1 Tesalonicenses 2:16 - Biblia Guarani Tumpa Iñee

¹⁶ oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.

Nuevo Testamento Guaraní Pe

¹⁶ Echa jecuaeño oremboavai, agüɨye vaera oremiari judío mbae vae reta pe, oñemboasauca vaera. Jocorai jecuaeño judío reta oyapo jeta yae icavi mbae vae. Erei Tumpa oiporarauca yaeta co chupe reta.

1 Tesalonicenses 2:16 ပူးပေါင်းရင်းမြစ်များ

GÉNESIS 15:16

Nerɨmɨmino reta jɨmɨmino reta oyerova yeta kuae kotɨ; echa kuae ara rupi amorreo reta ndeiño omondo ete mbatee imbaeyoa.

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

DANIEL 8:23

Kuae mburuvicha guasu reta iporookuaía opa ma iyapɨ imbaepuere yave, jare teko ikavimbae reta jeiete yae ma yave, metei mburuvicha guasu iporomboetembae vae, ipoki yae mbae yavai yae oyapo kavi vae oguapɨta mburuvicharä.

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

MALAQUÍAS 4:5

Mase, ambouta peve ñeemombeúa Elías, ndei ou mbove yandeYa iporojäa iara, tuicha yae jare yavaete yaeta vae.

San Mateo 12:45

Jayave jókuae aña ojo güeru jupíe, chiu aña ikavimbae yae chugüi vae reta jókuae o pe. Jare oike reta yogüɨreko pɨpe. Jare jókuae kuimbae ikaviä yae tenonde yave oiko vae güi. Jökoraita vi oasa kuae ikavimbae iyapoa reta ndive.”

San Mateo 23:32

Pe reta ikavi ko peyapo voi mo peñemuñagüe oyapo rami.

San Mateo 24:14

Jare kuae ñee ikavi vae Tumpa iporookuaía pegua oñemoërakuata opaete ɨvɨ rupi, opaete ɨvɨ pegua reta oendu vaerä. Jayave outa kañɨtei.

San Mateo 24:6

Peenduta jërakua ñeraro reta. Ërei agüɨye pekɨɨye. Kuae susere reta oyeapo ñotai ko. Ërei ngatu ndei vɨteri ko oväe kañɨtei

San Mateo 3:12

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

Hechos 13:45

Ërei judío reta oecha yave jeta vae yatɨ, oñemoägüɨro, jare jei añeteä ko Pablo jei vae, jare jei ikavimbae vae Pablo kotɨ.

Hechos 13:50

Ërei judío reta omboemboe kuña jupi jare imboetea vae reta jare tëta guasu pegua tenondegua reta, oñemopüa Pablo jare Bernabé re, jare omombo reta iɨvɨ güi.

Hechos 14:19

Jókuae ara rupi amogüe judío reta yogüeru Antioquía jare Iconio güi. Jae reta omboemboe tëta guasu pegua reta oyapi vaerä Pablo ita pe. Jare oyapi ma yave, ombotɨrɨrɨ güɨraja tëta guasu güi ikatu kotɨ, echa omanoecha chupe reta.

Hechos 14:2

Ërei judío oporogüɨroviambae vae reta omboemboe judiombae vae reta oporogüɨrovia vae reta kotɨ.

Hechos 14:5

Judío reta jare judiombae vae reta juvicha reta ndive oporepeña temimondo reta re, oyapo vaerä ikavimbae chupe reta jare oyapi vaerä ita pe yave,

Hechos 17:13

Ërei judío Tesalónica pegua reta oikuaa Pablo omoërakua vi Berea pegua reta pe Tumpa iñee yave, yogüɨraja joko pe oyapouka tekorai joko pegua reta pe.

Hechos 19:9

Ërei amogüe ipɨatäta jare mbaetɨ oipota güɨrovia, jei reta ñee ikavimbae vae tëta guasu pegua reta jovake Tape pɨau kotɨ. Jayave Pablo ojo chugüi reta, jare güɨraja jae ndive oporogüɨrovia vae reta, jare oyoaka ara ñavo Tiranno jee vae oporomboea pe.

Hechos 21:21

Ërei jërakua chupe reta kërai nde remboe opaete judío reta ñogüɨnoi judiombae vae reta ipɨte rupi vae agüɨye vaerä oyapo Moisés iporookuai. Echa jërakua kërai nde rere chupe reta agüɨye vaerä ombocircuncidauka taɨ reta, jare agüɨye vaerä oyapo yande yayapoñoi vae.

Hechos 23:12

Jayave pɨareve pe amogüe judío reta oyomboemboe, jare oyepopeyu reve iyé jei mbaetɨta okaru jare mbaetɨta jou ɨ ave, oyuka regua Pablo.

Hechos 24:9

Judío reta jei vi añete ko opaete kuae mbaembae.

Hechos 25:2

Jayave sacerdote reta itenondegua reta jare judío tuichagüe yae joko pe vae reta oñeapo reta chupe Pablo re, jare omoñera

Hechos 25:7

Jare Pablo ou ma yave, judío Jerusalén güi yogüeru vae reta oyemboya Pablo re jare omboeko jeta mbae ikavimbae yae vae re. Ërei mbaetɨ ipuere oechauka reta teko añete vae jesegua.

Hechos 4:12

Mbaetɨ yé kia re yandepuere yayemboasauka. Echa mbaetɨ oñemee ɨvɨ pegua reta pe ïru kia, jese yayemboasauka vaerä.

Hechos 9:23

Jare ɨma ma oasa yave, judío reta oyomboemboe oyuka vaerä Saulo.

1 Corintios 10:33

Jökoraiño vi che ayapo opaete mbaembae jaekavi opaete ïru vae reta pe vae, aekambae reve jaekavi cheve vaeño. Jaeño aeka jeta vae reta amborɨ vaerä, oyemboasauka reta vaerä.

Gálatas 5:11

Cherɨvɨ reta, che amoërakua yae circuncisión, ngaraa tëi ko chemotareɨ vae. Jare ngaraa tëi kia chereröɨro Cristo ikurusu regua amoërakua vae re.

Efesios 3:13

Jáeramo agüɨye peyembopɨtu, aiporara peré vae re. Jaeño pemboete Tumpa kuae re.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

1 Tesalonicenses 1:10

jare kërai peäro peï Tumpa Taɨ ou ye vaerä ara güi, jae ko Jesús, jókuae Tumpa omoingove ye omanogüe reta ipɨte güi vae. Jae ko yandereepɨ Tumpa iyarasɨ outa vae güi vae.

2 Tesalonicenses 2:10

Oyapota oipotagüe mbae ikavimbae, ombotavɨ vaerä okañɨteita vae reta. Echa mbaetɨ omboresive reta mboroaɨu añete pegua, oyemboasauka vaerä.

1 Timoteo 2:4

jae oipota opaete vae oyemboasauka jare oikuaa kavi añete vae.

Hebreos 6:8

ërei jókuae ɨvɨ pe oñemoña yave ñurati katuai, ɨvɨ iya jeita: “Mbaetɨ ikavi kuae ɨvɨ.” Tumpa oyepopeyuta jese jare opata oyeapɨ.

Apocalipsis 22:11

Jupimbae oyapo vae tijeiete toyapo jupimbae. Ikɨa Tumpa jóvai vae tijeiete tikɨa Tumpa jóvai. Jupi vae jeiete tijupi. Jare oñeñono tee vae jeiete toñeñono tee Tumpa peguarä.”