1 Tesalonicenses 2:1 - Biblia Guarani Tumpa Iñee

¹ Orerɨvɨ reta, peikuaa ko pe reta, rojo yave perëta pe, mbaetɨ ko rojoiño.

Nuevo Testamento Guaraní Pe

¹ Rojo yave perenta pe, mbaeti rojoiño. Cuae peicuaa pe reta etei, cherɨvɨ reta.

1 Tesalonicenses 2:1 ပူးပေါင်းရင်းမြစ်များ

JOB 39:16

Mbaetɨ oyangareko imembɨ reta re, imembɨä rami, mbaetɨ omboyemongeta iparavɨkɨ okañɨ vaerä.

SALMOS 127:1

YandeYa iporomborɨ mbaetɨ yave, oparavɨkɨiño ma ko tupao imopüaa reta. YandeYa mbaetɨ yave oyangareko tëta guasu re, oyangarekoiño ma ko tëta guasu iyangarekoa reta.

SALMOS 73:13

¡Chepɨa aitɨoiño ma, mbaetɨ mbaerä ikavi cheve, aitɨoño ma chepo opaete mbae ikavimbae güi!

ISAÍAS 49:4

Che ko jae tëi: “Aparavɨkɨ mbateeiño ma, ayembokangɨ mbateeiño ma.” Ërei, cheYa ipo pe ko oï cherekove, jae ko omboekoviata cheve cheparavɨkɨ.

ISAÍAS 65:23

Ngaraa oparavɨkɨiño reta, jare ngaraa imembɨiño, omano vaerä chugüi; echa che peYa iporerekua jese vae iñemuña reta ko, jökoraita vi iñemuña reta.

HABACUC 2:13

YandeYa Imbaepuere yae ete vae, mbaeä eteita oyapo ndeparavɨkɨ, opaete ndeparavɨkɨ okañɨteita tata pe.

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

1 Corintios 15:2

jese vi peyemboasauka pepɨ̈rata yave jókuae ñee amoërakua peve vae re, añetete peporogüɨrovia yave.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Gálatas 2:2

Aja, Tumpa oechauka cheve ramo, jare amombeu kavi chupe reta jókuae ñee ikavi vae amoërakua judiombae vae reta pe vae. Ërei chemiari tenondegua reta peño oikuaa kavi reta vaerä, aipotaä ramo cheparavɨkɨ okañɨtei.

Gálatas 4:11

Chepɨatɨtɨ yae peré, echa ayemongeta güɨramoi aparavɨkɨiño ma pepɨte pe.

Filipenses 2:16

peiko reve ñee tekove opambae vae re, ayerovia vaerä Cristo ou ye yave, kërai che mbaetɨ aguataiño ani aparavɨkɨiño.

1 Tesalonicenses 2:13

Jókuae re romee avei yasoropai Tumpa pe. Echa perovia Tumpa iñee romombeu peve vae yave, mbaetɨ pemboresive kuimbae iñee rami, pemboresive ko Tumpa iñee añetete vae. Jare kuae Tumpa iñee oparavɨkɨ pe peporogüɨrovia vae reta ipɨa pe.

1 Tesalonicenses 3:5

Jáeramo, mbaetɨ ma aropɨa ramo, amondo Timoteo aikuaa vaerä peporogüɨrovia regua. Echa aipoɨu oporombotavɨ vae oyapouka vaerä peve ikavimbae vae, jare jökorai roparavɨkɨiño ma.

2 Tesalonicenses 1:10

yandeYa ou ye yave oyemboeteuka vaerä jare omopɨakañɨ opaete jese güɨrovia reta; echa perovia romombeu peve vae.

2 Tesalonicenses 3:1

Jare añave cherɨvɨ reta, peyerure oreré, yandeYa iñee oñemoai vaerä jare oyemboete vaerä, pepɨte rupi oasa rami.