1 Tesalonicenses 1:8 - Biblia Guarani Tumpa Iñee

⁸ Echa pegüi reta jërakua yandeYa iñee, mbaetɨ Macedonia jare Acaya peño, jërakua vi opaete kerupi peporogüɨrovia Tumpa re vae. Jáeramo ore mbaetɨ ma oata romoërakua vaerä.

Nuevo Testamento Guaraní Pe

⁸ Echa pe reta pemombeu ñee icavi vae ñandeYa regua iru vae reta pe. Jare opaete vae - mbaeti Macedonia jare Acaya peguaño - oicuaa perovia co Tumpa re. Jae rambue mbaeti ma mbae oata ore romombeu vaera chupe reta.

1 Tesalonicenses 1:8 ပူးပေါင်းရင်းမြစ်များ

ÉXODO 18:9

Jare Jetro oyerovia opaete ikavi vae yandeYa oyapo Israel iñemuña reta pe vae re, Egiptoɨgua reta ipo güi güɨroasayepe jeko pegua,

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 52:7

¡Ipöra yae ko ɨvɨtɨ reta re oyekuaa ou, ñee ikavigüe yerovia pegua omoërakua vae, mbɨakatu omoërakua vae, mbae ipɨau ikavigüe omoërakua vae, yereroasayepe omoërakua vae, Sión pe jei vae: “NeTumpa oï mburuvicha guasurä”!

ISAÍAS 66:19

Jare amokañɨmaata chupe reta: Chugüi reta ojoyepegüe, amondota tëtaguasu reta kotɨ, jae ko: Tarsis, Fut jare Lud pe; kuae tëtaguasu Lud pegua reta oikatu oiporu uvɨ, Tubal jare Javán kotɨ, jare matɨ rupi tëtaguasu reta ñogüɨnoi ɨguasu jembeɨ rupi vae, jókuae mbaetɨ oendu reta cheregua vae, jare mbaetɨ vi oecha reta cheyemboetea; jae reta omoërakuata cheyemboetea tëtaguasu reta pe.

Hechos 18:12

Ërei Galión jee vae oiko mburuvicharä ɨvɨ Acaya pe yave, judío reta oñemopüa metei rami Pablo kotɨ, jare güɨraja morojäa renda pe,

Romanos 1:8

Tenonde ete amee yasoropai Tumpa pe Jesucristo rupi peré, echa jërakua peporogüɨrovia opaete ɨvɨ rupi.

Romanos 15:26

Echa Macedonia jare Acaya pegua reta jei ikavi ko omboatɨ jare omondo vaerä korepoti, Jerusalén pegua oporogüɨrovia vae iparavete vae reta pe.

Romanos 16:19

Peñeereendu jërakua opaete vae pe. Jáeramo ayerovia peré. Aipota pearakuaa peyapo vaerä ikavi vae, ërei agüɨye pearakuaa katu peyapo vaerä ikavimbae;

1 Corintios 14:36

Pemaendúa kërai pegüi retaä ko oyemboɨpɨ oñemoërakua Tumpa iñee, jare pe retañoä ko peendu Tumpa iñee.

2 Corintios 2:14

Yasoropai Tumpa pe, echa jae jekuaeño oremborɨ roporomoamɨri vaerä Cristo Jesús rupi, jare omee oreve ñee ikavi vae roikuaauka vaerä opaete kerupi, mbae ikäti kavi vae otimbo kavi opaete rupi rami.

2 Corintios 3:4

Jare körai roe peve, rogüɨrovia Tumpa re Cristo rupi ramo.

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

2 Tesalonicenses 1:4

Jáeramo ore oremiari kavi peré ïru oporogüɨrovia Tumpa re vae pe, pepɨaguasu, peporogüɨrovia jare peropɨa opaete tembiporara reta vae re.

2 Tesalonicenses 3:1

Jare añave cherɨvɨ reta, peyerure oreré, yandeYa iñee oñemoai vaerä jare oyemboete vaerä, pepɨte rupi oasa rami.

1 Timoteo 2:8

Jáeramo aipota kuimbae reta oyerure vaerä Tumpa pe opaete kerupi rupi omopüa reve ipo, iyarasɨmbae reve jare ñerarombae reve.

2 Timoteo 2:9

Jese aiporara aiporara aï tembipɨɨrɨru pe ikavimbae iyapo rami. Ërei Tumpa iñee mbaetɨ oyeokenda oï.

3 Juan 1:12

Opaete vae imiari kavi Demetrio re. Echa jae oiko añete vae rupi. Ore vi romombeu peve jae jekuaeño oyapo ikavi vae. Jare peikuaa ore romombeu peve vae añete ko.

Apocalipsis 14:6

Jare aecha ïru araɨgua oveve ara mbɨte rupi, güɨnoi omoërakua vaerä ñee ikavi vae opambae vae ɨvɨ pegua reta pe, opaete tëtaguasu reta pe, ñemuña reta, ñee ambuae mbuae reta pe jare tëta reta pe,

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.