1 Tesalonicenses 2:13 - Biblia Guarani Tumpa Iñee

¹³ Jókuae re romee avei yasoropai Tumpa pe. Echa perovia Tumpa iñee romombeu peve vae yave, mbaetɨ pemboresive kuimbae iñee rami, pemboresive ko Tumpa iñee añetete vae. Jare kuae Tumpa iñee oparavɨkɨ pe peporogüɨrovia vae reta ipɨa pe.

Nuevo Testamento Guaraní Pe

¹³ Jae rambue jecuaeño romee yasoropai Tumpa pe. Echa romombeu peve yave Tumpa iñee, perovia jae co Tumpa iñee añetete vae - mbaeti ore romombeu peve vaeño. Jare cuae Tumpa iñee jecuaeño oparavɨquɨ pepɨa pe, pe reta peporogüɨrovia rambue.

1 Tesalonicenses 2:13 ပူးပေါင်းရင်းမြစ်များ

JEREMÍAS 44:16

—Ngaraa royapo jókuae ñee reru oreve yandeYa güi vae.

HAGEO 1:12

Zorobabel, Salatiel taɨ jare sacerdote Josué tenondegua ete Josadac taɨ jare opaete ïru reta oendu yandeYa Tumpa iñee, ñeemombeúa Hageo rupi jei chupe reta vae, yandeYa Tumpa oyókuai vae rami; jare opaete vae okɨɨye yandeYa güi.

San Mateo 10:20

Echa peRu iEspíritu pemborɨta pemiari vaerä, mbaetɨ ko pe aeño pemiari.

San Mateo 10:40

Kia pemboresive kavi yave, che etei ko chemboresive. Jare chemboresive kavi vae, omboresive ko chembou vae.

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

San Lucas 5:1

Jare metei ara Jesús oï ramboeve ɨupa guasu Genesaret jee vae jembeɨ pe, jeta vae yatɨ jese oyeapɨsaka vaerä Tumpa iñee re.

San Lucas 8:11

Kuae ko oipota jei ambojaanga reve chemiari vae: Temitɨ, oyembojaanga Tumpa iñee re.

San Lucas 8:21

Jayave Jesús jei chupe reta: —Kuae oyeapɨsaka Tumpa iñee re jare oyapo jae jeigüe vae reta ko jae chesɨ jare cherɨvɨ reta.

San Juan 15:3

Pe reta peyetɨo ma ñee amombeu peve vae rupi.

San Juan 17:17

Eñono tee reta neñee añete vae rupi. Neñee ko jae añete vae.

San Juan 17:19

Kuae reta jeko pegua añeñono tee ma ndeveguarä, jae reta vi oñeñono tee vaerä neñee añete vae rupi.

Hechos 10:33

Jáeramo jupiveiño amondo ndekotɨ, jare yasoropai reyu vae re. Añave ore ko roï opaete kuae pe Tumpa jóvai, roendu vaerä opaete jae ndeokuai vae.

Hechos 13:48

Jare judiombae vae reta oendu yave kuae ñee, oyerovia yae reta jare ombotuicha Tumpa iñee. Jare güɨrovia opaete jókuae Tumpa oiparavo tekove opambae vae güɨnoi vaerä vae reta.

Hechos 16:14

Jayave metei kuña Lidia jee vae temimonde pɨ̈taü vae imeea tëta guasu Tiatira pegua omboete Tumpa vae oyeapɨsaka oï. YandeYa oparavɨkɨ ipɨa pe, oyeapɨsaka kavi vaerä Pablo jeigüe re.

Hechos 17:11

Jare joko pegua judío reta iyarakuaa yae Tesalónica pegua reta güi. Ikɨ̈reɨ ngatu reve oyeapɨsaka Tumpa iñee re, jare ara ñavo omongeta kavi Tumpaa Iñee, oikuaa vaerä añete ra Pablo jei vae.

Hechos 17:32

Jare oendu reta oikove ye omanogüe reta ipɨte güi vae regua yave, amogüe vae oyóyai. Ërei ïru vae reta jei Pablo pe: —Ïru ara royeapɨsaka yeta nderé kuae re.

Hechos 2:41

Jayave Pedro jei vae güɨrovia vae reta oyembobautisauka; jare jókuae ara tres mil rupi oñemoïru oporogüɨrovia vae reta ndive.

Hechos 8:14

Jare temimondo reta Jerusalén pe ñogüɨnoi vae, oikuaa Samaria pegua reta güɨrovia ma Tumpa iñee yave, omondo reta joko pe Pedro jare Juan.

Romanos 10:17

Echa, yaendu vae rupi ko, yaporogüɨrovia. Jare yaendu vae ko, Tumpa iñee.

2 Corintios 3:18

Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

Gálatas 4:14

Jare mbaetɨ chereröɨro jare chemotareɨ chembaerasɨ tëi reve, ërei chemboresive kavi, metei Tumpa iaraɨgua rami, Cristo Jesús etei rami.

Colosenses 1:6

Kuae ñee jërakua peve vae jërakua vi opaete ɨvɨ rupi. Jare opaete kerupi oporogüɨrovia vae reta, jare oyeokuai pe reta rami Tumpa pe. Jókuae ara Tumpa ipɨakavi añete vae peendu jare peikuaa güive.

Hebreos 4:12

Echa Tumpa iñee ko oikove jare imbaepuere, jaimbe yae metei kɨsepuku jaimbe yoyavi vae güi, ipuere oike yandepɨa pe jare yanderekove pe, yandeyoapɨa pɨa pe jare ñaneäputuu pe; ojäa yandeyemongeta reta jare yandepɨa jemimbota reta.

Hebreos 4:2

Echa yandeve vi oñemoërakua ñee ikavi vae chupe reta oñemoërakua rami; ërei jókuae ñee ikavi vae mbaetɨ oyapo mbae chupe reta, echa mbaetɨ güɨrovia reta jókuae oendugüe.

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.

1 Pedro 1:23

Echa penoi ma tekove ipɨau vae, kuae nunga tekove mbaetɨ ou peru jare pesɨ güi. Penoi ko kuae tekove ipɨau vae Tumpa oikove jare iñee oiko jekuae avei vae rupi.

1 Pedro 1:25

ërei ngatu yandeYa iñee oiko jekuae avei.” Jare kuae ko jae ñee ikavi vae ïru vae reta omombeu peve vae.

1 Pedro 2:2

Peyúe neche oyeambae vae ara pegua, michia oa ramo vae ikambúe rami, jókuae rupi pekuakuaa vaerä jare penoi vaerä yemboasa,

2 Pedro 3:2

Aipota peyemongeta ñeemombeúa oñeñono tee Tumpa peguarä vae reta jei vae re, jare vi mborookuai yandeYa Yandemboasa vae mborookuai omee jemimondo reta rupi vae;

1 Juan 3:3

Jare opaete oäro oï vae reta, oyetɨo avei, echa Cristo ikɨambae ko.