1 Tesalonicenses 3:8 - Biblia Guarani Tumpa Iñee

⁸ Roikuaa pepɨ̈rata peporogüɨrovia pe yandeYa re ramo, oremoäta ngatu yae.

Nuevo Testamento Guaraní Pe

⁸ Roicove catu ma, pe reta jecuaeño peyeócuai ñandeYa pe rambue.

1 Tesalonicenses 3:8 ပူးပေါင်းရင်းမြစ်များ

SALMOS 30:5

Echa jae iyarasɨ michi peguaño ko, ërei jae ipɨakavi mbaetɨ opa chugüi. Pɨ̈tu yave ou yaeo, ërei ndeimbove yave outa yerovia katu.

San Juan 15:4

Peï avei cheré, che aï peré rami. Metei jäka oyeasɨa yave uva iɨ güi, ngaraa ipuere ia. Echa jäka jae aeño ipuereä ia. Jökoraita vi pe reta mbaetɨ yave peï cheré.

San Juan 15:7

Peï yave cheré, jare peyapo che jae peve vae yave, peiporu peipota vae jare oyeapota ko peve.

San Juan 8:31

Jayave Jesús jei jókuae judío güɨrovia jese vae reta pe: —Pe reta peiko avei yave che jae peve peyapo vaerä vae rupi, peikota ko cheremimboe retarä añetete pegua.

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

1 Corintios 16:13

Peïndaivi, pepɨ̈rata peporogüɨrovia pe; peyembokuimbae, peñemoäta ngatu.

Gálatas 5:1

Peñemomɨ̈rata Cristo iporoyora re. Jare agüɨye mo peiko ye tembipɨɨrä.

Efesios 3:17

Cristo toiko pepɨa pe peporogüɨrovia rupi, jökorai tätagüe jare pepɨ̈rata vaerä mboroaɨu pe,

Filipenses 1:21

Echa chevegua tekove jae ko Cristo, jare mano ko jae ikavi vae.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Filipenses 4:1

Jáeramo, cherɨvɨ poaɨu vae reta, aipota yae poecha vae reta, ayerovia peré vae reta, cheparavɨkɨ jekovia reta, peñemomɨ̈rata avei yandeYa re.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

1 Tesalonicenses 3:7

Jáeramo, cherɨvɨ reta, roiporara jare orepɨatɨtɨ pɨte pe, orepɨakatu peporogüɨrovia re.

Hebreos 10:23

Jekuaeño ñanemomɨ̈rata yaipoɨumbae reve ñaäro vae re, echa jupi ko jókuae güɨrökuavee vae.

Hebreos 3:14

Echa ñañemoïru ma Cristo ndive, ñanepɨ̈rata yave iyɨpɨ güive yarovia vae re,

Hebreos 4:14

Jesús Tumpa Taɨ, jae ko yandesacerdote tenondegua ete tuichagüe oike ara pe vae, jáeramo, ñañemoäta ngatu yandeporogüɨrovia pe.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

2 Pedro 3:17

Jáeramo cherɨvɨ aaɨu vae reta, peikuaa voi ma kuae mbaembae reta ramo peyeandu, agüɨye peyererajauka ikavimbae vae oyapo vae reta pe, jare pea peporogüɨrovia pe täta ma peï vae güi.

Apocalipsis 3:11

Mase, ayuta ete ma, renoi vae eñovatu, agüɨye vaerä ndembaerä tëi vae oñemee ïru pe.

Apocalipsis 3:3

Jáeramo, nemaendúa Tumpa güi remboresive jare reendu vae re. Eñemomɨ̈rata jókuae re, jare eeya ndeyemongeta ikavimbae vae ndepɨa pe oï vae. Echa mbaetɨ resareko reï yave, ayuta ndeve imonda vae rami, jare ngaraa reikuaa kërai yave ra ayuta ndeve.

1 SAMUEL 25:6

Oyókuai jei vaerä körai: “Mbɨakatu toï nde ndive, ndero pegua reta ndive jare opaete ndembaembae ndive.