1 Tesalonicenses 2:14 - Biblia Guarani Tumpa Iñee

¹⁴ Echa pe cherɨvɨ reta, peiko ma oporogüɨrovia vae reta Judea pegua reta rami, echa peiporara ma perëtaɨgua reta güi, jae reta oiporara jëtaɨgua reta güi rami,

Nuevo Testamento Guaraní Pe

¹⁴ Jare oyeapo ma peve, Judea pe oñemboatɨatɨ vae reta pe oyeapo vae rami, cherɨvɨ reta. Jae reta vi co Tumpa imbae. Echa güɨrovia Cristo Jesús re. Echa perentaɨgua reta oyapo icavi mbae vae peve, judío reta oyapo icavi mbae vae jocuae oporogüɨrovia vae reta pe rami.

1 Tesalonicenses 2:14 ပူးပေါင်းရင်းမြစ်များ

Hechos 11:19

Esteban oyuka güire, tovaicho reta oiporarauka oporogüɨrovia vae reta pe. Jare oporogüɨrovia vae reta opa oñemoai vae yogüɨraja oväe ɨvɨ Fenicia, Chipre jare Antioquía pe. Jare jae reta imiari judío reta peño Tumpa iñee.

Hechos 13:50

Ërei judío reta omboemboe kuña jupi jare imboetea vae reta jare tëta guasu pegua tenondegua reta, oñemopüa Pablo jare Bernabé re, jare omombo reta iɨvɨ güi.

Hechos 14:19

Jókuae ara rupi amogüe judío reta yogüeru Antioquía jare Iconio güi. Jae reta omboemboe tëta guasu pegua reta oyapi vaerä Pablo ita pe. Jare oyapi ma yave, ombotɨrɨrɨ güɨraja tëta guasu güi ikatu kotɨ, echa omanoecha chupe reta.

Hechos 14:2

Ërei judío oporogüɨroviambae vae reta omboemboe judiombae vae reta oporogüɨrovia vae reta kotɨ.

Hechos 14:4

Ërei tëta guasu pegua reta oyemboyao oyougüi. Amogüe oñemoïru judío reta ndive, jare amogüe oñemoïru temimondo reta ndive.

Hechos 14:5

Judío reta jare judiombae vae reta juvicha reta ndive oporepeña temimondo reta re, oyapo vaerä ikavimbae chupe reta jare oyapi vaerä ita pe yave,

Hechos 17:13

Ërei judío Tesalónica pegua reta oikuaa Pablo omoërakua vi Berea pegua reta pe Tumpa iñee yave, yogüɨraja joko pe oyapouka tekorai joko pegua reta pe.

Hechos 18:12

Ërei Galión jee vae oiko mburuvicharä ɨvɨ Acaya pe yave, judío reta oñemopüa metei rami Pablo kotɨ, jare güɨraja morojäa renda pe,

Hechos 8:1

Jare Esteban imano jaekavi Saulo pe. Jare jókuae ara voi oporogüɨrovia vae Jerusalén pe ñogüɨnoi vae reta re oñemopüa tätagüe vae. Jare opaete oporogüɨrovia vae reta opa oñemoai ɨvɨ Judea jare Samaria rupi. Ërei temimondo reta opɨtaño Jerusalén pe.

Hechos 8:3

Ërei Saulo oiporarauka yae oporogüɨrovia vae reta pe. Echa o ñavo rupi oike jare ombotɨrɨrɨ güɨraja kuimbae reta jare kuña reta oñono tembipɨɨrɨru pe.

Hechos 9:1

Jare Saulo omomburu oyuka vaerä yandeYa re güɨrovia vae reta, jáeramo ojo sacerdote tenondegua ete oïa pe.

Hechos 9:13

Ërei Ananías jei: “CheYa, jeta vae omombeu cheve kuae kuimbae regua, kërai jeta ikavimbae vae oyapo Jerusalén pe nderé güɨrovia vae reta pe.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

1 Corintios 10:32

Agüɨye peiko peporombogüɨapiuka vaerä judío reta pe, judiombae vae reta pe ani oporogüɨrovia vae reta Tumpa imbae reta pe.

1 Corintios 7:17

Ërei metei ñavo toiko yandeYa omee chupe vae rupi. Metei ñavo toiko Tumpa oenɨi oyemboasauka vaerä yave oiko rami. Jare jökorai ayókuai opaete oporogüɨrovia vae reta.

Gálatas 1:22

ërei Cristo re oporogüɨrovia vae reta Judea pegua mbaetɨ chekuaa reta.

1 Tesalonicenses 1:1

Che Pablo, Silvano jare Timoteo, roikuatía kuae tupapire opaete peporogüɨrovia vae Tesalonicaɨgua reta pe. Pe reta peï yandeRu Tumpa jare yandeYa Jesucristo re vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

1 Tesalonicenses 1:6

Jare pe reta pemboɨpɨ peiko, ore jare yandeYa oiko rami. Perovia romombeu peve vae peyerovia reve Espíritu Santo rupi, peiporara yae tëi reve.

1 Tesalonicenses 3:4

Ore roiko pe ndive yave, romombeu voi ko peve roiporarata vae, jare jökorai oasa, pe peikuaa rami.

2 Tesalonicenses 1:1

Che Pablo. Silvano jare Timoteo, roikuatía kuae tupapire opaete peporogüɨrovia vae Tesalonicaɨgua reta, peï yandeRu Tumpa jare yandeYa Jesucristo re vae pe.

2 Tesalonicenses 1:4

Jáeramo ore oremiari kavi peré ïru oporogüɨrovia Tumpa re vae pe, pepɨaguasu, peporogüɨrovia jare peropɨa opaete tembiporara reta vae re.