1 Tesalonicenses 2:6 - Biblia Guarani Tumpa Iñee

⁶ Mbaetɨ ko roeka kuimbae reta oremboete vaerä, pegüi reta ani ïru reta güi. Ërei orepuere viña Cristo jemimondo jeko pegua.

Nuevo Testamento Guaraní Pe

⁶ Mbaeti vi roipota pe reta jare iru vae reta oremboete vaera. Erei icavita tei roeca pe reta oremboete vaera. Echa ore co jae Cristo jemimondo reta.

1 Tesalonicenses 2:6 ပူးပေါင်းရင်းမြစ်များ

ESTER 1:4

oechauka vaerä iporookuaía iyemboetea, jare imbaepuere tuicha yae vae. Arete oupitɨ ova yasɨ.

ESTER 5:11

Jare imiari chupe reta imbaeyekou tuicha yae vae re jare imichia jeta vae re, jare opaete mburuvicha guasu kërai ombotuicha vae re, jare omboeteuka mburuvicha guasu iyɨvɨrigua reta pe jare tembiokuai reta pe vae.

PROVERBIOS 25:27

Ei jeta ete yau vaerä mbaetɨ ko ikavi, jare yande aeño yayemboete vae, yemboeteä ko.

DANIEL 4:30

jei: “¿Jaeä pa kuae Babilonia guasu che ayapo chembaepuere rupi vae? ¿Ayapoä pa ko mburuvicha reta jëtarä, jare cheporookuaía imboetea yae vaerä?”

San Juan 12:43

Echa jae reta oaɨu yae kuimbae reta iporombotuichaño Tumpa iporombotuicha güi.

San Juan 5:41

Che mbaetɨ ko aeka chembotuicha vaerä ɨvɨ pegua reta.

San Juan 5:44

Pepuereä etei peporogüɨrovia. Echa peipota jekuaeño ïru vae reta pembotuicha vaerä, ërei mbaetɨ peeka yembotuicha Tumpa jae vaeño vae oipota tëi penoi vaerä vae.

San Juan 7:18

Iyeugüi aeño imiari vae oeka oyemboeteuka vaeräño, ërei oeka omboeteuka vaerä imboúa vae, jae oporomboe añete vae re. Mbaetɨ oñeväe jese jupimbae.

1 Corintios 11:9

jaeramiño vi kuimbae mbaetɨ oyeapo kuña jeko pegua. Kuña ko oyeapo kuimbae jeko pegua.

2 Corintios 13:10

Jáeramo aikuatía peve körai pépɨri aïä reve, agüɨye vaerä täta amboeta aja pépɨri yave, mbaepuere yandeYa omee cheve pombokuakuaa vaerä vae rupi, mbaetɨ ko omee cheve pomboai vaerä.

2 Corintios 4:5

Ore roñemoñee yave, romombeu ko Jesucristo jae ko yandeYa vae; ore ko romae oreyé perembiokuai retaño, Jesús roaɨu ramo.

Gálatas 1:10

Mbaetɨ etei aipota ɨvɨ pegua reta chembotuicha. Aipota Tumpaño chembotuicha vaerä. Mbaetɨ vi aipota ɨvɨ pegua reta ambopɨakatu vaerä, echa jökorai yave Cristo jembiokuaiä ma ko che.

Gálatas 5:26

Agüɨye yayembotuicha. Agüɨye yayovaicho oyoupii. Agüɨye yandepɨakatúä oyokotɨ.

Gálatas 6:13

Ërei jae reta etei oyapoä mborookuai jei vae, yepe tëi oyembocircuncidauka reta. Ërei oipota pe reta peyembocircuncidauka, jae reta oyemboete vaerä peré.

1 Tesalonicenses 2:9

Cherɨvɨ reta, pemaendúa kërai täta roparavɨkɨ jare royemoambeko. Roparavɨkɨ ara rupi jare pɨ̈tu rupi ave, agüɨye vaerä pomoambeko mbae re, romombeu ramboeve peve Tumpa iñee ikavi vae.

1 Timoteo 5:17

Jupi ko oporogüɨrovia vae reta itenondegua güɨroata kavi mbaravɨkɨ vae, oyeaɨu yae vaerä, jókuae omoërakua Tumpa iñee jare oporomboe vae.