñee tätagüe, mimbɨguasu iñee rami,

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!

Apocalipsis 14:13

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”

Apocalipsis 8:13

Amae jare aendu metei güɨraké oveve ara mbɨte rupi, jare iñeeäta reve jei: “¡Paravete ɨvɨ pegua reta oiporara yaeta ko ïru mboapɨ araɨgua reta mimbɨguasu omoñee yave!”

Apocalipsis 8:2

Jare aecha jókuae chiu araɨgua Tumpa jóvai oyemboɨ ñogüɨnoi vae reta. Jare oñemee chupe reta chiu mimbɨguasu.