1 Tesalonicenses 3:2 - Biblia Guarani Tumpa Iñee

² jare romondo yanderɨvɨ Timoteo pépɨri. Jae ko Tumpa pe oyeokuai vae, oremborɨ omoërakua ñee ikavi vae Cristo regua vae. Romondo ko pemomɨ̈rata jare pemboarakuaa vaerä peporogüɨrovia pe;

Nuevo Testamento Guaraní Pe

² jare romondo vaera pepɨri Timoteo. Jae co ñanderɨvɨ. Jae oyeócuai Tumpa pe. Omombeu ore ndive ñee icavi vae Cristo regua. Jae rambue romondo Timoteo, jae pemoatangatu vaera, jare pembopɨacatu vaera peporogüɨrovia re.

1 Tesalonicenses 3:2 ပူးပေါင်းရင်းမြစ်များ

Hechos 16:1

Javoi ojo oväe Derbe pe, jare joko güi Listra pe. Jare joko pe oiko metei oporogüɨrovia vae Timoteo jee vae. Ichɨ ko jae metei Israel-ɨgua oporogüɨrovia vae, tu ko griego.

Hechos 16:5

Jayave oporogüɨrovia vae reta itupao ñavo rupi oñemoäta ngatu iporogüɨrovia pe Tumpa re, jare ara ñavo jeiete oñemoïru oporogüɨrovia vae reta.

Hechos 18:5

Silas jare Timoteo yogüeru oväe yave Macedonia güi, Pablo oñemoäta ngatu yae oï omoërakua vaerä Tumpa iñee. Omombeu reve judío reta pe Jesús ko jae Cristo.

Romanos 16:21

Timoteo chemborɨ vae jare cherëtara Lucio, Jasón jare Sosípater omondo tamaraeme peve.

1 Corintios 3:10

Che ko jae ipoki o oyapo vae rami. Tumpa ipɨakavi rupi omee cheve añono vaerä o iguapɨkarä. Jare ïru vae ko jae omopüa oï o iguapɨka iárambo vae rami. Ërei metei ñavo tomae kavi kërai omopüa vaerä o iguapɨka iárambo.

1 Corintios 4:17

Kuae jeko pegua amondo aï pekotɨ Timoteo. Jae ko cheraɨ aaɨu vae, jare jupi yandeYa kotɨ vae. Jae pemomaenduata kërai che aiko Cristo re, jare kërai amboe opaete rupi ñogüɨnoi oporogüɨrovia vae reta vae.

2 Corintios 1:1

Che Pablo, Jesucristo jemimondo Tumpa jemimbota rupi. Yanderɨvɨ Timoteo ndive romondo kuae tupapire opaete peporogüɨrovia vae Corinto pe peï vae reta pe, jare opaete oporogüɨrovia vae Acaya rupi ñogüɨnoi vae reta pe.

2 Corintios 1:19

Echa Tumpa Taɨ Jesucristo che jare Silvano jare Timoteo romoërakua peve vae, oipoepɨ katu iyemongeta vaeä ko.

2 Corintios 2:12

Jare che aja aväe yave Troas pe amoërakua vaerä ñee ikavi vae Cristo regua, yepe tëi oyepea cheve tape aparavɨkɨ vaerä chupe,

2 Corintios 2:13

ërei chepɨakatúä etei aväeä yanderɨvɨ Tito joko pe ramo. Jáeramo che ayupavo jare aja ye chugüi reta Macedonia kotɨ.

2 Corintios 8:23

Tito jae ko cheïru jae oparavɨkɨ che ndive pomborɨ vaerä. Jókuae ïru orerɨvɨ reta, jae ko oporogüɨrovia vae reta omondo vae, jae reta ko omboete Cristo vae.

Filipenses 1:25

Aikuaa katu ko jekuaeño apɨtata räri pomborɨ vaerä, peñemomɨ̈rata vaerä peporogüɨrovia re peyerovia reve;

Colosenses 1:1

Che Pablo, Jesucristo jemimondo Tumpa jemimbota rupi, jare yanderɨvɨ Timoteo ndive,

Colosenses 1:7

Kuae re pemboe Epafras oreïru roaɨu vae, jae ko oyeokuai Cristo pe ore ndive, jae ko metei Cristo jembiokuai añete vae.

Colosenses 4:12

Epafras vi omondo tamaraeme peve, jae ko perëtaɨgua, Cristo jembiokuai. Jae jekuaeño oyerure avei peré, peñemomɨ̈rata vaerä, jare peikuaa kavi vaerä opaete Tumpa jemimbota re.

Colosenses 4:9

Amondo vi jae ndive Onésimo. Jae vi ko cherɨvɨ aaɨu vae jupi vae, jae ko perëtaɨgua. Jae reta oikuaaukata peve opaete mbae kuae pe oyeapo vae.

1 Tesalonicenses 3:13

YandeYa tapemomɨ̈rata, peyapo vaerä jupi vae, jare agüɨye vaerä yandeRu Tumpa pemboeko mbae re, yandeYa Jesús ou ye yave opaete oporogüɨrovia vae reta ndive.

1 Tesalonicenses 3:5

Jáeramo, mbaetɨ ma aropɨa ramo, amondo Timoteo aikuaa vaerä peporogüɨrovia regua. Echa aipoɨu oporombotavɨ vae oyapouka vaerä peve ikavimbae vae, jare jökorai roparavɨkɨiño ma.

2 Tesalonicenses 2:17

jae tapembopɨakatu jare tapemomɨ̈rata opaete ñee ikavi vae pere vaerä, jare ikavi vae peyapo vaerä.